Wp/szy/nikaydaan padipa’ ni Nuwa. “ 黃金文 ”

From Wikimedia Incubator
< Wp‎ | szyWp > szy > nikaydaan padipa’ ni Nuwa. “ 黃金文 ”
Jump to navigation Jump to search

u nilecuhan i takuwan nay 1947 a mihcan itini i sakul anyadu’an, lecuhan nanay u pakuyuc ku nika udip nu lamu nu luma’ sa u malukay ku lalekalan nu nika udip nu luma’, mahiday a nika udip nu niyadu’,u nahemin sa henay ku sakinatusa anikalpacawaw nu kitakit itawya, kyu inay’ ku kakanen nupay nya niyadu’ay, kyu sapakeda hatu ku wadiwawa, lecuhan ku lutungay katukuh i pinabayan paydang hatu icuecueda awcima ku mamusikul, pakedahan ku mahnabayay papidang i umaumahan, kyu malaluluh ku udip nu maku, nanuadiding hay nika balakiyan, katukuh i waluway ku mihcan aku caycaay katinengi.

katinengan[edit]

katukuh i waluay ku mihcan aku, patayda hantu i paisingan papicici’ muwala tu ba’tu i cebu nu maku, tusa a bulad kaku itida i padekuwan mudeku, makalakaku tuluway a bulad mudeku, kya taluma’ sa tu kaku namudeku sa, sipasubelid hatu kaku i ci bayiyan aku. u bayi tawku ku misimaway tu udip nu maku, nanutawya caay tu kaku piliyas tu bayi, katukuh ini katanektek tu ku udip isu sa, ku wama aku papakelid satu tu katalalan papapikan i takuwan, nanutaway maladay satu kami amaibayi papikan tu katalalan, sicabay sa kaku u bakiamin atu bayi.

malcabay tu babalaki[edit]

nanutawya caay tu kalaliyas kami atu bayi nu maku, tacuwacuwa ku bayi nu maku mikitin tu kaku tu lima nu bayi nu maku caay tu pisiwatid tu culil nu bayi, nika anu tacuwacuwa ku bayi nu maku, u babalaki amin ku kilimen nida tu cabay, anucaay sa u baki ku sacabayan malpadang, yu malaluuluung ku heni malpadang, caykaw hicahica aca ku sakal padang nu heni, pakungku caay kaputun ku sapakungku nu heni, adihen aku ku pising nu heni amin, idaw ku muwangicay idaw ku malalumay, anu inipapikan tu tu katalalan anu micuhcuh atu inikalahuk tu, uydaan tu ku sasakamuen u mapatayay u matuduhay, sanisani idawtu ku muwangicay, alahican tataketakecsaan muwangic malalum ku balucu’.

picudadan nu maku[edit]

katukuh i cacayay a bataan ku mihcan nu maku, tanekteken tu miadih tu udap nu maku ku wama aku, latay hantu kaku papicudad, i cacudadan u sabalakiyay ku mihcaan aku, nika inay’ kunika tinengan aku tunu hulam a kamu, sanisani sa patelac kuni pisakamu, maliyuh aca mitengil tu kamu nu saydan, kyu sanisani patelac sanisani papisasangin nu saydan, sanisani papatusuden misasangi i putah, alahican mukunuy tuelun anucaay sa pakaduba’en nu saydan i kakaduba’an, alahican sapadec han nu saydan tu sasapeti’ i lima, ada-da kun isapeti’ a hicanaca jyahaw hanima maliyuh, cay pakaltep tuni asip nu taw tu cudad kyu capi tantan musapadeca, muwangal kita tu adada tuni sapadecan tu lima, taluma’sa mangaleb tu kunipi kwang nu ina i luma’, inipi cudadan nu maku, sanisani saan papihibangen nu babalaki a papikan tu katalalan, anu caay sa milapac i buyu’ tusa pakan tu katalalan i umah, hanca micudad kusausi nika sawsawni mihibang, sawsawni milapac alahican papikan tu katalalan anyaan satu matineng muletep tuni pitaneng i tawan.

papikan tu katalalan[edit]

yu adiding papikan henay kaku tu katalalan sa, i tawyaay a nika udip nu nyadu’ mahka sa mata kuni kaudip nu binacadan itawyatu paylumaluma’ i taw amin kuni pahabay tu katalalan, hanca u katalalan sa, usa kawmah nu tademaw, nika itawya caay kaw u siumahay a cacay ku pahabayay tu katalalan, pahabay amin ku inyadu’ay tu katalalan nay’ ku inayi’ay, kyu u lyulyu nu luma inay’ ku langaw nu lutuk atu lalapacan, kyu sa yu papikan ku papikanay tu katalalan tayda tu i baabaatan, anucaay sa paydangen i buyubuyu’an, alahican mamin paydang i buyu’ tu katalalan sa, yadah tu midang tacuwacuwa, mapawan tu misimaw tu katalalan, salabi cikataluma’ mangasiu ku nika sasalama inipapikan tu katalalan, katukuhan tu ku dadebuwan nu katalalan sa, misalama hanay amin, kyu laliu wan nu katalalan taluma’, katukuhan ku sansandeb sa inayay mudebu ku katalalan, halhalsa alaw katukuhan tu ku labi inayi’ hanay, nay’ayalu ku katalalan sa, milhidahida cay kataluma, matalaw taluma’ tadu’ a tiiken nu babalaki saan ku balucu’ salabi satu makakilim tu ku babalaki i umumahan, i teban tu nu labi cayka taluma’ milimek i bukbukelalan, hatida ku nika talaw a tiiken nu babalaki, nika sa hatiniyay a mihcan anu caacaay kisu kataluma’sa a tacuwa kisu mulaliw, satu kuni datengan pasusun mapateluh twaca ku bili, sisa mukmuk satwaca taluma’ pakucila tu u sananal. adihan ku pakatalanan sa idaw tu kya katalalan ipaka talalanan, dateng satu u ngaliuway i sasa nu muyu’, taluma’ satu dakep hantu nu ina siket hantu ku lima, sipacacuy han i cungus nu luma’ mupacpac,anu muungal kisu sa amangaleb tuni pipacpac tu sasa peti’, alan kaku hantu cima inayi’ ku mamu wala itisu wan, katukuh ayda makadateng tu tina kawaw malalum tu kubalucu’ aku.

pahedekan tu kuni picudad[edit]

mahedak satu kuni picudad aku, kasenun han nu babalaki papikuli i kakuliyan, hanca maydih tu micudad nika inayi’ ku kalisiw, auhica ku sapadam su tu nicudadan, kyu mubelih mubelih ku balucu’ a micudad, tengil satu tu kamu nu babalaki mikuli i kakuliyan, sayaway aku a nipikuli i misalabilay a kusi, mahka tayda kaku mikuli caay kananam misanek, u duma kuantul nu sanek alaw u misakatulay, nikataydaan aku mikulisa, tadalilucan ku antul nu nisengelan tu banges nu katalalan, hanca maydih paliyun tu kakuliyan, nika a icuwa mikilim tu kakuliyan, makadateng tuyniyan sa tadikud aca kugalucu’ aku, hemhem satu itida mikuli, pasusun iyawya haw adiding ku lipida, nahatu anu idaidaw ku kalimadan mikuli, nika talakaway hakyu ku nikuliyan a kalisiu, kyu samuhmuht satu madaducc mikuli.

tadai nayi’ kulipida[edit]

sayaway aku a nipisakakawaw, silipida saansa cacay a lasubu idaw ku lima a bataan, cacay a demiad tadalima ku kalisiw, hatidaay a lipidasa u tanengay tu ku sausi itawwya, ci katenes alan kaku nu ali nu maku, tayda i mucikcikay tu Kilang malamitengtengay. malimad tayda mikulisa sigigicu kusausi kyu macakat ku lipida, cacay a bulad sa makala tu sepatay a bataan ku kalisiw, tusa a bulad kaku misakakawaw itida kya, cay tu pakahemhem kaku tu sakaydihaw aku micudad, laliw han aku ku nipikuli, tayda iya kuda pangangan tu sakalahitay.

laliw han aku malahitay[edit]

itawya mainal kaku tu nipicudad nu kaput atu cabay, dateng satu kaku anu tacacudadan micudad, cima ku pawsaay tu sapicudad saan tu ku balucu’, pasusun makakilim ku hiitay tu mamalahitay nu masakapahay, makatengil kaku cay tu pidateng tu dumaduma a dadatengen, u belut taw ku pangangan, ci katenes mapatay kaku kaynahan nu wama aku, katukuhan ku pilangecan tu tipus sa u belut tu aku miladay tu nikalingad taydaay i hitay, cayhan katenes ku nieneng aku i elun nu cilamalay, iniwtu kukakana aku mutengteng i takuwan a pataluma’, sakamu satu itakuwan mihicakisu tayda umami debung i yynan kuydaan satu itakuwan musakamu, patukil hantuaku nabalucu’an aku a malahitay amicudadkaku ihitay hantwaku kyu paccici tu pakalalang itakuwan tu laheci sakuni kalahitay aku.

pikuningan aku ihitay[edit]

hanca kina pina mutengteng ku kakana aku i takuwan, caay pakalawa tu sakalahitay aku a balucu’, angic satu padungus tu nika lingad aku, katukuh kami i hitay namatawa henay, hamin sahenay mabangah ku tangah, paliyun sa henay tu dikuc, malingatu tu mulutlut ku sakakaay nu hitayitamiyan, cahen kaasu’ kanika lahuk nyam i kalahukan, papialesen tu kami tu kaysing, palalalaba’en kami i kalcabu’an, pakaduba’en kami sa papika kulikulinen kami atu papinabuyen kami, katukuh i sansandeb ngelu’ satu kami, haynika lami niyam mulutlut i tamiyan miecaw, u nikalabi nayam tadacikciken kanikalabi, dikec sa tu pikanan pahanhanen tu, kinacacay mutaemul tu hemay pasatedepen tu, katuha i waluway ku tuki tawya sa u tatenga’ay tu a nikalahuk, papililuc i ata miyansa tadatulu a sasulitan, ahica miluduh ku uning, sisabuun henay ku tangah, cahen kacaedung ku dikuc sa auauentu, cay cay aca pililuc kami pakabi’ hantu.

nipitanengan i hitay cay kademec[edit]

u nipiecaw niyam i hitay matenes matenes, alaw maedam ku bulad katukuhan tu waca ku sapitaneng, niyam tunu maka cudaday, sayaway a nipitaneng tu namakacudaday, cika kapah kuni tanengan aku, haca cay kakapah kuni tanengan ayda a bulad, nika u nipikuwang sa ianayi’ ku makademecay i takuwan, hacica ku lacu hatida tu ku micumuday i teman nu nanengnengan, caay henay kapatelac ku lacu aku, katukuhan ku sapahedek miecaw a nipitaneng u satalakaway ku tinsu, kyu maala kaku mala iytuy hananay nu hulam u aadihan miecaw han nu kamu ita, tani a buntay sa kalalikeluhan ku nipitaneng nu kanatal tuhitay, u satabakiyay a nipitaneng nu hitay tu taneng, nu hitay a nipitaneng wakua cacay ku makaawasay tuyni a taneng pataynien kaku i 陸軍儀隊 milabu namahida pataynin kaku inisakaput tu mamapalaw nu hitay, sapaadih tu micumuday nu labang i taywan, tusa a bulad minanam i tida, tu patayda hantu kami inuayawan ni Cyng cyi se’ mapalaw, inikapalaw niyam tusa a tatukiyan caycaay pahanhan, ci baki tuni baki sa mahida tu mutideng tu inuayawan niyam, caycaay eneng mutideng tuway, hatida ku nikangelu’ niyam hatida tu kuni tideng nida cungtung “將中正“ci Ciu kay siki, mahemek kaku tu nitideng inuayawan niyam, hatida kucilacilal caay paeluni kama kadungdung sa tu kami, ci katenes limaden aca kamipatayda i tebanteban nu buyu’ papinanam tusa miciuway musinnasin tu kuwang, nipikuning itidasa makala tu tusaay a bulad itida.

tadtu i Kinmung[edit]

katukuhan ku nieneng nu hitay i taywan tu tusaay a mihcan, malimad ku butay tayda i kinmung laday sananaytu kami tayda, yu atayda i Kinmung san pacebaan kami nu sakakaay, mikacaw tu balunga tabayu mikuning saan, nika tabayu satukami sa masinawal tu wamin caay tu katineng tu tademaw, katukuh sa kami, alaw i Kinmung ku balunga niyamm, itida tu kami mulutlut tu

demiad i Kinmung, katukuh sa henay kami kasenunen mutupin nu kadizeng nu hitay tayda i kakitidaan, sabutabutay hantu muculu kami pataydan i kakitidaan nanusananal katukuh tu i sansandeb.

i bayubayuwan kaku mueneng[edit]

halhal sa kami, mumul twamin ku buntay wami tu acacay ku itidaay, muhcelem tu ku cilal itida hanay kamu, hahalhal satu kami i cuwa saw! alaw pakasenun han kami papikacaw tu balunga tayda i tebateban nu bayu, katukuh satu sa, i teban nu bayu iwencung matalaw maadih nu ada kyu salabi sa muculil i bayu, katukuh i dadisapan nya ba’tu, pacumud han tu kami i labu nya ba’tu, salami

satu kami muculu’ tu lalusidan itida ku labin niyam.

mabahka kaku tuliwliw nu kakitidaan[edit]

lekal satu kami tu sanannal, adih sa kami tu nu ayawan, u bayu amin, liuliuwen nu bayu ku aenengan niyam, cikatenes waaw satu ku husu matulek ku tangila ita makatengil, tengil hantu ku nipihusu, alaw u husu nu namaka taylukuway, tengil hantu niyam ku kuyda. u namu halhalay i tamiyn a hitay, sakamu sa: ‘u kakitidaan namu sa u sabaatay nu Kinmung kuyniyan a aenengan nu hitay.’

'muhalhalay kami tu ni namu, tayni kamu amumul tu kami.' saan ku kamu nya hitay i tamiyan, tengi han niyam kya mamumulay a hitay, u nikabi’an namu nacila sa, u baluhay a nibuuhanngan, iita piyngan a buhan sa u nitabadan nu ada ku tangah amin, i labu, udip nu heni caay patahekali tahepu hananay itida saan ku kamu.

matawy kaku tu nikasimuwangicay[edit]

sayaway niyam anilabin caay kaala ku sakabi’ niyam, matalaw anu alakemetan sa amatabad nu hitay nu ada ku tangah, cacay alabi tu sa a labi sakatulu a labi sa, makatengil tu muwangicay nu hitay, nika caay kaadih ku tademaw, mangaleb cawaca ku nikabilbil nu baluccu’, kyu u hitay aku, caay tu kabi’ tu labi, u demiad tu ku sakabi’, katukuh i nika taluma’ aku, tu sa a mihcan kaku i

tida u labi kai sa, minmabi’ u demiad sa macangal nu husu, caay kaasu’ ku nikabi’ tu labi, nika taluma’ aku.

mapahedek tu ku nikalahitay aku[edit]

maedem tu ku nikalahitay aku tu tusaay a mihcan, taluma’ tu kaku, makadateng tu nikaytidaan i Kinmung matawa tu kaku taluma’.

katukuh i luma’ caay henaay pakatepa kaku tu kakuliyan, caliuwen aku ku sateptep nu kakama aku, misaculiculil i hekal hakya makatepa tu sakakawawen, kacaw sa kaku tu sateptep satu kasatedep ku culil aku, katukuh i sawali makadateng tu nakamuwan nu bayi aku ,yu wawaay henay kaku ya nakamuwan nida tya kungku, katuud ku Sakidaya mulaliw mihinang tayda i sawali sananay a kamu nu babalaki madateng aku i balucu’.

caay piales kaku tu mihinangay[edit]

madateng ku na kamuean nu bayi aku, yu wawaay henay u kungku nya babalaki amin, ngay kaykayda sa tu kita mukilim tu mulaliuway nu binacada nu mita u Sakidaya itawya, makadateng tina kawaw sa, mabangbang ku balucu’ aku tu sapikilimaw, nanutawya sabalucu’ sa tu kaku amisaliwliwt mukilim, sayawyay micakay kaku tu sateptep kakacawan misaliuliut, misauliulic tu kaku tu caculilan, mamin miulic sa kamu hatu aku ku lalabu nu luma’, misulul tu namin kya salaheci sa tu kaku malingad, bahbahen nu babalaki kaku.

1969 a mihcan 9 abulad 1demiad, misuayaw tu kaku mulaheci tu nabalucu'an aku, sayaway sipakayni aku isaetip nu nuwaliyan,

tatimilen aku sipakayni i dawlyk snyadddu’an, culek sa henay kaku. amitengil sa tahpapa tu mabilbilay henay ku balucu’ nu bayi, nisadakadakayan aku tusayaway a Sakidaya, alaw madatengay henay nida ku nakamuwan nu babalaki nu heni, tu amana patiineng i Taywan tu nikau Sakidaya kita sananay a kamu, kyu kaisa cinida a katinengan tu nika u sakidaya, kinapinaan kaku tayda i luma’ mipalita caay patubeli, sadikuday a nipalita sa mabalucu’ tu kyai, ala sa tu tu uekac a saasik sapadec hantu kaku tu tukkac a saasik, ahicanaca mulaliumulaliu kaku taputah ahican pacici kya haw.

ladayen nutumuk tu kaku[edit]

namahida satu tayda hantu aku ku tumuk nu nyadu’ musakamu, tu nika mahida tu kakawaw, pacabay han tu kaku nu tumuk amicumud i luma’ nya bayi, hanu Sakidaya hantu aku musakamu mahini ku kakawaw han aku tu kapah satu ku pising nida, sakamu satu “ku musakamu saw “ sa tu i takuwan, mahini satuway i takuwan, u kamu nu bayi aku sa i kasumamadan malekep nu kungku

ku nyadu’ nu Takubuwan saan. u calkakaan nu bayi’ aku sa mamin dakepen saan, u mulaliway tu kami tayni saan ku kamu nida,

mamin mipalita idawlik, taynin tatimilen aku kuculil mukilim tunika laklak nu binacadan, tayni cililasan cihabayan ikaluluan tu

tatimul kaku mududuc kuculil

mamih kaku mi saliuuc tu kaakawaw sa taynien, aku ikalutungan i salaw isilakawa iwensing imaibul, u nipalitaan aku malecalecad kukamu, uda dada’ u ulil mulaliu kacay kalecad, ucililasan atu cihabayan sa u namakayniyay i cibalbalan, ukaluluwan

makatukuh imaibul sa u namaka amin icipawkan, umalecaday a kungku nihenisa, unikaydaan mulaliu kuka hemekan aku.

salimelimek kubinacadan

tayda tuyda apala’sa milimektu sanisa muculillitu, simuenengay itinisaan yadatu miliyas tyapala’ unikitidaan nuhenisa inay’ kumakamihcan, mituluy idadan mananunud mikilim tulamilami’ atu kakanen, udumasa makaadih tu muculalay sa papilimeken

tu kuwadiwawa, yumaudad kudemiad mananunud misanga’ tudabek kakitidaan nuadiwawa, anu sienawsa salabi misangi ma

talaw aimelang, alahica tulabi kakutakutay sa misebeng tunika kemet numabi’ay.

miculek misakakawaw kaku

namakayda kaku i saetip pahanhan henay kusausi, adih hanaku kunipadeng aku tukalisiu caytu kahacica kyu pahanhan mucu

lil mukilim, tayda i mucikcikay tuba’tu mikuli, palipida satu kutawki sa tulu a bataan kuni palipida tu cacayay a demiad, dateng satu kaku tanengtukya kuhatiniyay alipida, pabaliu kaku midateng kyu masadep kaku malaluk acakaku mikuli, caycaay kaku

pihibang anu papisalabisa kutaki salabi sakaku.

mitules kaku tuniculilan aku

a manaenelay tukisu saan kukakelidan ikakuliyan, makatengil tununamuh sakaku makatengi tina kaku, matumes nu namuh ku

balucu’ aku, sa demidemiad satukaku mikuli ulabi caay kaku pahanhan misalabi, malaluk kaku caay pahahan cacay alalipayan ,matines matenes si sakatusa tukya abulad, taneng tukya kukalisiu sakaku, misaulic tu kaku tu sakalingatu aku mu wadwad tu a kapawananay a kawaw nu sakidaya, kyacaay kapawan amin kubinacadan.

muleku kaku tu nabalu’an

dateng satukaku, anupaytem han kunipu wadwad, tinna tabakiyay akawaw nu sakidaya sa, amalapuul ku kakuliyan kyai saan

kuni dateng aku, kyu u pakaenem atu pilipayan kusapi palita mu wadwad tina kawawan, kyu pakalima namilipay taluma’nami

kuli mabilil kaku mulimuut tulalusidan, mahamin ubelut tuaku malingad, sipa kayni numaku i cawydiyan amisa cacay tuluma’

mipalita yanicumu cumudan aku uwaamin nusakidaya, kasenun sa mukelid itakuwan patayda isa balakiyay apapi palita tu

sabalakiyay a binacadan, sakasaan uheni kumatingay saan kyusa manawl kaku tayda iciwydiyan, unitengilan aku tunu itiniyay

a kungku mahida tu unitengilan tunuayawan,nika u namaka cibalbalan kukatuuday a binacadan,

muwangic kaku tulalum nubalucu’

mamin kaku i ciwydiyan pahanhan tu kaku, anuayaw anipi lipay amalimad kuculil aku tayda i aliuwan”番薯寮“ taydakaku itida sa kasenun sa patudu’ tuitidaay i bakiyan anyadu’, katuhah kaku itida yaani patudu’an a babalaki sa inay’iluma’ kyu mubelih a

cakaku tuyda alipaysa inayi’ kuni palitaan aku, namahida satu alaw sikawaw twaca ku labu nuluma’ papikaluten kaku nuwama

ilaku, tusa alipay kaku miedap twama iumah,

u kabahkaan aku

mamin maliumah kuluma’ tusaka tulualipay mulyaw aca kaku tu nangatuwan aku, tayda icibakiyan, taydasatu kaku tatenga’ i

saw idatu kyabaki i umah maluktutali, taydakaku kasenun sa mi palita miauau tungangan aku, lekal satu uycanan kukawaw ita

saw saan itakuwan ,namakayda kapah kunika sasuwal niyam pabeli hanaku tuepah nubalaysan, tununamuh satu, auau hantu

tu nida kusa biyabiyawan a patawsi, sinaepahantusa culaculal satu kukungku nya babalaki amin, tengil hanaku mabaheka makatengl iday sakamu satu ciKiwyl abakian, u namaka sakulay amin ma ladayaytani kubaki niyam saan, sakamu satu idawhenay kunyadu’ nusakul haw saan mipalita, hang unama sakulay kaku hantwaku patukil, itini ibaki hananay a nyadu’ tusa

idaw ku cacay kuluma’ nunikasanyadu’ itini, mapulung malpadapadang sa masasuwal tu tusaka taydaau i sakul mididaw tu itidaay anyadu’, nika caay tukya kalaheci saan iaydasa balakitwamin acaaytukya pakatukuh kami, satu ku kamu nyababalaki amin, nikadateng sakaku alaw umabulahay haw tutadanyadu’ kana babalaki amin.

taynitu kaku i bakubakungan

uduma tu alipay hacacay hatu aku kinasawali namaka kaluluwan, caaykaku pi liuwaliu tunika tengilan aku tunika idaw ku nu sakidaya, unikadaan aku idaw ku tatusaay tu iluma’nubabalaki, idawku cacayay tu idaw kui cuecuedan nanaymu eneng, katu

kuhipaliwan inangkyi isinku ipapiyn tutaydatu tanman iculian majamin twaku kaydaan ku sawali, makatengil tu masahicahica

ay a kungku kadihiyan sa talalusa’ kita mitengil, idawku kalalumanaku unilaliu muculil tabaad ,sakamusa muculil tusa makemet kumata katukuhan kulabisa bi’satu katukuh tusananal sa yadatu muculil, katukuh tu kalahukan sa mananunud mikilim tusasa

lami’en malepi’ kunicaedung sa mananunud siliym tupapah nu kilang kadihiyan sa.

paliywn kaku tukawaw

maminkaku mukilim tumiliyasay inyadu’ a sakidaya, makadateng kaku anumusilud kaku tuni palitaan aku, awhica kusapi sulit aku palacudad anucaay pi binkiu ppicunus tu nilacul tu punu’,wacaay tukalaheci satukaku midateng, kyusa ales hanaku ku

kakuliyan taetip micudad, hanipi kuli hantuaku satu kumadatengay aku, sisa belut hantu aku kukakuliyan tayda itayciu micudad

tayni mikilam sakaku umisanga’ay tu dadingu, matenes malasayhu tukaku katuud tu kutayniyay miciumung tunisanga’an aku,

manamuh kutawki pabeli satu itakuwan yadahay a kalisiu.

kasi acawaan aku

itawya naidaw kuni suped aku tukalisiu kyu taluma satukaku siacawa, mamin siacawasa ladayenaku kuacawaaku tayda itayciu

mikuli padama miedap iatakuwa patudud aca tusasanga’ancikatenes siwawa tukami atatusa, yadah yadah kunietanan niyam amalacawa, kyu maydah kami misakaku tu kawaw, liyas satukami misakaku amisanga’ tudadingu,

misakaku kaku tu kawaw

namahida satu miliyas kami itida tahekal misakaku tu misakakawaw, cikatenes yadah tukukalisiu aku katuud tu kumicudaday

tayda itakuwan mipadang malakuli aku itawya, kumamicakay kaku tunikayay aluma’ ahicanaca nasepiyantu kyai amisabalucu’ tumicakay sa,pingkun kaku nukusi mamin ku kalisiu aku sipadudud tumikuliyay, mubelihmubelih kunnipi cakay tukaku tuluma’, hatida kunika laetus nusepi umhiniyaysa u” nasepiyantu” sa kubabalaki, mapayuen han nu yadaay atademaw,

nasepiyan aku kunika laetus nunikaudip

ahican naca kyahaw taluma’twaca kukapahay, itiniyay kulamat satu kyani dateng taluma’ satukami hansaw, kakukuh ikalinku

kasenun sakaku miculek mikuli, cikatenes imelang tuwaca kaykayda satu padeku ipaisingan, adihan numisaydan alau sibatuway kucebu, cikatenes acici’an sakumisaydan, uinayi’ay tu kukalisiu sa apadaku amibenat, auhica kukalisiu pibiyalaw midateng tadu iymelang henaca sa kubalucu’ makihkihtu kusapaising, sakamu hantuaku kuwama numaku sipicaliuy acakaku tukalisiu hanaku kuwama, sipicaliu hankaku anukapah kaku mikuli sa pabeli hawtu kutadah hantuaku kuwamu, tyasa tu papi

benat cikateces mulecuh tusakatusa awawa ku acawa aku, lecuh sahenay mapatay twaca kubayi aku, kakilukalul saan ku

laetus nudipaku ahican cikaadada nu balucu’ mudekukaku malalum kaku muwangic kaku tunikapatay nubayi aku, ahicanaca

satukaku, dungdung hatu numaku kulalum nubalucu’ saicelang asatu kami tal acawan.

misabaluh tusakaudip “mibuting”

kapah tu kuudip aku misabaluh tusasakakawawen, sayaway miculek kaku mitaneng misakakawaw ingutung, hanipi latlat han

tu tuudip matenes tanektek tukuudip sakaku, cikataneng kunikuniyan sipatadah, umibutingay acakukapahay sakatu, umeduk

twaku talakawsiyung mibuting, katukuh “iafulika” mikacaw tu tuubalunga, awang cikaw nutademaw kumihiniyay akawaw,salabi

sademiad caay pahanhan, nanu sananal makatukuh iteban nulabisa, pahanhan cacay atatukiyan malabi,mamin maalabisa malingatu tu mihetik tulayic, hamin sahenay muhetik tulayic sa ukalahukan tu, haminsa malahuk samalingatu twaca amusudat

tunihetikan tulayic, cipaka dungdung kaku mangelu’, maedem kutuluway a mihccan belut twaku taluma’.taluma’tsamengmeng satu iluma’’ napaka balunga tayda i mucikcikay tubaetu mikuli, matenes itida mananam tukaku tugigicu nu misanga’ay tubaetu

misakakutu miebaw tukawaw, ebawebaw hanaku tusasakawawen ikuziu, mikilim tukaku tu mamisakawaw, sikuli sakaku uttalu

kuamin misakawaway makalatu tusaay abataan, nanutawyya yadatu kunikuliyan akusa micakay kaku tuluma’ imacimaciyan, tapalsa kuacwa aku miladay itakuwan miebaw mikuli, tu maladay satu kami misakakawaw.

micaculi kaku tu hulic

tanektek tukukakuliyan sakaku, makaadih tuhulic ita u yincumin, mahica uni kalukan i kasumamadan aumah,kamalanusihu sa

nanay ahulicsa malalum kaku adada kubalucccu’,mitaapal tumahiniyay ahulic, kyu miladaykaku taydaitaypak, micaculi tucayay

kalucek ahulic paculitutalakaway, sawsawni tayda i sin cen iyn i lipuiyng, papi suumad tulatusay akingpu, sanisani dakepekami

alahica sa madakep mapulul kami.

tayda i yng min san ”國會”

usapi belinaw tu kingpu sakay titaan u iyncumin ahulicsa, caay katatungus tusakaudip numita aydaay, namihica sipala’kuhulam

i taywan, unutaw akanatal kuheni, tayni i taiwan kuhenisa umihinangay kusausi, mihica mialaw tu pala’ numita itaiwanay,unanu

kasumamadan tu maluk ku yincumin tunanu babalakiyay aumah, caay kasitatungus kuheni misamaku tulala’ita, usananay ku

sakatayda niyam i ying min san“國會” patudud tu numitaay ahulic.

dakepen kaku nukincal

itida isacumud nu”國會“ muhalhal kami, tu mamuwala tuni patudud niyam tucudad sa, tadu belengsatu tayni kukincal, lawup

hantu kamimilawa’ hamin hantu mudakep papikacaw i kadideng, kasenun hantukami mupulul ipapululan, salabihatukami mi

misauuc, katuka i tutebannulabi mupulul, matineng kuni sinkiuuwan nutaytu akukudayhiu nutaytu, alahantu kamipatahekal, hatida kunika tineng nuni sinkiiuwan nubinacadan, huway satu kubalucu’ niyam.

i si an san balasiuwan tu unuc

tayni kami i nu takawwan abuyu’i si an san, yai tiniyay mikaykung i si an san abuyu’ bahbahen nu kacatal, patasasa alawan tu

umah petunen kunupalumaan. pasu luma’tastasen lusalusen ku tektek nudinki, umahiyay a kanatal caay pidateng tu nangelu’ an numalukay, kyu tayda kami amipaayaw tuheniyan, katukuh kami itida alaw mihalhalay tu itamiyan itida kyakincal, makaadih

i tamiyan kasenun hantukami mupacpac tuunuc, da dukaduka satukami, taynikami paising papiadih tudukasa, caay pasiyam

kami caaypayuy kuduka niyamq, caay cucuki atu caay pasiyami kami padeku mahini kunipisa pancah ititaannan, u binacadan .

kami kusakami, katukuh sa pacumuden kami iluma’ buhat hatu ku sasinaway abali, buhat hantu kya cudetay mapatay kami nu

nienaway mupulul,wacay hatuniyam kudikuc amitahepo tu wadiwawa.

yupen kamitu cudetay abali

kinacacay tu amusumad kami tungangan nubinacada, ungangannumita caay kaw san paw kungangaita, u yin cu min kunga

ngan numita micapangangan ititaannan, sumaden kunganga niyam u yiucumin kami kusananay kami, nika u kincal nu kanatal

caay hen pitengil dakepen tukami, pululhatu kami pacumuden kami i tabakiyay aluma’ ,pulul hantukami buhat hantu kasasa

sananay ahulic nu hulamsa, anuca pangangani sa malanukanatal apala’saan

ahican midademec kunu paudipay a icelang

cayka tenes malekep tu kumisa daylisikiyay hacaca cacay satu malebek, inayi’aytuhaw sakakusa taydatu kaku mi hukingay

misakakawaw uacawa akusa micumud iceci paisingan mikuli, nanutawya lihalay tu kukawaw aku, misakilikilim tukaku tuduma

asakawawen, sapicunucunus tu lipida ngaayhen kyahaw, icuwacuwayan kuniculekan mangayay tu,

iluma‘tumaluk tuumah

namahida satusa inaytu kukakuliyan, balakitwaca kunika udip ngay iumahtwaca pahabay tu tulakuk, misingsikaku tupapa

habayan tu tulaku, mamin misaluma’ micakay kakutu enemay amalebut tuciuciu papahabayan, salingatu satu pahabay tu

tulakuk hanikaluk han tu tuumah, tulu amihcan kakukua pahabay caypaka dungdung mangelu’en aleshantu, pasusun patideng

twaca tungangan nu binacadan, inayi’tu kalawad musikul tunipahabayan, aleshantu.

maladayhiu nubinacadan

mutideng tu kungangan nu binacadan, saicelang satukaku mucuduh tukakawaw nubinacadan inyadu’, cikatenes maladayhiu kaku binacadan numita, tayni i iyn min huy padadayis tu kawaw nuipabaway atu inyaduay, sanisanisa palalacal tui pabaway

inyadu’ay, alahica culculen nucuwy tacuwacuwa musikul duma abinacadan, idaw kunippalekal tutuud akawaw taydatu kami

sidait tunyadu’ kya amasinanut ku kawaw nuyinminhui.

pasubana’ tuwadwawa misanu sakidaya

namahida kakelul satu pasubana’ tu micudaday numita u sakidaya, tayniku namaka icuwacuwaay micudaday i tabbakiyay a

wawa hamin hanaku pasubana’tu lalangawen, atu nadipa’an, nika bulawan atucanacanan,anu sakaytini tu inusakidayaan ukatinengan aku inayi’kuliwan pasubana’ tu cudacuday, kumi taygakay minanam tayni inyadu’ maydih matineng caay hanay

kaku pidantu’ apasubana’ makatukuh inika caaytupakacaculil anusa tawyakaku pahanhan.




















i