Wp/tzm/ⴰⵎⴳⴰⵔⵓ ⴰⵖⵔⵎⴰⵏ ⴰⵙⴱⵍⵢⵓⵏⵉ

From Wikimedia Incubator
< Wp‎ | tzm
Wp > tzm > ⴰⵎⴳⴰⵔⵓ ⴰⵖⵔⵎⴰⵏ ⴰⵙⴱⵍⵢⵓⵏⵉ

ⴰⵎⴳⴰⵔⵓ ⴰⵖⵔⵎⴰⵏ ⵏ ⵙⴱⴰⵏⵢⴰ ⴷ ⴰⵎⴳⴰⵔⵓ ⵉ ⴷⴳ ⵎⵎⵏⵖⵏ ⵡⵉⴷ ⵢⵅⵙⵏ (ⵢⵉⵔⴰⵏ/ⵢⴱⵖⴰⵏ) ⴰⴷ ⵔⵔⵏ ⵙⴱⴰⵏⵢⴰ ⴷ ⵜⴰⴳⴷⵓⴷⴰ ⴷ ⵡⵉⴷ ⵢⵅⵙⵏ (ⵉⵔⴰⵏ/ⵢⴱⵖⴰⵏ) ⴰⴷ ⵜⵇⵇⵉⵎ ⴷ ⵜⴰⴳⵍⴷⵉⵜ, ⵣⵉ 1936 ⴰⵔ 1939. ⵙⴰⴽⵉⵏ, ⵣⴳ ⵓⵙⴳⴳⵯⴰⵙ ⵏⵏⵉ ⴷ ⵓⵙⴰⵡⵏ, ⴷ ⴼⵔⴰⵏⵛⵓ ⴰⵢ ⵢⵔⵏⴰⵏ ⵡⵉⴷ ⵢⵅⵙⵏ (ⵉⵔⴰⵏ/ⵢⴱⵖⴰⵏ) ⵜⴰⴳⴷⵓⴷⴰ, ⴷ ⵏⵜⵜⴰ ⴰⵢ ⵢⵓⵖⴰⵍⵏ ⴷ ⴰⵇⵔⵔⵓ ⵏ ⵜⴰⵏⴱⴰⴹⵜ (ⵍⵃⵓⴽⵎ) ⴷⵉ ⵙⴱⴱⴰⵏⵢⴰ. ⴷⵉ 1947, ⴼⵔⴰⵏⵛⵓ ⵢⵔⵔⴰ-ⴷ ⵜⴰⴳⵍⴷⵉⵜ (ⵍⵎⵎⵍⴰⴽⴰ) ⵖⵔ ⵙⴱⴱⴰⵏⵢⴰ, ⴷⴰⵛⵓ ⴽⴰⵏ, ⵓⵍⴰ ⴷ ⵢⵉⵡⵏ ⵓⵔ ⵢⵜⵜⴰⵍⴰⵙ ⴰⴷ ⵢⵉⵍⵉ ⴷ ⴰⴳⵍⵍⵉⴷ ⴰⵍⴰ ⴽⴰⵏ ⵎⴰ ⵢⵓⵖⴰⵍ ⴼⵔⴰⵏⵛⵓ ⵡⵔ ⵢⵣⵎⵉⵔ ⴰⵔⴰ ⴰⴷ ⵢⵃⴽⵎ ⵏⵖ ⵢⵄⵣⵎ ⴰⴷ ⵢⵊⵊ ⵜⴰⵏⴱⴰⴹⵜ ⵉ ⵓⴳⵍⵍⵉⴷ. ⴷⵉ ⵜⴰⵍⵍⵉⵜ ⵏⵏⵉ ⴰⴽⴽ ⵏ ⵜⴰⵏⴱⴰⴹⵜ ⵜⴷⵡⵍ ⵏ ⴼⵔⴰⵏⵛⵓ, ⵙⴱⴱⴰⵏⵢⴰ ⵜⵓⵖⴰⵍ ⴷ ⵜⴰⵎⵓⵔⵜ ⵉ ⴷⴳ ⵜⵜⵡⴰⴳⴷⵍⵏ (ⵜⵜⵡⴰⵎⵏⵄⵏ) ⵉⴽⴰⴱⴰⵔⵏ ⵉⵙⵔⵜⴰⵏⵏ ⴷ ⵜⵎⵙⵎⵓⵏⵉⵏ (ⵜⵉⴷⵓⴽⵍⵉⵡⵉⵏ), ⵢⵔⵏⵓ ⴰⵍⴰ ⴽⴰⵏ ⴷ ⵜⴰⵙⴱⴱⴰⵏⵢⴰⵏⵜ ⴰⵢ ⴷ ⵜⵓⵜⵍⴰⵢⵜ ⵢⵖⵔ-ⵙⵏ ⴰⵥⴰⵢⵔ (ⵊⵊⵀⴷ) ⴷⵉ ⵜⵎⵓⵔⵜ ⴰ. ⵉⵎⴰⵡⵍⴰⵏ ⵏ ⵜⵓⵜⵍⴰⵢⵉⵏ ⵏⵏⵉⴹⵏ ⴷⵉ ⵙⴱⴱⴰⵏⵢⴰ (ⵜⴰⴱⴰⵙⴽⵉⵜ, ⵜⴰⴽⴰⵜⴰⵍⴰⵏⵜ, ⵜⴰⴳⴰⵍⵉⵙⵢⴰⵏⵜ, ⴰⵜⴳ.) ⵍⵍⴰⵏ ⵜⵜⵏⴰⵖⵏ ⴰⴽⴽⵏ ⵣⵎⵔⵏ ⴰⴽⴽⵏ ⴰⴷ ⵖⵔ-ⵙⵏ ⵉⵍⵉⵏ ⵉⵣⵔⴼⴰⵏ ⵏⵙⵏ ⵉⴷⵍⵙⴰⵏⵏ. ⴷⵖⴰ (ⵓⵛⴰ) ⵢⵉⵡⵜ ⵙⵉ ⵜⵎⵉⵡⴰ ⴰⵢ ⵢⵏⵟⵔⵔⵏ ⴰⵟⵟⴰⵙ ⴰⴽⴽ ⵙⵉ ⵍⴱⴰⵟⵍ ⵏ ⴼⵔⴰⵏⵛⵓ ⴷ ⵜⴰⵎⴰ ⵏ ⵜⵎⵓⵔⵜ ⵏ ⵢⵉⴱⴰⵙⴽⵉⵢⵏ ⵉ ⴷⴳ ⴰⵢ ⴷ-ⵜⵏⵏⵓⵍⴼⴰ ⵜⵔⴱⴰⵄⵜ ⵜⵉⵎⵙⵍⵍⵃⵜ ⵏ ⵜ ⴰ, ⴰⵢ ⵢⴱⴷⴰⵏ ⵉⵎⵏⵖⵉ ⵉ ⵍⵎⵏⴷ ⵏ ⵓⵣⴰⵔⵓⴳ (ⵍⵉⵙⵜⵉⵇⵍⴰⵍ) ⵏ ⵉⴱⴰⵙⴽⵉⵢⵏ. ⴼⵔⴰⵏⵛⵓ ⵢⵎⵎⵓⵜ ⴷⵉ 1975, ⵓ ⵜⵎⵎⵓⵜ ⵢⵉⴷ-ⵙ ⵜⴰⵍⵍⵉⵜ ⵏⵏⵉ ⵏ ⵍⴱⴰⵟⵍ ⴰⵎⵇⵇⵔⴰⵏ. ⵙⴳ ⵡⴰⵙⵙ ⵏⵏⵉ ⴷ ⵓⵙⴰⵡⵏ, ⵜⵏⵏⴼⵙⵓⵙⵉ ⵛⵛⴷⴷⴰ ⵉ ⴷⴳ ⵍⵍⴰⵏⵜ ⵜⵜⵉⴷⵉⵔⵏⵜ ⵜⵓⵜⵍⴰⵢⵉⵏ ⵜⵉⵎⴷⴷⵓⵔⵙⴰ (ⵎⵉⵏⵓⵔⵉⵜⴰⵉⵔⵙ) ⴷⵉ ⵙⴱⴱⴰⵏⵢⴰ, ⵓ ⵜⵜⵓⵏⴼⴽⵏ ⴰⵙⵏⵜ ⴰⴽⴽ ⵢⵉⵥⵓⵢⴰⵔ (ⵙⵜⴰⵜⵓⵜⵙ) ⴷⵉ ⵜⵎⵉⵡⴰ ⵉ ⴷⴳ ⴰⵢ ⵜⵏⵜ ⵙⵙⴰⵡⴰⵍⵏ.