Wp/szy/acawana nu bayu a dietu- ci Silingaan

From Wikimedia Incubator
< Wp‎ | szyWp > szy > acawana nu bayu a dietu- ci Silingaan
Jump to navigation Jump to search

acawana nu bayu a dietu- ci Silingaan 撒奇萊雅族希莉雅安女神

nilacul[edit]

acawana nu bayu a dietu- ci Silingaan

ngatu-cacay[edit]

nakamuan nu mihecaan, nayi’ ku laed nu bayu atu enal, katukuh sa ku bayu’ icuwacuwa nu tukus, muenengay i tukus a cidekay sa, hina balad nu bayu ku tuutuud atu nika uzip nu tademaw.

u wawana nu kakawsan nu Sakizaya ci Butuc aci Sabak, ci-Lubas, siwawana ciniza izaw ku wawa tu tatayna ci-Silingan.

salengac ku banges mabunal tu , uzuma ku salungan. 

u zuma ademiad, tabayu ci-silingan I cabiyas, mazih nu wawa nu bayu adietu ci-Balakas, maala nu sangulan ci-Balakas, kinapina mipasungit, nayi’ ku laheci.

Mabalucu ku wawa nu bayu’ adietu, patapeliken mialulul ku niyazu’.

ngatu-tusa[edit]

u liwan nu cidekay milunguc ci-Lubasan, bakahen ku wawana i su pauzip tu niyazu’, ahicanaca ni Lubas, sulul han tu niza.

pakay haku han ku wawana ci-Silingan, sipialul i bayu, tansul sa kubayu a masamata, haymau satu malawpes ku tapelik.

ngatu-tulu[edit]

nazikuzan, mabulah tu ci-Lubas tu wawana, liliden niza ku tatulu a wawa, mikilul tu nalikidan niya haku tatimulen kuculil mikilim tu wawana .

u zuma ademiad, katukuh tu i “ talawadaw “ i sacumud nu talawadaw, sa sipiwait niza kiya culekul a mukin amalinges, tu bayu adietu misakam, “ i naculekul ku salaedan, amana tu picalap atayni !

“ namahiza, tahekal ku salengacay akulit saka siwantan ku tukus atu bayu a salaedan, namahiza cayay tu kacacalap.

u wawa ni-Lubas amin lalid sa mikilim tu sabana, namahiza, iziluz kuheni sa mala kakawsan tu nu yicumin(cidekay).

acawana nu bayu a dietu- ci Silingaan

kiya malacul nu bayu ci-Silingan, pauzip tu i bayuway a cidekay.

ngatu-sepat[edit]

Kami u Sakizaya sa u dietu haniyam ku adingu, palu tatenga’ tu adingu, palu tatenga’ tu lahad, nayi’ku caay kaitiza, namapatay ku tademaw sa, mala dietu ku adingu’, u adingu niza sa milakuwit tu talakaway a buyu’ katukuh i helun, pasayza, i wali, mapawpaw i bayu, iyu silisin ku niyazu’, sa pasawali ku mapalaway, pahalhal ku mapalaway tu tunuz, daedac atu epah.

mikapet tu papah nu tayu a papasepi tu dietu, u kakawsan a dietu sa namaka bayu milakuwit tu buyu’ nu pazik a tahelun i sasalisinan, kiyu u nika uzip nu Sakizaya ku mahiniyay, ahican midimut, kiyu u kaka biyalawan kina mahiniyay kiya !

namakayniay a nasulitan nasakamuan atu natinenganː[edit]

namakay nu kamu ni Tiway Sayiun nay.

nasulitan nay pabalucu'ay a kawaw nu subana'ay a pu 2018-1

malaalitin tu i hekalay atu zumaay a natinenganː[edit]