Wp/szy/Kayuwabis

From Wikimedia Incubator
< Wp‎ | szyWp > szy > Kayuwabis
Jump to navigation Jump to search

u nikatinengan aku tu ci Kayuwabisan sa, namalatumuk i Sakul a niyadu’an, yu malatumuk henay ci nida sa sa, matineng muwanan tu niyadu‘, itini i niyadu’ay a tademaw, makadih tu tademaw nu inayayay, hida han nida u siluma’ amin, hatida ku nikasidait tu i niyadu’ay a tademaw, i nayay ku pasusunay i cinidaan, u sakasaan hida han nida u siwawa ku binawlan.

matineng mukelid

u sadiput tu sakay tini inyadu’ sa, inayi’ ku makademecay i ci nidaan, namakay nika limulakan nu ingatuay, tu maliwmah katukuh i pisaliliu hacacay hanida muleku amin ku lisin nu nyadu’, caay pihibang pay mihmihcan, duducen nida ku nama kaniyay i tuas nu binacadan, anu mahica ku kawaw nu kasumamadan, hidan nida amudepah kinikadaan nu tuas, kyu manaul ku nyadu’ palatumuk i ci nidaan.

inayi’ ku kakaliyuhan

uy canacanan a lisinan inayi’ ku kakliyuhan nida, yu kalcabi’an nu nyadu’sa, maluayaayaw tayda i kakaduba’an, amaluaya milcabi’ tu katuuday, anu pila’disanas, maluayaayaw muala tuliyaka a sapibuting, taluma’ tu ku selal milhida taluma’ ci nida. anu pibih misapunis caay kalikut mibihkac, musakamu amin ku babalaki nu nyadu’, ma’kek amin ku selal tu nikahida nu tumuk, wydatu kasenengan aku, yu tabuyu’ midungec ku nyadu‘ay, balaki tu kaku cay kasa, milhidahida tu tu katuuday mudungec, caay kademec nu selal ku nialaan tu dungec, apikiyadahan ku niselal a dungec.

kabaliusan

yu maciyung ku nyadu’, haminen nida ku banti palcapu, mapulung milubang tu sapiedap muisid tu maluhay a luma’ nu binawlan, inayi’ ku maglikutay nu paylumaluma tahekal amin, tayda i kasaupuwan nu nyadu’, muhalhal tu nipibunpay nu tumuk tu sakakawawen, iniw tu amin sa haw malingatu tu hacacay hantu muisid ku maliyuhay nu luma’. u malenekay a luma’ sa paludikuden ku mahiniyay, mamin tu amin ku malebekay kya musalingatu tu misanga’ tu maluyuhay.

patideng tu malebekay

mamin tu haw ku maluyuhay muisid saan sa, u malelekay tu ku sanga’an nu katuuday, hacacay han tu maadad a mutastas, u tatayna sa mubalud tu lalami atu penan, u tatama sa, u situngusay mutastas, atu mumuki tu cuked a kilangan, mahamin musaungay inayi’ ku mudangay nu nyadu’ay a tademaw, milhida ku nikadangkic nu balucu’ nu nikalatumukan ni Kayu.Wabis a tumukan. u sakasaan nika idaan nu tumuk nu nyadu’ sa, u nikatinengan nu maku u sakapahay a tumuk ci nida a cacay ku mahiniyay kyai ku nika dikec nu nipidiput tu nyadu'ay nu binawlan.