Wp/vmf/Greenshot
Greenshot (Fränggisch Grienschodd) is fei a Brogramm fier däi Gombjuda wou mer san Bildschirm mid abmôln doud. Es gibds seid 2007 fier Meigrosofd Windous un seid 2017 aa fier Mägg ou es, obba des hod eichndli wenich mid dem Windous-Brogramm zum dou walls dô ned alle fungdsiona vo dem Windous-Brogramm gibd[1].
Däi Windous-wersion vo der wôr is under anner Gnou Dschännerel Babligg Laisns (englisch: GNU General Public License) veröffndlichd worn, des hassd dass'd en Gwellgoud fei oschaua gannsd wennsd môgsd. Weiderhin hassd des fei dass däi wôr umasunst is un beliebich gobiert un weidergebn wern derf.
Fier däi Mägg-ou-es-wersion gild des fei obba ned, däi gost a geld und dô kannsd a ned nei'n Goud nei schaua[1].
Fungdsiona
[edit | edit source]Mid Grienschodd gammer aff underschiedlichsde Ardn sein Bildschirm abmôln. Ma had fei däi Auswahl ob mer än gansn Bildschirm abmôln môch, a bschdimmds Fensderla odda a beliebichs Stüggerla vo seim Bildschirm. Wemmer no än Inderned Egsblora nudsd, kamma a a gombledde Indaneddseidn abmôln, aa wemma ned alles vo derer Seidn aff aamôl sichd.
Hôd ma dann sei Bildla abgmôld, gennert ma fei no draff rumgridsln odda än deil vo dem Bildla ungenndlich machng.
Nacherd kannsd es Bildla naus schreim in ä Dadei, in däi Zwischnablôch gobiern, an ä IMäil drohänger, Nausdruggen, in ä Offis-Doggumend nei baggn, odda ercherdwou nauflôdn - was'd hald mechersd.[2]
Bsunderheidn
[edit | edit source]Grienschodd is erwol aans vo di gans wenichn Brogramm däi wou mer als Frangge einichermôßn verschdäid, wall mer fei di Schbrochng bei der wôr aff Frängisch umschdelln ko.
Gwelln
[edit | edit source]- 1 2 Greenshot for Mac OS X is out now!, Greenshot Blog, 10.01.2017. Nôchgschaud am 23.06.2025
- ↑ Greenshot Homepage, Nôchgschaud am 23.06.2025
Im Nedz
[edit | edit source]