Jump to content

Wp/sty/Знаменский Михаил Степанович

From Wikimedia Incubator
< Wp‎ | sty
Wp > sty > Знаменский Михаил Степанович

Знаменский Михаил Степанович (атағы Старожил) - урыс йасыуцы, тариҡцы (архиолог, краевед, этнограф), рәсем йасауцы Тыуған 26 май 1833 йыл тиний ҡесмәтце Стефан Яковлевич пән Александра Львовна Знаменскийларның әйләләрентә, Курган торасынта, Тубыл Губерниясынта. 1839 йылның ағырынта әйләләре күценәте Йаулы-тораға. Михаил Степанович уғығалы урнашаты Иван Якушинның (декабрист) мәктәбенә. Анта у перенце пелемнәрен алаты - урыс теленнән, арифметика, география, анатомия, зоология, ботаника. Анта уҡ аның сүрәт йасауцы сәләте ацылаты. 1847 йыл уғып пөтөрәте Йулы-тораның уездное училишесын, уғыйты Тубыл духовной симинарията.

1851 йыл декабрист Михаил Фонвизин арғалы Санкт-Петербургның Образцовая духовная семинарияға уғығалы урнашаты. 15 сәртән 1853 йылның уғып пөтөрәп ҡайтаты Тубылға.

1854 йылның цәүсә айыннан 1863 йылның ағырынаца Михаил Степанович Тубыл духовный семинарията рәсем йасауны уғытаты. Духовное училищета уғытаты славян телен, арифметиканы, географияны. 1859 йыл урнашаты уғытыуцы пулып Тубылның Мариинский хатын-кыс школына, анта ҡесмәт итәте 1868 йылғаца.

1860 йыл Император академия художеств дипломы пиреләте Михаил Степановичҡа.

1863 йылның ағырынта ыҡҡа экспедицияға төшәте, Березовҡа, Обдорскҡа параты. Тәбиғәтне ҡарап өйрәнкәле, ҡышлыҡ ҡалыҡларның үнәрләрен өйрәнкәле. Ҡайтыуына Тубыл губернский управлениесынта нуғай (себертатар) теленнән таржималыҡ йомошлыҡ пиреләте.