Wp/szy/u kungku ni Butung

From Wikimedia Incubator
< Wp‎ | szyWp > szy > u kungku ni Butung
Jump to navigation Jump to search

kungku ni Butung[edit]

i kasummadan idaw ku kungku nu babalaki tu ciButungan hananay, cacay kya limecedan nu nyadu’ ci Kilmi ku ngangan nida, cacay a sananal, cihal sa henay ku demiad, muawit tu tusaay a bakici tayda i tebun amidadum, katukuh i tebun “ u nanamtu katukuh i tebun kasenun sa mubatung tu bakici i tebun” mamin mubatung tu bakici, alitengteng ci nida, i cuwa saw ci/cay kau matengteng kya

bakici, sakina tusa nida mutengteng sa, tadu culal saca ku cacay a masakapahay, matawid ci Kilmi, misamanman tu amulaliw cinida, tela’ saca ku ngiha’ nya masakapahay, sakamu sa tu "edi’aw amana katalaw tu waku." satu ci Butung ici Kimlian, masemel ci Kimli makadih ci Butungan, sakasaan u duma ku nikalakapah ni Butung, ma'kek ci Kimli, matenes sa tawya masamata, dawis han tu ni Butung ku bakici ni Kimli ” na na na awitaw aku ku nanum isu” han tu niButung ci Kimli, laday sa tu kuheni taluma. katukuh i luma’ hantu ni Kimli, mamin mitengil ku babalaki ni Kimli sa, matatungus satu tu heniyan, amalacawa, nanutawya malakadabu tu nina luma’ ci Butung, anu mihicahica ci Butung i hekal sa, u dayhiw(代表) tu nina luma' ci Butung.

midindic ci Butung[edit]

i tawya u pimihkacan nu ninawlan i tawyaa demiad, miladay ci Butung tu binawlan taumah mimihkac ku sausi, taluma’ satu ci Butung mapedped nu ayam ci Butung taluma’ adih han ku nu taw sa, cacay tu sa kuni kaalaan, tapal satu ku katuuday u mahicahicay acasaw ci butung a tademaw, nanutawya matinng tu amin ku binawlan tu nika idaw ku mahiniyay a tademaw, namakacuwacuwaay a tademaw, tayni twamin i luma’ nu kakadabuwan ni Butungan. amiadih tu nika u mahicahicaay aca ci Butung saw, saan amin ku balucu’ nu katuuday amiadih. nanutawya sakatinengan tu nu paynyanyadu’ ci Butung.

piayaman nu nyadu’nanutawya matiineng tu amin ku pay nyanyadu’ay tu ci Bbutung, u duma mihcan pibutingan tu nu nyadu’ mumul tu amin ku selal nu nyadu’, ci Buting hatu ci Butingj, masadep misanga’ tu culen i luma’, makadih ku kakadabuwan sa lingaling sa ku tangah ci Butungan, u piladisan nu binawlan ayda a demiad, sakamu han nu kakadabuwan ci Butung sakamu ”Butungaw paladisan ayda sa ku mumul tu kisu saw?” han nu kakadabuwan ci Butung, i cuwa saw caay pilingling aca tu kamu nu kakadabuwan, itida tu misanga’ tya culenan, matenes palitaan aca nu kakadabuwan, mahida tu ku nipatubeli nida, kina tulutulu ku wama nu kaka dabuwan musakamusa tedep sa tu, cakatenes miadih aca sa mahida tu ci Butung, caay kanahnah misanga’ tu culen. malibut tu ku kakadabuwan amusakamu ca satu pilinga’ ci Butungan.

mapedped nu buting taluma’[edit]

amakatukuh tu kalahukan, lekal satu ci Butung maladay tu atu ali, mumuku tu tabukud tahekal, katukuh i sasa nu kilang sa, mueneng hen aca, sakamu hantu nu ali " masakalah tu han sa, kamueneng hen aca saw!" hantu nu ali ci Butung. nika patukil satu ci Butung "caay henay kaw kalahukan amisahica tu!” saan ci Butung patukil, mangaleb tu ku sakalah nu ali nida, amacapituay ku kalahukan sa, lekal satu ci Butung, awaw satu tu ali papiba'tung tu tabukud i alalduwan, dateng satu ku ali nida.

"u alalduwan aicuwa miba'tung?" satu ku ngaliwngiw, palita satu,"aliyaw inayi’ ku nanum sa aicuwa miba'tung tu tabukud saw?”

patukil satu ci Butung, nika apacici tu apapiba'tung tu tabukud, cay tu pakadungdung ku ali ni Butung sakamu han tu nida, muliyaw ba'tung satu ku ali ni Butung, ciba’ satu ku nikahetik nu tabukud, tengteng hantu nida ku tabukud, namahida matumes nu buting ku tabukud, kitatusa hantu nu heni a mutengteng, adih satu tu nikaala, tu nunamuh satu ku heni a tatusa tayda i

kakalahukan nu binawlan, katukuh belun hantu nu heni kya buting, tabatabakiyay a buting mainal tu amin ku selal tu heniyan a tatusa, macunus tu ku nikanamuh nu binawlan ici Butungan.

misaculen ci Butung[edit]

nanutawya manamuh tu ku kakadabuwan ni Butung, namahida satu mikaykung tu ku selal nu nyadu’, amalingatu tu paluma tu habay atu panay, inay’ tu amin ku lawad nu selal malingatu tu amikaykung tu umah, nika adihan ci Butung madepuc misanga’ tu culen, kina tulutuluan nu babalaki nu kakadabuwan a musakamu sa i cuwa ku nikasumad, mahida tu madepuc misanga’ tu culen

mabaluc’ tu maydih a mubahbah ku wama ni kimli ci Butungan, ci katenes lekal satu ci Butung muwala tu katalalan atu kela kela’ a pataumah tu culen, tahekal sa ci Butung kita tudu tudu’ tu amin ku binawlan tu ci Butungan tada' u makasicay kadabu saan amin ku katuuday tu ci Butungan, nika caay pilinga’ tu nipitudu’ nu tau ci Butung, pacici tu a pataumah tu nisanga’an nida tu culen i umaumahan, makadih ku malukay i ci Butungan lingali sa amin ku tangah.

nipitastas nu culen[edit]

katukuh ci Butung i umah, silac han tu ni Butung kya culen amin, lineng hantu nida sa, ngengngengngeng satu kya culen, tabaki ku suni malecad tu nikalalabalaba’ nu sinsyatay ku suni, makek amin ku malukay paengaw miadih, mabiyalaw amin wycana kuyda sakyaimakek amin paengaw mudaang. lumeni’ satu kitapuku matahepu nu langbul, u i baaday a nyadu’ makatengil amin tu suni nu culen, adihan ku kilang hacaca cacay han mulungad, inaynai’ ku liwaliwa aca nu mulangaway mamin malungad, cikatenes mahamin tu makaykung. ku umah, u nilungadan nu culen tu kilang cuduhen nu culen patalilis inay’ tu ku liwan tamelac satu ku umahumahan.

malingatu paluma tu habay[edit]

mamin satu mikaykung ku binawlan, apaluma tu habay atu panaay, adihan ku ni oaaluma nu taw sa, u habay, ancaay kaw habay sa u panay atu kucym, adih han kuni Butung sa u bangah u tamulak atu luni, taynisatu i umah ku katuuday, makadih tu nipaluma ni Butung u tali, u bangah, u tamulak, sipasubana’ hantu tu kakadabuwan, mangleb aca ku nika laetus sakay ci Butungan, hanca mipalita tu aca ici Butungan nika a masumad aca kya haw ci Butung, kyu pulatek han tuway cinidaan, katukuh i pilangecan, muculu’ ku binawlan tu habay atu panay sa, muculu’ ci Butung tu tamulak nida atu bangah, pawali ku taw tu nilangec pawali ci Butung tu tamukak nida atu bangah, muculu’ ku taw tu habay a patala sukusa muculu’ cinida tu tamulak caay kalikut.

kakasenengan kawaw[edit]

mamin mu culu’ ciButung tu nida ani pawaliya tu bangah atu tamulak, pela’hatu nida paadih itawan tu nilacul. pela’hansa waw

ma bahka amin ku katuuday, mala lihulihud twamin ku tayniyay ami linguud, “umahicaay a tademaw ciButung satu ama lalihud,

nanu tawya mali ngatu tu ku binawlan amlalihud, maydih apala tumuk iciButungan inyadu’, nika kaiyan ni Butung mubelih aca

mahiniyay a kawaw, matenes makatukuh tu icuwacuway anyadu’, inay’ tu kucikatineng katuh ayda mahida tu kungku nu nyadu’

sakataluma’ ni Butubutung[edit]

katukuhan tu kyai ku kataluma’an nii Butung, ataluma’ tu kaku han nida ci Kimli ,tengil satu ciKimli matawyd kubalunu’ sakanu

satu,” ami laday kaku “satuci Kimli, kelemsa ku balunu’ niKimli “ amiladay kaku “ satu patukil, miucil ci Kimli,sakamu hatu ni

Butung “ mabaat ku luma’ aku anu taydakita amu kayakay tu tukal, nika anu mukayakay kita acaay pi huway i teban nunikaya

lay, makatukuh tukya atawya mihuway, hang satu ciKimli kyu maladay kuheni mu kayakay tyatukal.

caay pakahemhem ci Kimli[edit]

cakat sahenay tu sakina tulutulu aaawasen, liyawen aca niButung amitulun ciKimlu, “matineng tu” saan patukil ciKimli, kyu kitin hantu ni Butung, malingad aca mukayakai kuheni, makatukuuh satu kuheni ipabaw, acacay tu kuaawasen nu kuuuku’ niKimmli

tadu huwaysaca ciKimli, tuna anaana satuu ciiButung, cikatenes sedday satu ku ibiiliyay niKimli, adih satu ciButung ubuu atu

alisalap utuudamin numu kalatay, madihin ciButung tu inyadu’ay, kyu tasasa aca ciButung pasubana’ tu inyaduay abinawlan.

katukuhssa i tebateban kuni debu nibutung, uy satu ciButung muuyuy“呼叫” tu nyadu’ay“ abi~nawlan~ tengilen~ku kamuaku~ “ saan ciButung muuyuy, maka tengil ku binawlan taputah amin mitengil tukamu nida, sakamu satu ciButung “ tengilen kukamu numaku, anu maluk kamu iumah pi samisi i kamu tuliuliu nusakaluk, makalata nubau atu alisalap, “ han niButung ku binawlan,

tengil satu kubinawlan palu tatenga’ tukamu niButung, mamin musakamu ciButung nadikuda i naynay’ maadih ciButtung.