Jump to content

Wp/sms/Peäccam Suõʹnn’jelsiid nuõrttsäʹmmlai kreäppast (Gramota)

From Wikimedia Incubator
< Wp | sms
Wp > sms > Peäccam Suõʹnn’jelsiid nuõrttsäʹmmlai kreäppast (Gramota)
Kreäppast

Peäccam Suõʹnn’jelsiid nuõrttsäʹmmlai kreäppast lij nuõrttsääʹmnarood äʹššǩeʹrjjlaž kultturpreeddan šuurmõs äʹrbb.

Gramota arkkiiva leʹbe Peäccam Suõʹnn’jelsiid nuõrttsäʹmmlai kreäppast lij norldõk, kååʹtt âânn seʹst 1600- da 1700-lååǥǥ Ruõšš caari tuʹmmstõõǥǥin nuõrttsäʹmmlai vuõiggâdvuõđin. Äʹššǩiiʹrjin tuõđštet jeeʹrbi mieʹldd nuõrttsäʹmmlai vuõiggâdvuõđid palggâmjânnmid da kueʹllčaaʹʒʒid. Gramota arkkiiv puärrsõmâs kreäppast lij eeʹjjest 1601 da nuõrmõs kreäppast lij eeʹjjest 1775.

Nuõrttsäʹmmlai noorrâm norldõk lij ǩiõssum joorteeʹl, da lij pâʹjjel ååuʹc mettar kuʹǩǩes. Kreäppast lij piʹjjum vuåmra koovtum jobblõõǥǥ sizz. Jorbbmuõrâst rajjum koollatǩ, lij nuʹtt 28 seʹnttmettred kuʹǩǩes da 12 seʹnttmettred kobdd. Čoockâst lij koppum eeʹjjlååǥǥ 1865, kååʹtt lij juʹrddum leeʹd ääiʹjpodd, kuäʹss tõt lij rajjum.

Tät nuõrttsäʹmmlai kreäppast seeilteš Peäccam Suõʹnn’jelsiidast. Čoockâst leäi čiõkkum suõʹbddi vuâlla, da pâi kolmm jeeʹres piârrji åskkoummu tiõʹtte, koʹst tõt leäi. Jõs ǩii-ne täin oummuin jaaʹmi, kueʹhtt oummu vaʹlljee ođđ äʹššoummu suu sâjja. Mâʹŋŋlest lij peäggtum, što kreäppast lij leämmaž pâi õõut oummu huâđast.

Täʹlvv-vääin (1939) äigga Lääʹdd raajjväärdla kauʹnne koollatǩ kuâras kuâđđjam siidâst. Tõst koollatǩ vuõššân jooudi Lappi Raajjväärdtõʹǩǩe Ruäʹvnjaʹrǧǧe da mâŋŋa eeʹjj 1942 Heʹlssna riikkarkiiʹve. Säʹmmla juʹrdde, što kreäppast leäi läppjam Täʹlvv-vääinest. Tõt leäi kuuitâǥ leämmaž riikkarkiiʹvest pâʹjjel vittlo eeʹǩǩed poka kauʹnneš oʹđđest eeʹjj 1996.