Wp/vmw/Ehakhi ya olavula ni oleeliheriwa woohoova
Atthu otene aakhalana ehakhi ya olavula ni oleeliheriwa woohoova.
Malamulo a elapo ya oMossamiphi[1] wa nlakano 48 ninhimya wira:
1. Anammuttettheni ootheene ahaana ehakhi olavula woohoova, ovaha mitthaka woohoova siiso ntoko ehakhi ya oleeliheriwa.
2. Mweettiheryo wa olavula woohoova onoonaneya wa owerya osuweliha muupuwelelo awo mwa makhalelo oolamuliwa ni mweettiheryo wa ehakhi ya oleeliheriwa khikhanle woomalihiwa mwaha wa okhoottihiwa.
3. Ovaha mitthaka woohoova onoonaneya wa, olavula woohoova ni othukumanyiwa anamitthaka, oroweliwa mitthaka, okhapeleliwa wa okhala oowoopowa ni wa isiiri sa muteko ni ehakhi ya olempwa ewarakha ya mitthaka, soosuweliha ni makhalelo makina oovuwiha.
4. Mwa mitthenkeso soovuwiha mitthaka, sa epooma, onnilipiheriwa olavula ni ovaanyihaniwa miruku sa miyuupuwelelo soovirikana.
5. Epooma ennilipiherya ottittimiha mitthenkeso sa epooma soovuwiha mitthaka siiso ntoko ohikhanyereriwa wa anamitthaka onvarela kuveerunu, amihooleli ni akhulupale akina.
6. Mweettiheryo wa ihakhi ni wa ipewe sihimmwale mwa nlakano nla sinittharihiwa mwa makhalelo a exariya muhina mwa otumereriwa ottittimiha Mala mulo a Elapo ya Omosampiikhi ni ottittimihiwa wa mutthu. [2]