Wp/sxr/Hla'ungali

From Wikimedia Incubator
< Wp‎ | sxr
Wp > sxr > Hla'ungali

Hla'ungali[edit | edit source]

拉武納力[edit | edit source]

Hla'alua mataingalu mualualu raahli. ihlaisa hlisaapanua tahliaria.

amihla ahlamakiariari langicana usuamika tahliaria, tamuucumacicikalangica , aranganʉka hlilʉmʉlʉmʉka kuahluamacukaanʉ, kuhlaisai masarʉʉ muruacʉka mangusipi , pitʉkʉka hla’ungalina, muasa kurivuuru tahliaria , musapatalʉlʉvʉ inaisa pakitalisiakilia, kihlahlamu inaisa sitakua miaisa , umala hla’ungalina limanguhluisa, palʉmʉhlaisana siakilia umarihlahlapʉtʉ inaisa , maia tuhluhlukia tihla’ahliu, macuamu kurivuurucu tahliariaia, ruangahlʉamu rʉkʉcʉ siakilia , cacihli ’aika mangusipi, rupapuahlʉia tariamu’ai mangusipi kisasuacu laʉvʉisamusala. rahluamia sasuana inicikimiungu uruamitana tahliaria , umarihlahlapʉtʉa hla’ungalina laʉvʉisa, macuaku kurivuuru tahliariaia .

tangumia’ai taravahli kipuhluka tahliaria, sakurivuura cuka hla’ungali kuritʉahlʉ , pasakulaika hla’ungali tapi’aravangʉ vatu’u, pakuritʉahlʉka laʉvʉisa cara’ʉtahliaria , mutupiakʉ mukua taihlicuamaci’i, pasakulaika hla’ungali , umapʉapʉ siakilia ru ngahlʉrʉkʉcʉ, takuliacicuka tʉkʉinaisa, ngasaiausasua kana’ana mangusipi, takuliacʉatʉkʉisa upapapalu , arasʉsʉmakasasaruana, tarucucuvunguka cucu’u hla kuli’i makarikari, akuainia tahliariana pakipuhlu. rahluua muruahlʉa tahliariana kipuhlu, amihlaturukukana muasalaku’ai arupakari tahlia rian , musaturukukana miungu uruamitana, arupakari tahliariana macumuruahlʉia.