Wp/syl/ꠃꠘ꠆ꠖꠣꠟ
ꠃꠘ꠆ꠖꠣꠟ, ꠚꠣꠉ꠆ꠉꠞ ꠛꠣ ꠚꠣꠇꠇꠥꠑꠣ ꠅꠁꠟ ꠛꠣꠡꠣ-ꠛꠣꠠꠤꠘꠔꠅ ꠛꠣ ꠖꠥꠇꠣꠘꠅ ꠈꠣꠘꠤ ꠛꠣꠘꠣꠘꠤꠞ ꠀꠞ ꠞꠣꠘ꠆ꠗꠣꠞ ꠟꠣꠉꠤ ꠛꠦꠛꠀꠞ ꠈꠞꠣ ꠄꠈꠐꠣ ꠇꠥꠑꠣ ꠛꠣ ꠄꠈꠐꠣ ꠇꠥꠑꠣꠞ ꠄꠉ꠆ꠉꠣꠟꠣ⁕ ꠁ ꠎꠝꠣꠘꠣꠞ ꠅꠛꠍꠕꠣꠀꠟꠣ ꠃꠘ꠆ꠖꠣꠟ ꠅ ꠕꠣꠈꠦ ꠄꠈꠐꠣ ꠍꠥꠟꠣ, ꠉꠞꠝ ꠀꠞ ꠑꠣꠘ꠆ꠒꠣ ꠚꠣꠘꠤꠞ ꠐꠦꠚ, ꠚ꠆ꠞꠤꠎ, ꠍꠣꠇ꠆ꠇꠥ, ꠖꠣ, ꠒꠦꠉ-ꠒꠦꠍꠇꠤ, ꠍꠤꠚ, ꠝꠡꠟꠣꠞ ꠛꠁꠀꠝ ꠀꠞ ꠔꠣꠠꠤꠀꠔ ꠀꠞ ꠛꠣꠇ꠆ꠇꠣ ꠎꠤꠘꠤꠡ ꠕꠣꠈꠦ⁕ ꠇꠤꠍꠥ ꠚꠦꠝꠦꠟꠤꠔ ꠅꠜꠦꠘ, ꠝꠤꠇꠍꠣꠞ ꠀꠞꠅ ꠘꠣꠘꠣꠎꠣꠔ ꠁꠟꠦꠇꠐ꠆ꠞꠤꠇ ꠎꠤꠘꠤꠡ ꠕꠣꠈꠦ⁕ ꠃꠘ꠆ꠖꠣꠟ ꠅ ꠝꠥꠟꠔ ꠈꠣꠘꠤ ꠞꠣꠈꠣ, ꠛꠣꠘꠣꠘꠤ ꠀꠞ ꠞꠣꠘ꠆ꠗꠣ ꠅꠄ⁕ ꠃꠘ꠆ꠖꠣꠟ ꠅ ꠈꠣꠅꠀ ꠛꠣ ꠗꠅꠀꠞ ꠈꠣꠝ ꠅ ꠀꠁꠔꠦ ꠚꠣꠞꠦ⁕ ꠃꠘ꠆ꠖꠣꠟꠞ ꠒꠤꠎꠣꠁꠘ ꠀꠞ ꠛꠣꠘꠣꠘꠤꠞ ꠈꠣꠝ ꠀꠍꠔꠣ ꠖꠥꠘꠤꠀꠔ ꠄꠈꠐꠣ ꠛꠠ ꠛꠣꠎꠣꠞ⁕
ꠛꠦꠛꠡꠣꠁ ꠃꠘ꠆ꠖꠣꠟ ꠚꠣꠅꠀ ꠎꠣꠄ ꠞꠦꠡ꠆ꠐꠥꠞꠦꠘ꠆ꠐ, ꠢꠥꠐꠦꠟ, ꠢꠍꠙꠤꠐꠣꠟ, ꠈꠣꠝꠞ ꠎꠣꠉꠣꠔ ꠛꠣ ꠅꠟꠣꠈꠣꠘ ꠇꠤꠍꠥ ꠎꠣꠉꠣꠔ⁕ ꠁꠔꠣ ꠃꠘ꠆ꠖꠣꠟ ꠛꠣꠠꠤꠞ ꠃꠘ꠆ꠖꠣꠟ ꠕꠣꠇꠤ ꠀꠞꠅ ꠛꠠ ꠀꠞ ꠝꠣꠟꠍꠣꠛꠣꠘꠣꠅ ꠛꠦꠡ⁕
ꠁꠔꠤꠀꠡ
ꠃꠘ꠆ꠖꠣꠟꠞ ꠁꠔꠤꠀꠡ ꠎꠥꠠꠣ ꠞꠣꠘ꠆ꠗꠣ, ꠍꠥꠟꠣꠞ ꠀꠞ ꠃꠘ꠆ꠖꠣꠟ ꠅ ꠚꠣꠘꠤꠞ ꠛꠦꠛꠍꠔꠣꠞ ꠟꠉꠦ⁕ ꠚꠄꠟꠣ ꠚꠄꠟꠣ ꠡꠞꠣꠡꠞꠤ ꠀꠉ꠆ꠘꠤꠔ ꠞꠣꠘ꠆ꠗꠣ ꠅꠁꠔ, ১৮ ꠀꠞ ১৯ ꠡꠔꠇ ꠘꠄꠀ ꠘꠄꠀ ꠐꠦꠇꠘꠟꠎꠤ ꠛꠣꠞꠘꠤꠄ ꠘꠄꠀ ꠘꠄꠀ ꠔꠞꠤꠇꠣ ꠛꠣꠞꠁꠍꠦ ꠞꠣꠘ꠆ꠗꠣꠞ⁕ ꠀꠉꠞ ꠎꠝꠣꠘꠣꠔ ꠚꠣꠘꠤ ꠀꠘꠣ ꠅꠁꠔ ꠇꠥꠀ, ꠚꠥꠞꠇꠤ ꠛꠣ ꠉꠣꠋꠉ ꠕꠣꠇꠤ⁕