Wp/tun/Rut'ɛ

Rut'ɛ (Latini: Juglans nigra; Ingrasa: black walnut; Pilanchi: nogalier)

Rut’ɛ rihku tika. Uhktahkishi kunasha, uhktɛrashki amayisahkushtohku. Uhktahkishi kayikɔta ahak’ihch meli, heluni. Rut’ɛt, tɛnakɔla kanahk’ili na'ara. Tɛnakɔlashi yuru ɔshtakayi hiyuhuninahkushaku. Tɛnakɔlanuhchi akuhpani raku. Tihika sinku yuk’akihch, rut’ɛ rihku eluwishtuku. Hinahkushkan, hayi mishtihki ya’akihch, rushiya rawik’ahcha lapuya mishtihki. Rut’ɛ, uhkelu hɔwahta ɔshta hiyuhuninahku, uhkelu talu melikayi. Rushiya riyuhta shirikati.

Tayoroniku rushiya ɔtaka kuchaku. Hinyatihch, rushiya kucha, chuhkimeli tahkish’ɛma, ala kowiwan pɔhtahkuta. Tachalakiku rut’ɛhta wishiyimohku mashuku. Hinyatihch, onilihput’ɛ soluwan, hɛwishiyimohku kɔraku. Rut’ɛ, uhkrihkuhta, rihkɔra ahak’ihch rihkuchehkini mashuku. Tahumaku, oni uhktahkishi shitatihch, rut’ɛ rushiya tahkishihta wishiyimohku mashuku. Hinyatihch, hɛwishiyimohkuhta toniku huwaku. Oni tayishihishu tariya yatihch, Tahumaku rut’ɛ tɛrashki chu mari kuchaku. Hinyatihch, wishiyimohku mashuku.