Wp/tzm/ⵉⵏⵏⵢⵓⵛ

From Wikimedia Incubator
< Wp‎ | tzm
Wp > tzm > ⵉⵏⵏⵢⵓⵛ

ⵉⵏⵏⵢⵓⵛ (théorème) ⴷ ⵢⴰⵏ ⵓⵙⴼⵍⵉⵏⵉ ⵏⵏⴰ ⵉⵣⵎⵔⵏ ⴰⴷ ⵉⵜⵜⵓⵙⵉⵙⴽⵏ ⵙ ⵜⵓⵙⵏⴰⴽⵜ, ⵉⴳⴰ ⵜ ⵢⴰⵏ ⵓⵏⵉⵏⵢ ⵏⵏⴰ ⵉⵣⵎⵔⵏ ⴰⴷ ⵉⵜⵜⵓⵙⵜⵎⵔ ⵎⴰⵙ ⵉⴳⴰ ⵜⵉⴷⵜ ⵙ ⵉⵡⵙ ⵏ ⵢⴰⵏ ⵓⵖⵥⵏ ⴰⵎⴰⵢⵜⵜⴰⵏ ⵏⵏⴰ ⵉⵜⵜⵓⵚⴽⴰⵏ ⵙ ⵓⵙⴼⴰⵍ ⵙ ⵜⴳⵊⴷⴰⵏⵉⵏ.

ⴰⴷ ⴷⴰⵢ ⵉⵜⵜⵓⵙⵉⵙⴽⵏ ⵉⵏⵏⵢⵓⵛ, ⴷⴰ ⵉⵜⵜⴳⴰ ⵜⵉⴷⵜ ⴰⵢ ⵏⵏⴰ ⵙ ⴰⴽⴽⵯ ⵜⵔⴰ ⵜⴳⵜ ⵜⵉⴷⵜ ⵏ ⵜⵎⵙⵣⵡⴰⵔⵜ ⴼ ⵢⵓⵚⴽⴰ ⵉⴷⴷⵖ ⴷⴰ ⵉⵜⵜⵓⵙⵏⴽⴰⴷ ⵙ ⵓⴷⵎ ⵏ ⵢⴰⵏ ⵓⵙⴹⴼⵕ: ⵉⴳ ⵉⴳⴰ A ⵜⵉⴷⵜ ⴰⵡⴷ B ⴰⴷ ⵉⴳ ⵜⵉⴷⵜ ⵙ ⵓⵛⵉⵍⴰⵢ. ⵀⵢⵢⴰ ⵉⵣⵎⵔ ⴰⴷ ⵉⵜⵜⵓⵙⵎⵔⵙ ⵉ ⵓⵙⵉⵙⴽⵏ ⵏ ⵡⵉⵢⵢⴰⴹ ⵉⵙⴼⵍⵉⵏⵉⵜⵏ. ⴰⵙⵉⵙⴽⵏ ⵏ ⵉⵏⵏⵢⵓⵛ ⵉⴳⴰ ⵜ ⵓⵙⵉⵙⴽⵏ ⵏ ⵉⵙ ⵓⵔ ⵉⵙⵙⵉⵏ ⴰⴷ ⵏⴰⴼ ⵎⴰⵙ ⵜⴳⴰ A ⵜⵉⴷⵜ ⴷ B ⵜⴰⵔ ⵜⵉⴷⵜ ⵙ ⵢⴰⵜ ⵜⵉⴽⴽⵍⵜ.

ⴷⴰ ⵉⵜⵜⵍⵉ (ⵉⵜⵜⵙⵄⵓ) ⵉⵏⵏⵢⵓⵛ ⵙ ⵓⵎⴰⵜⴰⵡ:

  • ⵜⵉⵙⵔⵙⵉⵜⵉⵏ ⵏ ⵜⵙⴰⵙⴽⵓⵜ, ⵜⵉⵎⴽⵉⵜⵉⵏ ⵉⵜⵜⵓⵎⵓⵏ ⴳ ⵉⵏⵏⵢⵓⵛ ⵏⵖ ⵜⵜⵓⵙⵏⵎⴰⵍⵏⵜ ⵣⵡⴰⵔ.
  • ⵜⵉⵎⵔⴳⵍⵜ, ⴰⵙⵎⵉⵏⵉ ⴰⴽⴰⵜⵓⵙⵏⴰⵏ ⴰⴳⴰⵏ ⵜⵉⴷⵜ ⵙ ⵜⵉⵍⴰⵡⵜ ⵏ ⵜⵎⴽⵉⵜ ⵏ ⵜⵙⴰⵙⴽⵓⵜ.

ⵎⵇⵇⴰⵕ ⵉⴳⴰ ⵓⵙⵉⵙⴽⵏ ⴰⵛⵉⵍⴰⵢ ⵉ ⵓⵙⵣⵓⵢⵜ ⵏ ⵓⵙⴼⵍⵉⵏⵉ ⵉⵙ ⵉⴳⴰ "ⵉⵏⵏⵢⵓⵛ", ⵓⵔ ⴷⴰ ⵉⵜⵜⵓⵎⵓ ⴳ ⵉⵏⵏⵢⵓⵛ. ⵡⴰⵢⵢⴰⴹ ⵓⵙⵓⵜⵜⵓ ⵏⵏⴰ ⵙ ⵏⵣⵎⵔ ⴰⴷ ⵜ ⵏⴼⴽ ⵉ ⵉⵏⵏⵢⵓⵛ : " ⵢⴰⵏ ⵓⵏⵣⴷⵉⴳⵏⵉ ⵏⵏⴰ ⵎⵉ ⵏⵓⴼⴰ ⴰⴷ ⵏⵙⵉⵙⴽⵏ ⴰⵎⵔⴰⴹ."

ⴷⴰ ⵢⵙⵎⵓⵏ ⵓⵙⵉⵙⴽⵏ:

  • ⵜⵉⴳⵊⴷⴰⵏⵉⵏ.
  • ⵜⵉⵙⵔⵙⵉⵜⵉⵏ ⵏ ⵉⵏⵏⵢⵓⵛ.
  • ⵡⵉⵢⵢⴰⴹ ⵉⵏⵏⵢⵓⵛⵏ ⵢⴰⴷ ⵉⵜⵜⵓⵙⵉⵙⴽⵏⵏ.

ⴽⵓ ⵜⴰⵙⵏⴹⴰⵡⵜ ⴳ ⵜⵙⵏⵥⵉⵜ ⵜⵜⵢⴰⵖⴰⵏ ⵙ ⵓⵎⵣⵡⵓⵔⴷⵓ ⵏⵏⵙ ⵙ ⵉⵍⴳⴰⵎⵏ ⵉⵎⴰⵢⵜⵜⴰⵏⵏ.

ⵜⵉⵢⵢⴰⴹ ⵜⵙⴽⵍⴰ ⵏ ⵉⵏⵉⵏⴰⵢ[edit | edit source]

ⵙ ⵓⵙⴼⵍⵉⵢ,ⵣⵎⵔⵏ ⵎⴰⵕⵕⴰ ⵉⵏⵉⵢⵏ ⵉⵜⵜⵓⵙⵉⵙⴽⵏ ⴰⴷ ⴰⵙⵉⵏ ⴰⵙⵙⴰⵖ ⵏ "ⵉⵏⵏⵢⵓⵛ". ⵎⴰⵛⴰ ⴳ ⵉⵡⵉⵔⵏ ⵏ ⵜⵓⵙⵏⴰⴽⵜ ⵉⵥⵍⵉ ⵓⵙⵙⵎⵔⵙ ⵏ ⵉⵔⵎ ⴰⴷ ⵉ ⵉⵏⵉⵏⴰⵢ ⵉⴳⴰⵏ ⵉⵎⴰⵢⵏⵓⵜⵏ ⵏⵖ ⴳⴰⵏ ⵉⵎⵙⴳⴰⵡⵏ ⵏⵖ ⵉⵏⴷⵙⴰⵢ. ⴷⴰ ⵜⵜⵓⴼⴽⴰⵏ ⵡⴰⵙⵙⴰⵖⵏ ⵉⵎⵢⴰⵍⵍⴰⵏ ⵉ ⵉⵏⵣⴷⵉⴳⵏⵉⵜⵏ ⵉⴽⴰⵜⵓⵙⵏⴰⵏⵏ ⵙ ⵓⵎⵢⴰⵖⴰⵏ ⴷ ⵜⴷⵙⴰⵢⵉⵜ ⵏⵏⵙⵏ ⴷ ⵜⵏⵎⴰⵙⵉⵢⵜ ⵏⵏⵙⵏ :

  • ⵜⴰⵎⵙⵙⵉⵡⴰⵏⵜ: ⵉⵏⵉⵢ ⵉⵜⵜⴳⴳⴰⵏ ⴰⵏⴰⵎⵎⴰⵙ ⵉⵜⵜⵓⵙⵎⵔⵙ ⵉ ⵓⵙⵉⵙⴽⵏ ⵏ ⵉⵏⵏⵢⵓⵛⵏ ⵉⴳⴰⵏ ⵉⵏⴷⵙⴰⵢ ⵓⴳⴳⴰⵔ.
  • ⴰⵙⵉⴼⵖ : ⵜⴰⵢⴰⴼⵓⵜ ⴷ ⵉⵜⵜⴼⴼⵖⵏ ⵙ ⵓⵙⵔⵉⴷ ⴳ ⵢⴰⵏ ⵉⵏⵏⵢⵓⵛ ⵉⵜⵜⵓⵙⵉⵙⴽⵏⵏ.
  • ⴰⵙⴼⵍⵉⵏⵉ :ⵜⴰⵢⴰⴼⵓⵜ ⵉⴳⴰⵏ ⵜⴰⴳⵢⴰⵏⵜ ⵙ ⵓⵙⴰⵣⴷⵢⴰⵏ ⵏⵏⴰ ⵓⵔ ⵉⵜⵜⵢⴰⵖⴰⵏⵏ ⵙ ⴽⴰ ⵏ ⵉⵏⵏⵢⵓⵛ ⴰⵍⵉⵛⴰⵏ.
  • ⵜⴰⵡⴰⵍⵉⵜ : ⵜⴰⵢⴰⴼⵓⵜ ⵜⴰⵎⵙⴳⴰⵡⵢⵜ ⵏⵖ ⵜⴰⵎⴰⵡⴼⵔⵜ ⵏⵏⴰ ⵉⵣⵎⵔⵏ ⴰⴷ ⴷ ⵉⴼⴼⵖ ⵙⴳ ⵜⵙⵏⵥⵉⵜ ⵏⵖ ⵙⴳ ⵢⴰⵏ ⵓⵙⵎⵉⵏⵉ ⴰⴹⵏⵉⵏ.
  • ⵜⵉⵙⵔⵙⵉⵜ : ⴰⵙⴼⵍⵉⵏⵉ ⴰⴽⴰⵜⵓⵙⵏⴰⵏ ⵎⵉ ⵓⵔ ⵏⵙⵙⵉⵏ ⵜⵉⴷⵜ. ⴰⵔ ⵉⵜⵜⴳⴳⴰ ⵉⵏⵏⵢⵓⵛ ⴰⴷ ⴷⴰⵢ ⵉⵜⵜⵓⵙⵉⵙⴽⵏ.

ⵉⵎⴽ ⵏⵏⴰ ⵢⴰⴷ ⵏⴻⵏⵏⴰ, ⴷⴰ ⵉⵜⵜⵉⵔⵉ ⵉⵏⵏⵢⵓⵛ ⵢⴰⵏ ⵓⵙⵉⵙⴽⵏ ⴰⵎⴰⵢⵜⵜⴰⵏ ⵉⵣⵡⴰⵔⵏ ⵙ ⵜⴳⵊⴷⴰⵏⵉⵏ.......