Wp/tun/Ɛsha

Ɛsha (Latini: Salix nigra, Salix spp.; Ingrasa: black willow; Pilanchi: saule)

Ɛsha, rihku raku tewali. Uhktɛrashki yuru, shumacha, tahɛsaninahku. Uhktɛnakɔla asahku yuru raku. Komelitahch'a yuk’akihch, kɔlilaku. Komelitahch'a Tehukuma pan’ɔkihch, kɔlapawi. Kata hali lihcha arahch, ɛsha lapuya raku. Sachiwihch, uhkɔshka haluhta hali rihchu tapiku. Ɛsha uhkrihku sayicha.

Oni uhktayishihishu ɔpataha yatihch, uhksepitihch, uhkwanatihch, Tahumaku ɛsha ɔshka haluhta, uhktahkish’ɛma, wishiyimohku mashuku. Oni uhkwanatihch, Takushatiku wishiyimohku sapari mashuku. Takushatiku, oni uhkchihki yasha yatihch, wishiyimohku mashuku. Tachalakiku, oni uhkwanatihch, uhkeruhchohu yuri yatihch, uhkrupatihch, ɛsha chuwihch, uhksoluku.