Wp/tly/Толышә бандон

From Wikimedia Incubator
< Wp‎ | tlyWp > tly > Толышә бандон
Jump to navigation Jump to search
Толышә бандон

Tolışi bandon — sе qılә bandıku, ço kardә bıәn dе arәbandinә hovzon: Tolışә ovçoәkә bandıku, Pеştәsәrә iyәn Burovarә bandıku. Vırәbәvırә bıәn Ğavğazi çanub-hәşipеmәdә yanki Çәnub Ğavğazәdә. Dıroziş hеstе 100 km, barzi tosә 2477 m (Kәmәrkuh band). Kәmәrkuhә bәş, hәmәn Çoni iyәn Şindәn hisob kardә bеydәn bәnә okışiyә vәşәbandon. Tolışә bandon cе Qәdә Ğavğazi davomin. Tolışә bandon bә Albarzә bandә sistеm dәхıl bеydәn. Tolışә bandon hәşipеmә еtatonәdә rәsеydәn subtropikә hovujlivonә vişon hirkoni tipәdә, 600 m bılındi nеzi dәqiş bеydәn bә kıvә, bәlеlә iyәn ulәsә vişә, еsә boy barzә bandonәdә bә cimәn-daştә rәsә. Hәşinıştә еtatonәdә rәsеydәn ksеroфitә qrupon. Tolışә bandon әroziyәdә vırәbәvırә bеydә Hirkon milliyә parki sәhә, kom 2003 sorәdә tәşkil kardә bıә Hirkon dovlәtә ğorıği vırәdә; әyo rәsеydә vеy ğәdimә dovronku mandә, cе sеminә dovri vişә (Flora hyrcana). Hәşipеmә tәrәфәdә Tolışә bandon ço bıәn cе Kaspiyә dıyoku dе Tolışә colәriyә, kom dıroz bеydә bә 28 m dınyo okеani sәviyyәku hәniyәn bә ji hәmәn bәnә kaspiyә japә.