Wp/tzm/Tafukt

Tafukt iga-tt yitri n unegraw afukan. G ussurtey asnallun, tga tafukt seg yitran ganin g wanaw axmuc awraɣ ilan g ubeddur attayen n 1,989 1 × 1030 kg, tettusileɣ s uhidrujin (75 % n ubeddur d 92 % n ubleɣ) d uhilyum (25 % n ubeddur d 8 % ubleɣ). Tamu tafukt g umahellaw igan s isem abrid n walim taggug i tuẓẓumt n umahellaw s wattayen n 8 kpc (∼26 100 a.l.), agensu n yiɣil n Uṛyun. Da tessutul tafukt i tuẓẓumt n umahellaw g 225 ar 250 n imelyunen n isegg°asen (asegg°as n umahellaw). Da as-ittenneḍ wakal (s temmri n 30 km/s), sa n imtiwgen yaḍen, semmus n imtiwgen ixmucen s usidres, mennaw n iknemtiwgen d imsazagen d yat tassfift n ugeḍrur. Da tettgensas tafukt i waḍu-nnes attayen n 99,854 % n ubeddur n unegraw afukan ainsi constitué, da ittgensas Jupiter uggar n sin ifkraḍen n uyenna d-yaguren.