Wp/syl/ꠡꠣꠢ ꠚꠣꠞꠢꠣꠘ
ꠡꠣꠢ ꠚꠣꠞꠢꠣꠘ ꠅꠁꠟꠣ ꠄꠈꠎꠘ ꠀꠃꠟꠤꠀ⁕ ꠁꠀꠝꠦꠘꠞ ꠢꠣꠖꠞꠣꠝꠣꠃꠔ ꠛꠣ ꠔꠥꠞ꠆ꠇꠤꠞ ꠇꠥꠘꠤꠀꠔ ꠔꠣꠘ ꠎꠘ꠆ꠝ⁕ ꠔꠣꠁꠘ ꠢꠎꠞꠔ ꠡꠣꠢꠎꠣꠟꠣꠟ ꠅꠞ ꠜꠣꠉꠘꠣ⁕ ১৩০৩ ꠡꠣꠟ ꠔꠣꠘ ꠝꠣꠝꠣ ꠢꠎꠞꠔ ꠡꠣꠢ ꠎꠣꠟꠣꠟ ꠅꠞ ꠟꠉꠦ ꠍꠤꠟꠐ ꠛꠤꠎꠄ ꠅ ꠟꠉꠦ ꠀꠍꠟꠣ ꠔꠣꠁꠘ⁕ ꠛꠣꠖꠦ ꠍꠤꠟꠐꠞ ꠝꠣꠘꠡꠞ ꠈꠣꠍꠦ ꠁꠍꠟꠣꠝ ꠅꠞ ꠖꠣꠅꠀꠔ ꠖꠦꠅꠀꠞ ꠈꠣꠎ ꠟꠣꠉꠁꠘ⁕ ꠍꠤꠟꠐꠞ ꠈꠣꠖꠤꠝ ꠚꠣꠠꠣꠔ ꠔꠣꠘ ꠈꠣꠘꠇꠣꠢ ꠅꠘ ꠔꠣꠇꠤꠃ ꠔꠣꠁꠘ ꠁꠍꠟꠣꠝꠞ ꠖꠣꠅꠀꠔ ꠚꠃꠍꠣꠁꠍꠁꠘ ꠝꠣꠘꠡꠞ ꠈꠣꠍꠦ⁕ ꠍꠤꠟꠐꠞ ꠝꠣꠘꠡꠞ ꠇꠣꠍꠦ ꠁꠍꠟꠣꠝ ꠚꠃꠍꠣꠘꠤ ꠀꠞ ꠍꠤꠟꠐ ꠝꠥꠍꠟꠤꠝ ꠡꠣꠡꠘ ꠈꠣꠠꠣ ꠈꠞꠣꠞ ꠚꠤꠍꠦ ꠡꠣꠢ ꠚꠣꠞꠢꠣꠘ ꠅꠞ ꠜꠥꠝꠤꠇꠣ ꠀꠍꠦ⁕ ꠍꠤꠟꠐꠞ ꠝꠣꠘꠡꠦ ꠔꠣꠘꠞꠦ ꠡꠣꠚꠞꠣꠘ ꠈꠁꠀ ꠒꠣꠈꠁꠘ⁕ ꠍꠤꠟꠐꠞ ꠈꠣꠖꠤꠝ ꠚꠣꠠꠣꠔ ꠔꠣꠘ ꠝꠣꠎꠣꠞ⁕
ꠖꠞꠉꠣꠢ[edit | edit source]
ꠍꠤꠟꠐꠞ ꠈꠣꠖꠤꠝ ꠚꠣꠠꠣꠔ ꠔꠣꠘ ꠖꠞꠉꠣꠢ⁕ ꠔꠣꠘ ꠘꠣꠝꠦ ꠁ ꠎꠣꠉꠣꠞ ꠘꠣꠝ ꠄꠈꠘ ꠡꠣꠚꠞꠣꠘ⁕ ꠔꠣꠘ ꠖꠞꠉꠣꠞ ꠟꠉꠦ ꠀꠍꠦ ꠄꠈꠐꠣ ꠝꠡꠎꠤꠖ⁕ ১৯৮৪ ꠡꠣꠟ ꠚꠥꠞꠣꠘꠣ ꠎꠝꠣꠘꠣꠞ ꠝꠡꠎꠤꠖ ꠅꠞ ꠎꠣꠉꠣꠔ ꠘꠀ ꠝꠡꠎꠤꠖ ꠛꠣꠘꠣꠘꠤ ꠅꠄ⁕ ꠖꠞꠉꠣꠔ ꠀꠞꠅ ꠀꠍꠦ ꠄꠈꠐꠣ ꠁꠖꠉꠣꠢ, ꠟꠋꠉꠞ ꠈꠣꠘꠣ, ꠛꠦꠐꠤꠘꠔꠞ ꠘꠝꠣꠎꠞ ꠎꠣꠉꠣ⁕ ꠚꠔ꠆ꠔꠦꠈꠖꠤꠘ ꠔꠣꠘ ꠝꠣꠎꠣꠞ ꠅ ꠀꠍꠔꠣ ꠖꠦꠡ ꠕꠣꠇꠤ ꠅꠘꠦꠈ ꠝꠣꠘꠥꠡ ꠀꠁꠘ⁕
ꠟꠤꠉꠦꠍꠤ[edit | edit source]
ꠢꠎꠞꠔ ꠡꠣꠢ ꠚꠣꠞꠢꠣꠘ ꠅꠞ ꠘꠣꠝꠦ ꠛꠣꠋꠟꠣꠖꠦꠡ ꠅꠘꠦꠈ ꠎꠣꠉꠣꠞ ꠘꠣꠝ ꠞꠣꠈꠣ ꠅꠁꠍꠦ
১. ꠡꠣꠚꠞꠣꠘ ꠕꠣꠘꠣ (Shah Paran Police Station)
২. ꠡꠣꠚꠞꠣꠘ ꠚꠥꠟ (Shah Paran Bridge)
৩. ꠡꠣꠚꠞꠣꠘ ꠢꠣꠁ ꠁꠍꠇꠥꠟ (Shah Paran High Schoo)
৪. ꠡꠣꠚꠞꠣꠘ ꠛꠣꠎꠣꠞ
৫. ꠡꠣꠚꠞꠣꠘ ꠢꠟ (Shah Paran Hall at SUST)