Wp/tzm/Rafael Bombelli

From Wikimedia Incubator
< Wp‎ | tzm
Wp > tzm > Rafael Bombelli
Aljibeṛ seg dar Rafael Bombelli: agrudem n teẓrigt Bulunya n 1579

Rafael Bombelli (ittwaddem neɣ baptisé ass n 20 innayer 1526; immet aseggʷas n 1572) ikka-t-inn iga yan umusnak awṭalyan. Ilul-d g Bulunya, iga amara n yat "traité" istawhemman s waljibeṛ d yan wudem ɣur illa watig ufham n wuṭṭunen isugnanen. G warra-nnes n 1572 nna igan s uzwel L'Algebra (Aljiber), ifra di-s Bombelli kra n tagdiwin s ussemres-nnes i tɣarast n del Ferro/Tartaglia.

Tudert-nnes[edit | edit source]

Ittwaddem Rafael Bombelli ass n 20 innayer 1526 ammas n Bulunya, n yiwunak n Ibabaten. Iga memmi-s n Antonio Mazzoli, yan usebbab/amseɣsenzi n taḍut, d Diamante Scudieri, illi-s n yan umegnu. Kkan-tt-inn ayt Mazzoli g mayd izrin gan itsen yinedduba ammas n Bulunya, maca llig yuli wis-sin Ibabaten Julius ɣer tenbaḍt aseggʷas n 1506, iḍi-ten kull. Uten ayt Bentivoglio ad d-awin tanbaḍt n Bulunya aseggʷas n 1508 imil feclen.

Yamu jedd-is n Rafael g yirim n "asgerwel n wawank" nna ittawskaren, maca s temgeṛẓa-nnes ittyamaẓ dig-s aha ittwanɣa. Yufa Antonio ad yaɣul ɣer Bulunya, ḍart mayd issenfel ḍfurisem-nnes neɣ d isem n tewja-nnes s Bombelli afadd ingara d tsellit n ayt Mazzoli nna ixxan.