Wp/vmw/EPHATTU EXÈNI?

From Wikimedia Incubator
< Wp‎ | vmw
Wp > vmw > EPHATTU EXÈNI?

Ephattu enthukumanya makhalelo mantxène anthònyerya ekékhayi ya khula nikhuru n'atthu. Mwaha w’ephattu, yókhala envirikanyiha nikhuru n’Amakhuwa nnikhuru n’Amakhontte wala n’Alantti.

Muhiná mwa ewarakha yùlupale elempyawe, enihaniwa Fratelli Tutti, Muhóleli Mùlupale a Ekerexa Ekatólika, Papa Francisco, ònilopola íraka, mahikahu ala, onnònaneya opotthana wa iphattu. Mwaha wowuntxerereya osuwelana ni okumanasa w’atthu, vannònaneya okhala atthu amphavela wira olumwenkuwothène ekhaleke ekultura/ephattu emosa pàhi. Ale arina owerya ni muhakhu, yàwo tamphavelaxa wira atthu othène yàtakiheke yàwo: ewareke ntoko sinwaraya, elyèke ntoko sinlyàya, ekhaleke ntoko awo sinkhalaya. Tivó nto, atthu anikhala ilapo itxikhàni ntoko hiyo amosampìkhi, muteko aya otakiherya ni ottharatthara iye sinìraneya ni sinipakiwa ilapo sothàtxiri. Mwaha wa mukhalelo ola, akina a hiyo annithanya itthu s’ephattu ahu. Antxène hiyo, nnimùliwa murú olavula Emakhuwa, khinimphavela wira mwan’ihu olavuleke Emakhuwa.[1]

  1. Caetano, Alex. jornal woniherya, 2021.10