Wp/sms/Lääʹddjânnam vuâđđlääʹǩǩ

From Wikimedia Incubator
< Wp‎ | smsWp > sms > Lääʹddjânnam vuâđđlääʹǩǩ

Lääʹddjânnam vuâđđlääʹǩǩ (731/1999, lääddas: Suomen perustuslaki, ruõccǩiõʹlle: Finlands grundlag, aanarsäämas: Suomâ vuáđulaahâ, tâʹvvsäämas: Suoma vuođđoláhka) lij õhttnaž vuâđđlääʹǩǩ, kååʹtt šõõddi viõʹǩǩe 1. peeiʹv pâʹzzlâšttam-mannu 2000. Ânnʼjõž vuâđđlääʹǩǩ koʹrvvad nellj vuämm lääʹjj, koid šiõtteeš Lääʹddjânnam jiõččvuõđ alggeeʹjjin: eeʹjj 1919 halltõsvueʹǩǩ,[1] eeʹjj 1928 valdiapeiʹvvriâššmõš[2] di kueʹhtt miniʹsttervasttõõzz kuõskki lääʹjj.[3][4]

Lääʹjj raajõs[edit | edit source]

Vuâđđlääʹjjest lie 131 paragraafâd 13 lååǥǥast.

1 lååkk – Valdiariâššmõõžž vuâđđääʹšš[edit | edit source]

Vuõssmõs lååǥǥast lie valdiameärrõõzz väʹlddprinsiipp. Täin šeâttmõõžžin meäʹrtõõlât Lääʹddjânnam jiõččvuõđ, tääʹssväʹlddsaž halltõsvueʹjj di šiõtteet väʹlddkåådd vuuʹdid da Lääʹddjânnam meersažvuõđ vuâđđõõttmõõžžid. Valdiameärrõõzz vuâđđan lij meersuvereniteeʹtt, mii lij prinsipp, što valdiaväʹldd kooll meera, koon eeʹtǩǩad valdiapeeiʹvid noorõõttâm eeʹttiǩ-kåʹdd. Prinsiipp mieʹldd eeʹttiǩ-kåʹdd lij Lääʹddjânnam pââimõs valdiaorgaan da halltõs- da duõmmväʹldd lie vueʹllʼlest ǥu eeʹttiǩ-kåʹdd.

Kääiv[edit | edit source]

  1. 94/1919 (lääddas)
  2. 7/1928 (lääddas)
  3. 274/1922 (lääddas)
  4. 273/1922 (lääddas)