Wp/tig/ተእሪክ እርትርየ - 33 - አወላይ ሙእተመር ቅዋት ተሕሪር እርትርየ

ለትትስኤ ፍገሪት ድራሰት

• እት ደንጎበ ናይ እሊ ምህሮ እሊ ደረሰ እብ ክሱስ እሊ ለተሌ ጋራት ፈህም መአንብታይ እግል ልርከቦ ልትሰአው።

• አወሳይ ሙእተመር ቅ . ተ . እ . ወአትሐዘዮቱ

• ወጠናይ ዲሞቅራጥያይ ኤታን ስያሰት ወመሕበራይ፡ እቅትሳድያይ፡ ስያስያይ ወዐስከርያይ ስያሳት ወክጠጥ

• ቅ . ተ . እ . እት ወሬሕ ዩናይር ሰነት 1977 እት ፈሕ ( ሳሕል ) አወላይ ሙእተመር ተንዚመ ወዴት። እትሊ ለሐድ 200 ምን ወከይል ጅኑድ ወገቢል እተክምሰልሁመ ናይ 6 ደውለት ለአይክ ወወከይል ናይ እት ግዋሬነ ወክለ፡ ' አዲነ ለልትረከብ ተናዚም ሕርየት ወናይ ተቀድም ሓዛብ ለሐድረዉ ሙእተመር፡ ቅተአእ ጋራት ተንዚም፡፣ ሰያሰት፡ እቅትሳድ፡ ዕስክርየት። ናይ ዓዳት ወመሕበራይ ጋራት እንዴ ረፍዐት ህድገት። መምሬሕ ተንዚም ለገብእ ወጠንያይ ዲሞቅራጥያይ ኤታን ወደስቱር ተንዚም ጀ.ሸ. እንዴ ቀየመት ሸክል ተንዚም ሐዲስ ወቅያደቱ ሐሬት።

· እብ አሳስለ ሙእተመር ለአፈግረዩ ወሳደቀዩ ሸክል ተንዚም ለሐዲስ፡ 37 ነፈር ሳብታም ወስስ መትበድለት አንፋር እብ ዓመት 47 ነፈር ለቡ መጅልስ - መርከዝያይ፡ 11 ነፈር ለቡ መክተብ - ስያስያይ፡ ረመዳን መሐመድ - ኖር ርኢስ ወኢሰያስ አፍወርቂ ናይብ እንዴዱ ገብአው ተሐረው እቱ።

· ምነ ' ዐቤት ፍገሪት ናይ አወሳይ ሙእተመር፡ ሳደቆት ወጠንያይ ዲሞቅራጥያይ ኤታን ተንዚም ዐለ። ለኤታን ሕርየት ወጠን፡ ዐዳለት ወዲሞቅራጥየት እግል አከዶት ገብእ ለዐለ ግድላታት ሸዐብ፡ ዲሞቅራጥየይ መምሬሕ ዋቄቁቄ ለከድም ዐለ። ገሌ ምነ አግደ መባጹሕ ናይለ ዲሞቅራጥያይ ኤታን ህዪ፡

1. ሕኩመት ዲሞቅራጥየይት አሰሶት

2. ምን መትኣታይ አደይ ውላድ ካርጅ ለላጹሕ እት ትንክበ - ኖስ ለብኑይ ወአብ በርናምጅ ለልትዋሌ ወጠንያይ ንዛም እቅትሳድ አሰሶት

3. ዓዳት፡ ተዕሊም፣ ተክኖሎጂ ወዓፍየት አጠወሮት

4. መሕበራይ ሐቅ ናይ ሸቃለ፡ አዋልድ - አንሳት ወራድኢት መሐበረይት ለተአትሐዝዮም ጀሃት ዐቂብ

5. ውሕደት ቆምያት አተረዶት ወመሳዋተን አመርደዮት

6. ዴሽ ሸዕቢ ትሩድ አሰሶት፡ እተ ጀላብ ሕርየት ወጠን ለወድየ ግድለ ስለሕ ህይ እስትራተጅየት ሐርብ ገቢል መተ ' ብዖት

7. ሐቅ ዲን ወቀናዓት አከዶት

8. ናይ ሰላም ወገዘ ለአለበ ስያሰት ካርጅየት መተ ' ብዖት

· እብ ዓመት ለኤታን፡ ሕርየት ወጠን እንዴ አከደ እት መዕየ እርትርየ ለዐለ ኢሱዉይ መሕበራይ፡ እቅትሳድያይ ወስያስያይ ዕላቃት ተቅዪር ሻምል ለለአወዴዲ ዲሞቅራጥያይ ንዛም ስያሰት እግል አሰሶት ለለአቀድር ወጠናይ ዲሞቅራጥያይ ኤታን ረስመ ወየመመ።

· እምበል እሊመ ለሙእተመር ስሜት ቅዋት ተሕሪር እርትርየ፡ እት ደብህት ሸዕብየት ተሕሪር እርትርየ እንዴ በደለየ፡ መንዴረት ጀ . ሸ . ተ . እ . አትዳለ። ልሳን ረስሚ ናይለ ተንዚም ለትገብእ፡ “ መሪሕ "( ሕሳል ) ለትትበህል መጀለት እት ክል - ወሬሕ እግል ትትጠበዕ፡ ‘ ዐውቴ እግል ገቢል " ህይ ስቅራት ናይለ ተንዚም እግል ትግበእ ቀረረ።

· መስአለት ውሕደት ወጠን እበ ' ከስስ፡ ለሙእተመር “መባጼሕ እስትራተጅያይ " ለለሐስበ ' ውሕደት ተናዚም ካምለት ወሻምለት እአግል ትትመም፡፣ ጀብህት ሕበር አሰሶት ለሴሰት ገበይ ወወሲለት ክምሰል + እተበተ። እት መጃል ዕስክርየትመ፡ ለሙእተመር ምድር እብ ሑድ - ሑድ ሐረሮት ለልብል ስትራተጂ ረታዐቱ ሐቆ አከደ እግል ለአተላሌ ቀረረ። ወእብሊ ለሙእተመር ሰለስ ታክያት ለቡ ስትራተጂ ዐስከርያይ ከጠጠ።

1. ሸፍ - ሳብት (Positional Warfare) ለትሐረረ አካናት አባይ እግል ኢልዝበጡ ወኢለዐቅብሉ ካፍሖት ወመዐሳክር አባይ ደውሸቭት ወምድር ወሰብኡ እብ ሑድ - ሑድ ሐረሮት።

2. ሸፍ - ምትሐርካይ ( Mobile Warfare ) እት - ሸብህ ሕሩር ሳቱ አምዳራት ( ደዋሒ ) እት ትትሐረክ አባይ እግል ልክረዕ ለኣመመ ሸፍ ወጌራታት ውድየት።

3. ዘቢጥ ወፈጊር (Guerrilla Warfare) ሐንቱቲ ሐንቱ ምልክ አባይ እተ ህለ አካናት ለልትረከብ መካዝን ጃዝ፡ መካዝን ሴፈ ወጽዋር ወብዕድ ናይ አባይ አርዛቅ ዕስክርየት ወእቅትሳድ ለእስቡት አካናት ዘቢጥ ወደመሮት።

ሰኣላት

1. አትሐዘዮት አወላይ ሙእተመር ተንዚም ቅዋት ተሕሪር እርትርየ ሽርሖ።

2. እት አወሳይ ወጠናይ ዲሞቅራጥያይ ኤታን ምነ ' ህዩብ ለህለ መባጹሕ ሐምስ ስመው።

3. ፍንጌ ሸፍ - ሳብት፡ ሸፍ - መትሐርካይ ወዘቢጥ ወፈጊር ለህለ ፈርግ ወድሐ።