Wp/tzm/ⴰⵏⵟⵓⵏⵢⵓ ⴽⵓⴱⵉⵍⵍⵓ
ⴰⵏⵟⵓⵏⵢⵓ ⴽⵓⴱⵉⵍⵍⵓ ⵉⴳⴰ ⴰⵎⵖⵏⴰⵙ ⵏ ⵜⵉⵎⵓⵣⵣⵖⵜ ⴷ ⵜⵓⴳⴷⵓⵜ ⴰⴽⴽⴷ ⵢⵉⵣⵔⴼⴰⵏ ⵏ ⵓⴼⴳⴰⵏ ⴷⵉ ⵜⴳⵣⵉⵔⵉⵏ ⵜⵉⴽⵏⴰⵔⵉⵢⵉⵏ. ⵉⵍⵓⵍ ⴷⵉ ⵜⵎⴷⵉⵏⵜ ⵏ ⵍⴰⴳⵓⵏⴰ ⴳ ⵓⵙⴳⴳⴰⵙ ⵏ 1930, ⵢⴻⵍⵎⴷ ⴷⵉ ⵜⵙⴷⴰⵡⵉⵜ ⵏ ⵜⵎⴷⵉⵏⵜ ⵏ ⵍⴰⴳⵓⵏⴰ ⵢⵍⵍⴰⵏ ⴷⵉ ⵜⴳⵣⵉⵔⵜ ⵏ ⵜⵉⵏⵉⵔⵉⴼⵉ ⴰⵔⵎⵉ ⵉ ⴷ-ⵢⴼⴼⵖ ⴷ ⴰⴱⵓⴳⴰⵟⵓ ⴳ ⵓⵙⴳⴳⴰⵙ ⵏ 1956. ⴰⵙⵎⵉ ⵢⴰⴽⴰⵏ ⵉ ⵢⵍⵍⴰ ⴷ ⴰⵏⵍⵎⴰⴷ, ⵢⵜⵜⵏⴰⵖ ⵖⵔ ⵢⵉⴷⵉⵙ ⵏ ⵢⵉⵅⴷⴷⴰⵎⵏ ⴷ ⵡⵉⴷ ⴰⴽⴽ ⵢⵜⵜⵡⴰⵃⵇⵔⵏ. ⵙⵢⵉⵏ, ⵢⵓⵖⴰⵍ ⵢⵙⵍⵓⵍ-ⴷ ⴰⵎⵓⵙⵙⵓ ⵢⵙⵙⵓⵜⵓⵔⵏ ⵙ ⵜⵎⴰⵏⵉⵜ ⵏ ⵜⴳⵣⵉⵔⵉⵏ ⵜⵉⴽⵏⴰⵔⵉⵢⵉⵏ ⵉ ⵢⴰⵙ-ⴷ- ⵢⵡⵡⵉⵏ ⵜⴰⵄⴷⴰⵡⵉⵜ ⵏ ⵓⴷⴰⴱⵓ ⵏ ⵙⵒⵏⵢⵓⵍ. ⴷⵉ ⵜⴰⵍⵍⵉⵜ-ⵏⵏⵉ, ⴰⵟⴰⵙ ⵙⴳ ⵢⵉⵎⴷⵓⴽⴰⵍ-ⵉⵙ ⵉ ⵢⵜⵜⵡⴰⵟⵟⴼⵏ ⵖⵔ ⵍⵃⴱⵙ, ⵎⴰ ⴷ ⵏⵜⵜⴰ ⵢⵔⵡⵍ. ⴷⴳ ⵓⵙⴳⴳⴰⵙ ⵏ 1964 ⵢⵙⵍⵓⵍ-ⴷ ⴰⵎⵓⵙⵙⵓ-ⵏⵏⵉⴹⵏ, ⵜⵉⴽⴽⵍⵜ-ⴰ ⵢⵙⵙⵓⵜⵓⵔ ⵙ ⵓⵣⴰⵔⵓⴳ ⵏ ⵜⴳⵣⵉⵔⵉⵏ-ⴰ ⵜⵉⵎⴰⵣⵉⵖⵉⵏ ⵖⴼ ⵜⴳⵍⴷⴰ ⵜⴰⵙⵒⵏⵢⵓⵍⵉⵜ MPAIAC. ⵉⵙⵡⵉ ⴰⴳⵊⴷⴰⵏ ⵏ ⵓⵎⵓⵙⵙⵓ-ⵢⴰ ⴷ : "ⵜⵉⵎⵓⵏⵏⵜ ⵏ ⵜⴳⵣⵔⵉⵏ, ⵍⴱⵏⵉ ⵏ ⵜⵎⵓⵔⵜ ⵄⵍⴰⵃⵙⴰⴱ ⵏ ⵜⵓⵎⴰⵙⵜ ⵜⴰⵎⴰⵣⵉⵖⵜ ⵏ ⵢⵉⵎⵣⴷⴰⵖ-ⵉⵙ ⵉⴳⵡⴰⵏⵛⵉⵢⵏ(Guanches) ⵉ ⵎⴰⵣⴰⵍ ⵀⴷⴷⵔⵏ ⵙ ⵜⵎⴰⵣⵉⵖⵜ ⴰⵔ ⴰⵙⵙ-ⴰ". ⴰⵏⵜoⵏⵉo ⵛⵓⴱⵉⵍⵍo, ⵢⵓⵙⴰ-ⴷ ⵖⵔ ⵜⵎⵓⵔⵜ ⵏ ⵍⵣⵣⴰⵢⵔ ⴷⴳ ⵓⵙⴳⴳⴰⵙ ⵏ 1968. ⴰⴷⴰⴱⵓ ⴰⵣⵣⴰⵢⵔⵉ ⵏ ⵜⴰⵍⵍⵉⵜ-ⵏⵏⵉ, ⵢⵊⵊⴰⵜ ⴰⴷ ⵢⵇⴷⵛ ⵙ ⵜⵍⵍⵍⵉ, ⵢⴼⴽⴰ ⵢⴰⵙ ⵢⵉⵡⵜ ⵏ ⵏⵏⵓⴱⴰ ⴷⵉ ⵔⵔⴰⴷⵢⵓ ⵜⴰⵖⵍⵏⴰⵡⵜ ⵓⵎⵉ ⵉⵙⵎⵎⴰ : "La voz de Canarias libre" (ⵜⴰⵖⵛⵜ ⵏ ⵜⴽⵏⴰⵔⵉⵢⵉ ⵏ ⵜⵉⵍⵍⵍⵉⵢⵉⵏ). ⴷⵉ ⵜⴰⵍⵍⵉⵜ-ⵏⵏⵉ ⴷⴰⵖⵏ ⵜⵜⵜⵓⵏⴼⴽ-ⴰⵙ ⵜⴳⵏⵉⵜ ⴰⴷ ⵢⵎⵍⵉⵍ ⵉⵎⵖⵏⴰⵙⵏ ⵉⵣⵣⴰⵢⵔⵉⵢⵏ ⵢⵛⴱⴰⵏ ⵎoⵓⵍoⵓⴷ ⵎⴰⵎⵎⵔⵉ ⴷ ⴽⴰⵜⴱ ⵢⴰⵛⵉⵏ. ⴷⴳ ⵓⵙⴳⴳⴰⵙ ⵏ 1978, ⵎⴱⵄⴷ ⵍⵎⵙⴰⵍⵃⴰ ⵉ ⴷ-ⵢⵍⵍⴰⵏ ⴳⵔ ⵍⵃⴽⵎ ⵏ ⵍⵣⵣⴰⵢⵔ ⴰⴽⴽⴷ ⵡⵉⵏ ⵏ ⵙⵒⵏⵢⵓⵍ ⵖⴼ ⵜⵎⵙⴰⵍⵜ ⵏ ⵙⵙⵃⵔⴰ ⵏ ⵓⵎⴰⵍⵓ, ⵎⴰⵙⵙ ⵛⵓⴱⵉⵍⵍo ⵢⵓⵖⴰⵍ ⵖⵔ ⵜⵎⵓⵔⵜ-ⵉⵙ. ⴷⵉⵏ ⵡⵜⵏ-ⵜ ⵙ ⵔⵙⴰⵙ ⵢⵉⵖⴰⵍⵍⵏ ⵏ ⵍⴰⵎⴰⵏ, ⵖⴰⵙ ⵎⴰ ⵜⵣⴳⵍ-ⵉⵜ ⵜⵎⵜⵜⴰⵏⵜ, ⵎⵄⵏⴰ ⵜⵉⵢⵉⵜⴰ ⵉ ⵜ-ⵉⵃⵓⵣⴰⵏ ⵜǧǧⴰ-ⵢⴰⵙ-ⴷ ⵜⵉⵔⵥⵉ ⵉ ⵍⴱⴷⴰ. ⵙⴳⵎⵉ ⵉ ⵜⴹⵔⴰ ⵜⵡⴰⵖⵉⵜ-ⴰ, ⴰⵎⵓⵙⵙⵓ ⵎⵒⴰⵉⴰⵛ ⵢⵅⵜⴰⵔ ⴰⴱⵔⵉⴷ-ⵏⵏⵉⴹⵏ ⵏ ⵓⵎⵏⵏⵓⵖ, ⴷ ⴰⵎⵏⵏⵓⵖ ⵉⵎⵙⵍⵍⵃ. ⴰⵛⵓ ⴽⴰⵏ ⵃⴱⵙⵏ ⵜⵉⵍⵓⴼⴰ ⴷⴳ ⵓⵙⴳⴳⴰⵙ ⵏ 1979, ⵙⴳ ⵢⵉⵎⵉⵔⵏ ⵜⵜⵏⴰⵖⵏ ⵙ ⵜⵉⵏ ⵏ ⵜⴰⵍⵡⵉⵜ. ⴷⴳ ⵓⵙⴳⴳⴰⵙ ⵏ 2003, ⵜⴰⵖⴷⵎⵜ ⵏ ⵙⵒⵏⵢⵓⵍ ⵜⵙⵜⵄⵔⴼ ⵙ ⵍⵖⵍⵟⴰ ⵉ ⵢⵅⴷⵎ ⵓⴷⴰⴱⵓ ⴰⵙⵎⵉ ⵉ ⵢⵡⵡⵜ ⵙ ⵔⵙⴰⵙ ⵎⴰⵙⵙ ⵛⵓⴱⵉⵍⵍo. ⴼⴽⴰⵏ-ⴰⵙ-ⴷ ⵍⵖⵔⴰⵎⴰ ⵢⵍⵍⴰⵏ ⴷ ⵍⵃⵇ ⵏ ⵢⵉⴷⴰⵎⵎⵏ-ⵉⵙ ⵢⵓⵣⵣⵍⵏ ⴷⵉ ⵍⴱⴰⵟⵍ, ⵔⵏⴰⵏ ⵙⵜⵄⵔⴼⵏ ⵙ ⵓⵎⵓⵙⵙⵓ-ⵉⵏⵙ. ⴰⵎⵖⵏⴰⵙ ⴰⵏⵜoⵏⵉo ⵛⵓⴱⵉⵍⵍo, ⵢⵏⵏⵓⵖ ⴰⵔⵎⵉ ⴷ ⴰⵙⵎⵉ ⵉ ⵜ-ⵜⵡⵡⵉ ⵜⵎⵜⵜⴰⵏⵜ ⵉⵍⵎⵏⴷ ⵏ ⵓⵙⵜⵄⵔⴼ ⵖⴼ ⵜⵓⵎⴰⵙⵜ ⵜⴰⵎⴰⵣⵉⵖⵜ ⴷ ⵜⵍⵍⵍⵉ ⵏ ⵜⴳⵣⵉⵔⵉⵏ ⵜⵉⴽⵏⴰⵔⵉⵢⵉⵏ, ⴰⵎ ⵡⴰⴽⴽⵏ ⴷⴰⵖⵏ ⵉ ⵢⵇⴷⵛ ⴰⵟⴰⵙ ⴷⴳ ⴰⵢⵏ ⵢⵄⵏⴰⵏ ⴰⵙⴽⴼⵍ ⵏ ⵢⵉⴷⵍⵙ ⴷ ⴰⵎⵣⵔⵓⵢ ⴰⴽⴽⴷ ⵜⵓⵜⵍⴰⵢⵜ ⵏ ⵓⴳⴷⵓⴷ ⴰⴳⵡⴰⵏⵛⵉ ⴰⵎⴰⵣⵉⵖ.
