Wp/szy/alikakay

From Wikimedia Incubator
< Wp‎ | szyWp > szy > alikakay
Jump to navigation Jump to search

nilacul[edit]

i kasumamadan na idaw ku Alikakay tayni i tapingingan nu nyadu’ numita i takubuwan, taynisa malingatu tu misawcu tunyay, u lutungay ubiubi han muwalasa tukadan tu kubili mukan, bakabakhan i umaumahan ku nituukadan tukidu nwawa, makadih ku siwaway ahican cayka lalum ku balucu’,matalaw tu ku icwacuway a nyadu’ kyu midapu amin tayni i takubuwan mueneng, nanutawya malsupsup tuamin kunyadu’ i tabakiyay lidaw natawlan cikasuwan, matalaw tu miliyas i tabakiyay anyadu’,nanu tawya caaytu ka lipahak ku binacadan nu paynyanyadu’,anu misakakawaw kubinacadan sa, si pakelid si pakelid hantu ku wadiwawa, i misimaway tu tuadiwawa i luma’, u baballaaki tu ku sitatungusay amudiput.

misabana”tu tatayna nu binawlan[edit]

uduma a sala’tusay atu sakacikiyan nu binawlan, misamsaam misabana’ tu tatayna nutau, i umaumahan, anu sa caccaay sa maluk ku tatayna i umaumahan sa, anu lenukan tu ku alikakay sa, malingatu tu misamsam tu tatayna, hicana’misabana’ suma den nu heni ku pising atu wayway pasungiha’ sumaden, adihsa ku tatayna sa malecad tu malakapahay nu acawa nu udip, ahican miikkaii, anucacay sa malecad tu mamidang nu udip, kyu masabana’ ku tatayna, cilacila sa sini katengilan tukita tu mahiniyay a kawaw, mu sumad tu pising atu ngiha’,micapi tu tatayna, amed kutatayna masamsam tu nu udip ahican caay ka sabana’ nu tatayna, sawsawni sa idaw ku mahiniyay a kawaw inyadu’

na kamuwan nu babalaki[edit]

nasulitan ni Nuwatan o Kumud i 2019 a mihcaan namahida ku alikakay kiu lasupsup satu ku binawlan masaupu i tabakiiyay a nyadu’namakayda salingatu tu masanyadu’ ku paynyanyadu” ma tenes sa nanam satu kunyadu’ay amala neknek wyniyan a nyadu’sananay, matenes kaykayda satu mapahecek ku ngangan nunyadu’. i tawya nawnyadu’ acacay a nganganay kuydaan , aydasa misapacici satu misa ngangab tu tunu ngangan nunydu’ apa ngangan tu binacadan.

naw alikakay ku saka laklak nu sakidaya[edit]

anucaay kaw alikakay kumi bulibulay tu sakidaya kaw,caay tu kalaklak kunyadu’ nu sakidayaa, tadaw u sabulibulul ku alikakay, yu caayhen katayni ku alikakay , lihalaykunikaudip nu sakidaya, nanutawyakyu caycaaytu kalaliyas ku sakidays, tah aayydaa ahican naca nasepiyan tu amabuliyas, u duma sa kaykayda satu ku duma anyad’ miliyas, ma ngaleb tu ayda u pancah. kamisa tu miki hahemul tu katuuday tu misa panpancah tu, sasahican kumahiday u sakidaya sa usakidaya kamisa panpabcah enaca, i tida mala puul ku wawa nu sakidaya, tadaw u mabelihay tu tuas kumahiday , upacakayay tu adingu nutuas kumaahidayj a tademaw, an tatenga’ u pancah kisu sa sakamuwamay tukamunu tadapancah akamu, anu matinengay kisu musakamu, anu maliyuh tusa sahica misapanpancah tunikaudip, u tada maliuhay kisu tu kakawsan, sa luwaluway sa misa panppancah, tadaw u mingiduway kisu i panpancahan, mamucelay sa kubabalaki tumahhiday, wycanan misa kalikaliyuh kisu tu tatuasan sa aci katineng tu ku babalaki tu wayway numisu, ya idang isu i udipsa ama paliyun aca, acikaw nutuas numisu kui labuway,sahican

misalekuleku sa misapancah tuudip nu udip.

pu pancah hananay nu taw sa[edit]

matinengay hakya kisu tu pancah hananay sa wycanan sananay, i kasumamadan mahka tayni ku hulam, u tada taywan kuydaan, makadih tu isatipa a tademaw kasenun sa muawaw tu (huan na) saan, makatengil kita tu huanna (hwan)sa makatengil. kitasa, kasenun sakita macudah sakasan u misa punelay i titaan ku (hwanna)hananay, tayni satu ku tadahulam sa maliyuh

tu (hwanna)hannanay nu taywan, kyu sulit hantu nu hitay i tatipeluk tu cudad (番仔) nanutawya salingatu unu hulam tu ku sapiawaw i titaan tu (hwan cay 番仔), maka tengil ku babalaki tu nipiawaw tu (hwancay) sa, maliyuh pa hacuung tu(hwancay) a ngiha’an, kasenun hannu babalaki muasip tu (pancah), kyu katukuh aydag hidahida satu upancah kitasatu, u misapengelay i titaan a kamu kalangangaen ita, ini kungangan iata tu sakidaya sa kaiyan, tatenga’tu nukamu nubabalaki tada upacah sananay a kamuwan. u mahiniyay wyta aydaay maliyah tu kakawaw, idawku nganga ita tu sakidaya sa kaiyan (ngung huan) nuheni asi,

ngangaan, nutaywan anipi sapuenelk ititaanan hansa manamuh, u(tadapancah) han nanay nu babalaki.

namahida kuni pibulibul nu alikakay[edit]

yu hatida tukunipi lutelut nu a likakay i tutaan ma ludaud tu ku binacadan, malinges tu ku babalaki nunnyadu’ mabales husatu amin ku binawlan, pa sauou hantu nu tumuk babalak papilubang, matatengitengil tu nabalucu’an, idaw kusananay kasseenunn han midebung nu selal mu bahbah saan, udumas kasenunen ma ngayaw malpacaw atu alikakay ku kapahay, sakamu hantu nu mapalaway , matineng mudimut kutaw tu udiip sa ahican isu mu patay, hatu nu katuuday, sakamuusatu ku tuumuk anu mahida sa kau mapalaway aca kumi debungay satu, nika sausi satu kuheni tu mapalaway nu nyadu’an cikataneng satuway, satu kuheeni, anu mahidasa ka tayda aca i timul mi sasuwal hatu nu nu binawlan ku tumuk, hang satu cikatenes iniutu nu ku kamu nu maka timulay, mihang tu kuheni satu, tatenga’ pakatulu a bemiaad iniutu amin ku mapalaway nu itimulay i nyaadu’ nu takubuwan, mahida sa a debungan ita ku nyadu’ nu alikakay satu,beleng satu ku heni. sipakayda nuheni i nutimulan midebung culuk hantu nuheni tapabaw.

i dadan malitemuh ku alikaakaay[edit]

itini inipi debungan nu heni sa, idaw ku wakawak sananay mu culi, caay pakadih sakyai tumapalaway,nika maadinumapalaway ku culil nuheni, ba’tung hatu nuheni tu putut, waw satu muungal. matapesi’ nuisi’ katinengan tu kunikaidaw nu alikakay, culuk han nu mapalaway mukilul, makatukuh i aenengan nuheni, makatukuh itida lawp hantu nu mapalaway, inayi’tu kulalaliuwan sadikuday mi palima tuamin ku alikakay sakamu satu tu mapalaway nu sakidaya, amana pipatay i taamiyan liyas hawtu niyam i tini, satu kukamu nyatumuk nu alikakay, dateng satu ku tumuk anu muhida sa, kalam kamen tui miliyas hatunu tumuk kuheni, uydasa muuyuy tu tubinawlan nuheni, mahidasatu kakilu kilul satu maluyaluy mapulung mulaliu, kilulen tu nu mapalaway inudi kudan inaynayi’ ku mulecisay, makatukuh inuwaliyan, mulakuyt tu tubayu, nuka muculil i pabaw nubayu pakay kaki’ nu nanum ku nanum nubayu, nanutawya sasa’ satu ku balucu’ nu binawlan, mahida kunipi palapuul nu alikakay i sakidaya.

nanutawya caay tu kapawaam[edit]

nadikudan satu nu alikakay, cacaay tu paka pawan ku sakidaya tu alikakay, pasu itimulay anyadu’ inayi’ ku maliuhay, katukuh ayda mahidatu ka sinang nina kungku, tacuwacuwa a nyadu’ nu sakidaya sa cayka inayay kina kungku, ahican naca tada pay labu i balucu’ nu saaakidaya kina kawaw, ayda mabuliyas tu kusakidaya ayda ta cuwacuwa tu mueneng, ayda mabuwah ku sakidaya u wawa nuheni sa, misanupaaacaah twamin, kyu pasu panpancahan tumatineng tina kawawl ayda .