Wp/vmw/Gildo Máquina

From Wikimedia Incubator
< Wp‎ | vmw
Wp > vmw > Gildo Máquina

Gildo Máquina

Gildo Rosário Máquina, namalaleya ihapari ni namatthekuliha muraatiyoni. Opacenrye okhalela malaka aaxinamwane Oraatiyo Mosampiikhi, mwaakha wa 2004, akumiheriwaka ni Catarina Paiva Muacamisa ni mukhaliheryo wa Abdul Afai.Wp/vmw/Gildo Máquina

Noovira iyaakha, Gildo Máquina opacerya okumiherya mukhawe vamosa ni anamwane akina yaarowela wiirela mpantta nlaka nimosa-nimosa.

Mwaakha wa 2006 onatuphela okumiherya nlaka naamiravo "Okathi Wamwaavano" mpakha 2011. Mwaakha wa 2011 mpakha 2012 aaphwanyaneya okhaliheryaka miteko sa Oraatiyo Miramar, Wamphula, variyari wa malaka ootthogkihiwa ni Ekerexa Universaale ya Omwene wa Muluku - IURD, okathi yoowo ehooleliwaka ni pastoore Renato Oliveira, aakhuma elapo ya Brasil.

Mwaakha wa 2013 onatthikela Oraatiyo Mosampiikhi, masi mukwaha ola okhala namakhaliherya miteko, ntoko sa onamalaleya ihapari ni namatthekuliha. Mwaakha wa 2015 tovolonwaawe mmuxeloni mwaanamuteko a mutthenkeso yoola, variyari wa mukutthaano waanamunceene waathukuleliwe 2014.

Omuta yoola va, owo, onvara muteko wa "Locutor-jornalista" ni oyensi "B". Mayareliwo

Mayareliwo:

Gildo Máquina, oyariwe mahiku 17 a mweeri wa Apriili, mwaakha a 1987, eprovinsiya ya Wamphula. Opacenrye osoma Exikola ya Masomelo Oopacerya ya Wanakharamaca-Oseeti. Olelo, tiithi aanamwane araru.

Omwalaniwe mwaakha wa 2020 ni muthiyana athelanne-awe wampwaheryo wa iyaakha muloko ni emosa. Masi vano, yena, oothela ni amwaarawe ari ni ehamela.

Owo orina imeeturu 1,66 sa marakamelo awe, t"oriipa muthaaku. Omusivela mukaiwa oreriwaka khuta enama, woohiya ya kuluwe. Okathi mukina onnimusivela musoro ni mathaapa oothiteliwa. Mulopwana mmosa oomoriwa ikharari ni okhoomalela muteko.