Wp/tun/Chekitamuhkini

Chekitamuhkini halani

Chekitamuhkini (onercheki, yachek'ɛma otisa ili sahu; Latini: Pseudognaphalium obtusifolium; Ingrasa: sweet everlasting; Pilanchi: vinéraire)

Chekitamuhkini, yimohku tihik’ili. Kata hayina urahch, kata halilɔha urahch, lapuya rawishtuku.Tarku hotushi, halunipa kichu, chekitamuhkini rakupan. Tihika sahku yatihch, akurani tayimohku tɛrashki raku. Hinyatihch, tihika ili yatihch, ɔshka hayishi hariya shukaku, tɛnakɔla kayirɔwa akuhpani raku. Uhktɛrashki muhti. Kaku uhkkuch'utahch, rina yusawawishinahchunahku shirikati.

Oni uhkshrukatotihch, rapuwishtuk'ɔhɔhch, Talibamuku chekitamuhkini chu mariku. Hinyatihch, wishiyimohku, oni soluwan mashuku. Oni uhksepitihch, yasha yatihch, Tachalakiku chekitamuhkini chu mariku. Wishihiranyimohku mashuku. Oni ushohu kichu yasha yatihch, chekitamuhkini tɛrashki makuku. Oni uhksepitihch, opushkashi yasha yatihch, Tachahtaku chekitamuhkini wishiyimohku mashuku. Oni uhkwanatihch, Takushatiku chekitamuhkini wishiyimohku kɔraku. Ɔka wanatihch, Takushatiku chekitamuhkini wishiyimohku uhkahpuhkuta.