Wp/vmw/Ephattuwelo ya Amakhuwa

Amakhuwa

Ephattuwelo ya Amakhuwa

Amakhuwa atthu aphattun'we elapo ya omosampiiki ni muttetthe wa Omtwara otansaniya, muttetthe owo ori ootakaheryeiya wa vamosa ni wa enamavo, mittetthe iye saalakiheriwa ni akhulupale amapuro yaale, akhaliheriwka ni namavaha miruku mmosa. Muttetthe owo toowilipiha wa ephattu. Omosampiiki, atthu a emakhuwa aniirela mpantta woowatta va osulu wa Omosampiki. Ni osulu wa eporovinsiya ya Osampesia. Emakhuwa nttaava noovuwihiwa na amakhuwa. Nikhuru noowunnuwaxa wa ephattu ya Omosampiiki.

Ethale

Makhalelo a amakhuwa enihimwia wiira amuharon’yaya yaari woopaceryani mulopwana ni muthiyana yaaphattunwe omwaako Namuli (mwako a napiili otepaxa orakama a omosampiiki) ni mwako otepaxa orakama a oporovinsia ya osampesia. Soowatta soopattuxuwa sookhala saaphwanyanen’ye iphattuwaka mwiako sookhuvelana. Nto anamasomi aakhalana makatcamiho a mapuro aphattun’waya amakhuwa. Akina anithonya mwiako, akina ohittho wa nratta na Omalawi, akina osulu wa (Otansaniya) akina ohitto. Nto awo anakhulelihana wa vamosa: wa opaceryani wa ekonto emosa wa ekhalayi ya kiristu, amakhuwa yaahipakeya nikhuru na ephattu wa osulu a Omosampiiki.