Wp/tun/Ɔshkayasha

Ɔshkayasha (Latini: Viburnum prunifolium; Ingrasa: blackhaw; Pilanchi: alisier)

Ɔshkayasha uhktɛnakɔla

Ɔshkayasha rihkutohku. Rihku ɔstayi kochu, nɛra. Uhktahkishi milikayi. Uhkrihkuyahoni mili, ɔshta, kayi kunasha. Uhktɛrashki kɔrasha, tahɛsaninahku. Tihikatohku yukatihch, uhktɛnakɔla rɔwa kɔlaku. Uhkhuma atoluni raku, lusow’ura. Uhkhuma samatihch, ɔshta ahak’ihch meli, likahta yati.

Tayoroniku ɔshkayasha mari chuku. Hinyatihch, ɔshka, wishiyimohku mashuku. Yashilap'ɔhɔ solutahch, oni tawishiyimohku uhkkɔr’anta. Sesostrieku, wishiyimohku tɔrahta lisukati, niwi. Tachalakikupa wishiyimohku mashuku. Oni uhkkɔrawihch, tawishiyimohku uhkowihkuta. Tachalakikɔt, oni uhkwanatihch, uhkhilatihch, tawishiyimohku uhksoluwan uhkkɔr’anta. Tonisɛma ɔshkayasha uhkhuma sakukata.