Wp/vmw/Ipowesiiya sa Marcelino dos Santos
Ipowesiiya sa Marcelino dos Santos[1]
Marcelino dos Santos (oyariwe Olumpo, eporoovinsia ya wamphula, nihiku 20.05.1926) naakhili ni napowesiia oMosampiki. Aaira mpantta ni aari namapattuxa a Ohoolo wa ohakalala a Mosampiiki . Aaphin'yaawe okhala mukhulupale no namaholela. Novuluwa Mosampiki, Marcelino dos Santos, aari namaholela oopacerya wa oreriha ni wunnuwiha, owerya aaruyaawe 1977, voopakiyani wa musonkano woopacerya a epaixe (mukharikhari yoowo yaitthaniwa "asempeleya yaatthu)., aaryawe namuholeli mphaka wiiraneya muaathanle opacerya a ipartitu, 1994.
Ni woosuwelaxiwa Kalungano ni Lilinho Micaia ookhalana ipowesiiya sawo olalen'yawe O Brado Afrikano ni piili olalen'yawe Empa ya anamaxutti ya nikhuru, Olispoa. Ni nsinanawe noovuwa, opacenre elivuru awe elaleriwe ni Ovaraana es Anamalepa oMosampiiki, mwaakha 1987, nsina " Wiipa wa ophenta ephattu".
Oloha wa maama nooripe
Maama nooripe
Onimututhweela mwana awe
Ni onaliyala
wiira nakhuwo ohumihiwa ni etthaya
wiira mattuvi nsana omala
Owo oniloherya ilapo soorera
Weiwo mwana awe onorowa oxikola
Exikola anisoma alopwana
Maama nooripe
Onimututhweela mwana awe
Ni aaliyalaka
axihimawe atekaka mittetthe ni ipooma
aaxotthelaka ni ephomyawe
Owo oniloherya ilapo soorera
weiiwo mwana awe atthiawawe mramphani
Mramphani memmo anvira alopwana
Maama nooripe
Onimututhweela mwana awe
Ni iwelelaka
nsu ninrya ottan'iwene
niruhiwaka ni ettheku
Owo oniloherya ilapo soorera
Ilapo soorera
weiwo mwana awe nrowawe okhalaka.
Enirerela waala
Enirerela waala
maama
Onirerela waala
Enirerela waala
nthenerini
ni npareya
nnawoni mwanyu ni mphironi
Enirerela waala
woolipelelani wookhottihiwa
ni matata ahu okhunuwa
ohiyu vaniinano
ni ohoolo wa opaka
wa mithinto sootheene
maama
Enirerela waala
exariya
ya irutthu sootapwanyiwa
ni etthaya yeephome
wa nso ninoopopiha
ni ottharelana wa mikhone sinttharana
wa mithinto wootheene
wa mithinto wootheene
wa mithinto wootheene maama
wa mithinto wootheene
enirerela waala
Okhupali
wa wicisu woohakalala
na oreriha murima anyu
weiwo oloha wakhuta mwamukhani
onikhaliherya olipelela
ayo maama
enirerela
enirerela waala
wa iphiro soohakalala
wa mwiri mpheya
a ohakalala muumo.