Wp/vmf/Feichd

From Wikimedia Incubator
< Wp‎ | vmfWp > vmf > Feichd
Jump to navigation Jump to search


Der Adigl is in Nämbercherisch gschriim.


Feichd is a Margdgmeinde in Middlfrangn, im Kreis Nämbercher Land, däi wou im Norddwesdn an Nämberch un im Wesdn an Wendlschdaa ogrenzd. Dou gibds an gemeinsamer Gwerbebark mid deene Ordschafdn. Neeberm Haubdordd Feichd sin däi weidern Orddsdeile, däi wou dazoughörn, Gauchsmülln, Hahnhuuf, Moosbach un Weiherhaus. Feichd is überwiengd vom Reichswald umgeem. Den Urschbrung vom Noma hodd derer Margd vo derer Fichdnwälder (vo Fichdn, âldhochdeudsch viuhtje), däi wou in derer Geengd aa scho vur'm Reichswald in weidn Flächn gwachsn sin. Im Südosdn schliessd si Schwaddsnbrugg oo, dou wou däi Schbrochgrenzn zum Bairischn (Oberpfalz) verleffd. Der näggsde Ordd im Osdn is Winglhaad.

Gschichde[edit]

Der Ord is woahrscheins im 8. odder schbädesdns im 10. Joahrhunnerd 'gründed worn als a Dochdergabelln vo dem Alddorfer Herzooch odder Könich. Gschichdli gnannd ham nern däi Nämbercher es erschde Mol 1190, dou woar des a Deil vo dem Gebied vo dem "Reichsdominium", des wou vo Nämberch aus verwalded worn is. Aus derer Zeid is aa des Wabbm miid an Zeidlermännla (deutsch: Imker) und den sei Armbrusd un dem Schild in der Händ, wou a Bienerschdogg draff abilld is. Der Honich woar in derer Zeid däi wichdichsde Sach, däi wou vo Feichd verkaffd worn is, un denn wou däi Nämbercher fier ihr Lebbkoung brauchd ham. Nocherd hodds dene Nämbercher Burchgrafn ghörd, un dann dem Margdgrafn vo Anschbach-Baraid. Geecher 1500 hodds in Feichd 80 schdeierbflichdiche Haushalde geem miid 200 Bersoner, däi wou dou gwohnd ham. Im Dreissichjääring Gräich hom däi Feichder efangelische Soldadn, Kaiserdrubbm un schweedische Drubbm beherberng mäin, un a boar andere a nu. 1792 hodd der Markgraf sei Schdadd an däi Breissn verkaffd, korz draff woarn a däi Ösdreicher un däi Baiern dou, däi wou den Ordd under Napoleon 1806 graichd ham.

Dass 1846 der Ludwichskanaal eröffned worn is, hodd den Ordd un sei Wärdschafd ned asu vill brachd, wäi mers si erhoffd hoddd, obber miid derer Bahnschdreggn vo Nämberch nouch Reengsburch un siem Joahr schbäder nouch Alddorf is afwärds ganger miid der Wärdschafd. Wäi ab 1892 der Kieferspanner däi Baam gfressn hodd, hom si vill vo di Waldarbeider vo di umliechnden Wälder in Feichd niederglassn.

Bis zum Gräich woar däi Muna baud worn un aa däi Audobahn A9. Dou derfier hodd mer Bausand brauchd, den wou mer vo der Wesdseidn vo Feichd gnummer hodd, dou wou ma Baam Reenaduriern den Jächersee draus gmachd hâd. Nouch`n Gräich ham däi schdadionierdn Ameriganer däi Bungger un dai Munidionslaacher vo der Muna gschbrengd un ham dou ihre eichne Drubbm schdadionierd. An Fluuchhafn hams aa baud, der wou in däi neinzicher Joahr als erschdes fiers neie Gewerbegebied umbaud worn is.

Kärrng[edit]

  • däi efangelische Jakobskärrng
  • däi kaddoolische Herz-Jesu-Kärrng
  • däi neiabbosdoolische Kärrng
  • däi Mormooner (Kärrng vo dem Jesus-Chrisd vo de Heilichen vo de ledsdn Dooch)

Bollidigg[edit]

Der Büchermassder is momendaan Konrad Rupprecht vo der CSU, däi wou aa däi grössde Fraggdion im Gemeinderad schdelld.

Bekannde Bauwergge[edit]

  • Pfinzingschloss (des wou aa Schloss Mornek haasd)
  • Hermann-Oberth-Raumfardd-Museum im Pfinzingschloss, noochm Oberth benannd, der wou a bekannder Weldraumfoârer gween is
  • Zeidelmuseum
  • Zeidlerschloss (des wou nââchm Schdandordd aa Schloss im Kardäuserweier gnannd wärd)
  • Ducherschloss

Schbordd[edit]

Däi drei Foussballvereine, däi wous dou gibd, sin der 1. SC Feucht, der wo in der Landesliga schbilld, der TSV 04 Feucht, der aa a bekannde Volleyballmanschafd hâd und der SV Moosbach.

Verkehr[edit]

Feichd liechd fiern Verkehr günsdich an der Audobahn A9 (Berlin−Münchn) un an derer Bundesschdrass 8 nouch Reengsburch. Im Schienaverkeer hoddd si nix gänderd, wall däi neier Schnellfoahrschdreggn nnouch Ingolschdadd wesdli an Feichd vurbeifiehrd. Im Nahverkehr gibds am Wochnend in der Nachd däi drei "Naidleiner"-Buslinien, däi wo Feichd mid seine Nachboarordde und miid Nämberch verbindn.

Im Nedz[edit]

Commons-logo.svg
Wikimedia Commons has media related to: