Wp/sty/Табан палыҡ
Табан палыҡ (лат. Carassius) — Себертатар ҡалыҡның ашамныҡ арасынта игенце урынта тораты иттән суң, сас йаҡта перенце урынта. Табан Себертә икке төрлө: 1. Сары табан. 2. Аҡ табан. Ихтиолог алимнарның йарымы йасаты сары табан Себернең төп палығы тип, ә аҡ табан циттән килгән тип. Аҡ табан пасынып киткән, шаның өцөн сары табан асайған.
Аталыш[edit | edit source]
Ней өцөн табан палыҡны Табан тип әйтәтеләр? Мин үсем тә пелмәгән итем, пер йыл Урман ауылның Азат әкә пелән көскөлөк палыҡ ҡаптырғалы төшкән итек. Азат әкә ҡул пелән тотмаҡцы пулып китте. Эшеткән итем алай палыҡлауны, күрмәгән итем. Азат әкә пер йегермә минутның эцентә ун ашыу паш табанны ҡулы пелән ошлап алты. Песне тә үрәтте... Табанны ошлау өцөн, прәй ун, унпиш метрны ҡыр пуйлатып атлап парып алыу кәрәк, аннары кире поролоп, айаҡ табанның пасҡан йулларның эцен ҡуллар пелән паҡмалап кире ҡайтыласың. Табан палыҡ ша кеше айаҡ пасҡан йулларға ойаға шигелле кереп йатып ҡуйаты ийән. Аның өцөн у палыҡның аталышы ТАБАН! Ә ҡул пелән ницек тотоуның, тайып китмәс өцөн, у үнәрне суң кәпләрмен.