Wp/szy/Sakul a niyadu’

From Wikimedia Incubator
< Wp‎ | szyWp > szy > Sakul a niyadu’
Jump to navigation Jump to search
palimulak tu ipabaway

Sakul a niyadu’, u sulit nu Hulam: 撒固兒部落.

u siwkay nu niyazu'[edit]

Siapaluway hen nu sakidaya sayaway, i kasumamadan sakidaya naytida mueneng i nu amisan nu cecibiwin alala atu i tepaw nu siwi a cacudadan a niyadu takubuuay (aydaay takubuwan sakul tasuntasunan, kenuy, lasudlasudtan) cacay a malbud walu alasubu pitu idaw ku walu a mihcaan, i dikudan nu kaliyawan a kawau sa, malakalakay nu niyadu’ masaupu waca i kakuwanan a dabek, i tida yadah ku sakul a kilang, pa nganga hantu tu sakul a niyadu. i kadipunan, syehu nu dipun mitengi tu ngiha mi sengi tu sakura a ngiha , sumat hantu ku sakul a ngangan pangan satu sakura, 佐倉sa.

cupu[edit]

cacay a malbud siwa a lasubu tulu a bataan pitu a mihcaan, nama baliyus mabalad tanunanum sa, mapalid nami ku luma, idau ku niyaduay malingatu pahtipan miketun tu saputang a bukelal, malimad tayni i aydaay a kuhuli a niyodu, u dipun namieteng tu malad i kuhuli, itidai kawili a sauwac misanga tu tibu, mahida sa sakidaya matalaw tu balad malimad satu tayni, pangangan hentu tu cupu, u tibu sananay.

背景[edit]

Kalisi kuhuliyay a tamdaw, un makaydaay i sakul malimad taydi, malimad nama talaway tu balad. malcaday nikuwanan nu kalinsi cupu idaw henay kasyusyuwan, u kasyusyuwan i teban nu kalinsi sinsa atu siwlin, naayaw atu cupu naw nikalukan nu taluku a lala, ni palimadan nu dipun muedeng, misaadidin tu sapi lakalak nu taluku, sakidaya a tamdaw tawya kapah malimad tayni mueneng, idaw ku kamu saayaway tayni i kasyusyuwan u babalaki sa, manamuh ci nida mi syusyu, syu-syu sa ku suni, sisa u niyaduay kasyusyuwan hantu panganga.