Wp/tun/Ruhchu

Ruhchu (Latini: Diospyros virginiana; Ingrasa: common persimmon; Pilanchi: plaqueminier)

Ruhchu halani.

Ruhchu rihku, yuru. Uhktahkishi tupa, kɔta, ɔmahkanahku. Tarihku ra. Uhktɛrashki kɔrasha, ɔshta hiyuhuninahku. Tihikatohku hotilakatihch, ruhchu kɔlaku. Uhktɛnakɔla hɛntohku, kayi tahch’inahku. Ruhch’elu samatihch, kayi shulihkinahku. Ruhchu uhkrihku rihki. Hali tɛkaha kichu, kata lap’ɔhɔshahch, rawishtuku.

Onisɛma, ruhch’elu sakukata. Wantaha, Tayoroniku ruhchumuchi samahkutani, Sesostrie Youchigantku uhknikata. Tachalakiku, ruhch’eluhta yukiku. Ruhchu, hirani mashuwan chuku. Oni oruhchohu ahak'ihch ushoh’ɔma yasha yakatihch, wishinahchu mashuku. Tehniyuruwina lamaniwan, ruhchu tahkishi makuku.