Wp/tly/Zulfuqar Əhmədzodə

From Wikimedia Incubator
< Wp‎ | tlyWp > tly > Zulfuqar Əhmədzodə
File:Zulfuqar Ahmadzada.jpg
Zulfuqar Əhmədzodə

Zulfuqar Əhmədi zoə Əhmədzadə 1898-nə sorədə Ostoro rəyoni Pensər diədə bə dınyo omə. 1918-nə sorədə «Hummət»təşkilati uzv, 1920-22-nə soronədə Lik rəyoni Ğosmalyon diədə çı İcraiyyə Komitə sədr, 1922-23-nə soronədə Lankonədə Zəmini şebə mudir, 1923-25-nə soronədə Lankon rəyoni Maarif Şebə mudir, 1925-26-nə soronədə Laçın rəyoni, 1926-28-nə soronədə Zaqatala rəyoni, 1928-29-nə soronədə Ağdam rəyoni İcraiyyə Komitə sədr təyin bə. 1929-30-nə soronədə Lankon Pedaqoji Texnikumi direktor, 1930- nə sorədə Ostoro rəyon İcraiyyə Komitə sədr ko kardəşe. 1931-33- nə soronədə Ermənistani Vedi rəyonədə İcraiyyə Komitə sədr, 1933-35-nə soronədə Azərboycon Xalq Komssarətiədə Ali məktəbon idarə rəis, 1935-37-nə soronədə Azərboyconi Nəşriyatədə “Kamiyətiədə Mandə Xəlxon” («Azlıqda Qalan Xalqlar») şebə mudir ko kardəşe. 1937-nə sorədə dı cinayət məcəllə 64-ci- bə Səvet hukuməti əks mubarizə bardə təşkilati uzv maddə ittihom be qorəş bə Sibir surqun kardə bıə. 1938-nə sori sentyabrə manqi 21-də 5 sor ozodətiko məhrum kardə bə. Surqunədə beədə surqunə duşərqədə nəşr kardə qəzeti redaktor ko kardəşe. Azərbaycan iyən Tolışə zıvonədə şeiron nıvıştəşe. Çı Azərbaycani iyən çı dınyo ədəbiyyatiku poetik nımunon bə tolışə zıvon peqordıniyəşe. Tolışə zıvonədə nıvıştəbə iminnə poema muəllife. 1942-nə sorədə iyunə manqi 9-də Kemerova vilayəti Marinsk şəhrədə ıştə dınyo dəqiş kardəşe.

File:Zulfuqar Ahmadzada 1937.jpg
Zulfuqar Əhmədzodə 1937

Oko doə bıə ədəbiyot[edit | edit source]

  1. A.A.Bayrami. Tolışi poeziyə lestı//Tolışi sədo. 22.06.1993.
  2. B.Həsənov., M. Talışlı. Acı xatirələr//Leninçi. 01.10.1998.
  3. C.Rəhmanov. Illəri qovuşduran körpü//Tolışi sədo. № 17, 18.05.1993; № 20, 01.06.1993.
  4. Ə.Ağalarov, Ə. Əlişoğlu. Lənkəranlı hümmətçi//Azərbaycan gəncləri. 17.08.1989.
  5. Əhəd Muxtar. Tərcümə mənəvi borcdur//Tolışi sədo. 08.06.1993.
  6. H.Məmmədzadə. Yaddan çıxaranlar//Sovet Astarası. 27.04.1989.
  7. H.Məmmədzadə. Zülfüqar Əhmədzadə kimdir?//Tolış, № 15, 2002.
  8. H.Tanqərüj. Zülfüqar Əhmədzadə//Tolışi sədo. №8,9. 1993.
  9. Oruczadə Ilqar. Zülfüqar Əhmədzadə//Tolışi sədo. № 29, 2003.
  10. Tarix hər kəsə öz qiymətini verəcəkdir. Z. Əhmədzadənin qızı Məriyət xanımla müsahibə//Tolışi sədo. 29.06.1993.
  11. Tehran Əlişanoğlu. Z. Əhmədzadənin şeir poetikasına dair//Tolışi sədo. №24.06.07.1993; № 25. 13.07.1993.
  12. Z.Əhmədzadə. Poemon iyən şeron. M.: 1990.
  13. Z.Əhmədzadə. Şeron, tərcumon, məktubon. M.: 1992.
  14. Z.Əhmədzadə (Pensəj). Vıjniyəbə əsəron. Sankt-Peterburq. 2002.

İstinadon[edit | edit source]