Wp/szy/kiyuma

From Wikimedia Incubator
< Wp‎ | szyWp > szy > kiyuma
Jump to navigation Jump to search

kiyuma(野豬、山豬)

siwkay

i buyuay a pabuy kuyni, caaykaw nu pahabayay a pabuy. u kiyuma sa, tanaya' ku ngipen nu heni , u pahabayay a pabuy sa, caay katanaya' ku ngipen. makauzip kuyniyan a mauzipay i kitakit, matatungus(適合) i hekalay a subal makauzip. sisa, maazih tu i cuwacuwa nu kitakit. uzuma sa, caay kapili' mukan. u ayzaay pahabayay a pabuy, naayaw 8000 a mihcaan pahabay nu tademaw, mananam tuway pahabay. maydih mukan tu pabuy a titi' ku tademaw.

u Amilikay a kiyuma

tenektek ku uzip nu kiyuma, tabaki ku tangah nu heni, apuyu' ku kuku. lumeniay asaca kiptulay a kulahay(褐色). u belek(小豬) a kulit sa, u ahemaway a kulahay, silumeniay a silusi. mabalakiay a kiyuma maka 1.5-2 kongce(公尺), maka 90 cm ku talakaw. bahket ku kiyuma, maka 200 kongcin(公斤). tanaya' ku ngipen, maka 6cm, 3cm i hekal nu laway. caay katanaya' ku ngipen nu laang(雌性) a pabuy.

mapulung muuzip ku kiyuma, maka 20-50, ilabu sa, izaw 2-3 laang a kiyumah atu belek. musabili ku laang a kiyuma, taneng lecuh 8-12 a belek. mikutkut tu buhang i lala' ku kiyuma. u tatelungan a sisackih a aadupen matineng mikutkutay a aadupen.

mauzip i bukebukelalan katukuh buyubuyuan maka 3000 kongce ku talakaw.anu kasienawan tayza isasa' nu buyu.

kagak kakuniza(科學分類)

subal(域):mauzipay

salaedan(界):aadupen

panan(門):sikululay(脊椎) a aadupen

upiz(綱):pacucuay(哺乳)

mata(目):tusa-sackih(蹄)

kiyuma
mukan tu kakaenan tina belek

sapamat(科):pabuy

mikitinay(屬):pabuy

hicahicaay(種):kiyuma

namakayniay a nasulitan nasakamuan atu natinengan

wikipayke-野豬

Taywan kiyuma

liwasak(分布) tatungus(範圍) nu kiyuma