Wp/vmf/Bier

From Wikimedia Incubator
< Wp‎ | vmfWp > vmf > Bier
Jump to navigation Jump to search


Der Adigl is in Nämbercherisch gschriim.


Biere in am Braueraigasdhoof in Aufsess
Zwa Bierfläschla, aans vo vorn und aans vo hindn.

Bier (in Middlfranggng a "Bäier" asgschbrochn) his a algoholischs Gedränk, des wou as Malz, Hopfm und Wasser braud wärd. Zum Vermendiern brauchd ma außerdem nu a Hefm. Weidere Zoudoodn sin aufgrund vom Reinheidsgebot in Daidschland und - desweng a in Frangng - verbooden. In Frangng wärd Bier normoolerwais aus Halblidder-Fläschla oder aus an Seidla drungng. Wenn Kärwa oder Volgsfesd is odder a in gräßere Biergärdn, gräichd ma ofd aa a Mass Bier.

Biersoddn[edit]

Brinzibiell wern obergäriche und undärgäriche Biere underschiedn. Des hängd miid där Hefesoddn zam, die fier des jeweiliche Bier verwended wärd. Obergäriche Hefe fermendierd bei häichere Dembradurn. Des wor fräiers bragdisch, wall ma es Bier beim Gärbrozess schlechd kiehln hod kenna. Außerdem hods bis ca. 1500 gor ka annere Hefm in Euroba gehm. Erschd schbäder is däi undergäriche Hefm eigfierd worn. Hefeweizn und es englische Eil (englisch: Ale) sind zum Beischbill obergäriche Biere. Undergäriche Hefm fermendiern a scho bai niedrichere Dembradurn und wern heid bevorzuchd verwendend. Grund is, dass ma Dank moderner Dechnigg däi Dembradur grod a suu eischdelln ko, wäi märs brauchd. Fraiers hod ma undergäriche Biere blouss im Winder und am besdn in kalde Regiona herschdelln kennd.

Folngde Sorddn wärn in Fragng nomoolärweis braud:

Dunggls[edit]

Dunggle undergäriche Biere worn lange Zeid die dybbischn Biere in viel Gebiede vo Frangng. Der Begriff dunggl is dehnbor und raichd vo Bernschdaafarbm bis fasd schwaz.

Hells[edit]

Helle sin undergäriche, süffiche Biere, däi wou reladiiv hell sin. Däie Schdammwörzn lichd bei elf bis dreizeh Brozend, der Algoholghald bai vierahalb bis seggs Brozend.

Zwiggl[edit]

A Zwiggl, aa ofd Kellerbier gnennd, is a unfildrierds Bier. Desweeng is es nadurdrüb. Es gülded als gsund, walls viel nadürliche Schwebschdoff endhäld, däi wou in andere Biere nomalerweis rausgfilderd wern. Zwiggl sind massnds undergäriche helle Biere, kenna obber a obergärich sei. Zwiggl sind ofd ungeschbunded, was hassd, dass se wenicher Kullnsäure hom.

Hefewaizn[edit]

A Hefeweizn is a obergäriche Biersorddn, däi wou aus Weizenmalz braud wärd.

Rauchbier[edit]

Rauchbier wärd miid graicherdn Malz hergschdelld. Es Schlängerla aus Bambärch is aans vo däi bekanndesdn Rauchbiere.

Brauerein[edit]

Vollschändicha Lisdn vo Brauerein in Frangng

Brauereigasdschdäddn in Aufsess (Ordsdaal Saggsndorf)

Frangng hod hundärde Brauerein. Där Regierungsbezirg Oberfrangng hod alla scho 200 Brauerein. A Braumasder kummd do af ca. 50.000 Leid. Des is weldweid Rekord.

Unvollschdändiche Lisdn vo frängische Brauerein:

Oberfragng[edit]

  • Aufsesser
  • Greif
  • Held Bräu aus Oberaislfeld
  • Krug-Bräu
  • Leikeim
  • Meister (Underzaunsbach)
  • Schlängerla
  • Weißenoher

Middlfrangng[edit]

  • Dornbräu in Ammerndorf (anziche Brifadbrauerei im Ladgrais Färdd)
  • Kitzmann (ghörd edzala zu aaner Kulmbacher Brauerei)
  • Spezialitätenbrauerei Steinbach Bräu
  • Tucher Bräu (mid siebm Biermargn)
    • Tucher
    • Lederer
    • Patrizier
    • Humbser
    • Zirndorfer
    • Siechen
    • Grüner
  • Schanzenbräu