Wp/tun/Woluhirani

Woluhirani (Latini: Taraxacum officiniale; Ingrasa: dandelion; Pilanchi: pissenlit)

Halani woluhirani

Woluhirani tɛnakɔla kayiku lapuya raku kata hiyuhuni raku. Wɛhatahani ɔshka hayishi ɔshta kirumilinahku. Ɔshka hayishi kichu, wishi ɔndetishinahku ara. Ɔshka haluhta tika, yuru. Woluhirani tɛrashki, ɔshka hayishi akurani raku. Uhktosu punanahku raku. Tosu namu na’ara. Woluhirani tosu upuli roptininahku. Huriwihch, tosu rɔwa muhti, poru narahksiti hishtihki.

Tayoroniku, woluhirani, oni ushiratolu soluwan chu mariku. Tachalakikɔt, woluhirani chu mariwihch, wishiyimohku mashuku. Hinyatihch, oni uhktayishi soluwan uhkkɔraku. Tachalakiku, oni uni yasha yatihch, woluhirani makuku. Oni uhkshrukatohkutihch, woluhirani wishiyimohku kɔraku. Tachalakiku, woluhirani tɛrashki, ɔshka hayish’ɛma sakuku.