Wp/smn/Suomâ
| Suomâ täsiväldi Suomen tasavalta (suomâkielân) Republiken Finland (ruotâkielân) |
|
|---|---|
 lippu |
 vaakun |
 Suomâ sajadâh Euroopâst |
|
| Staatâhäämi | parlamentaarlâš täsiväldi |
| President | Sauli Niinistö |
| Uáiviminister | Sanna Marin |
| Uáivikaavpug | Helsig |
| Eres kaavpugeh | Espoo, Tampere, Vantaa, Oulu, Turku, Jyväskylä, Lahti |
| Vijđodâh | 338 454,61 km² |
| – sisčääci |
10,2 % |
| Ässeeloho (2020) | 5 528 008[1] |
| – ässeesaahâdvuotâ | 16,3 ässed/km² |
| – aalmugstuárrum | 0,30 %[2] % (2020) |
| Virgáliih kielah | suomâkielâ, ruotâkielâ |
| Vaaluut | euro (EUR) |
| BAP | |
| – ohtsis | 277 miljard[3] USD |
| – per ässee | 50 068[3] USD |
| Äigi | UTC+2 |
| – kesiäigi | UTC+3 |
| Uánádâs | FI, FIN |
| – fiävruin | FIN |
| – kirdemmašinijn | OH |
| Sundenummeer | +358 |
| Internet TLD | .fi |
| Aalmuglaavlâ | Maamme |
|
|
|
Suomâ teikkâ Suomâ täsiväldi (orjâlâškielân Suopma teikkâ Suoma dásseváldi, nuorttâlâškielân Lääʹddjânnam teikkâ Lääʹddjânnam tääʹssväʹldd, suomâkielân Suomi teikkâ Suomen tasavalta, ruotâkielân Finland teikkâ Republiken Finland) lii jiečânâs täsiväldi tave-Euroopâst Nuorttâmeerâ tavenuorttiibeln. Ive 1995 Suomâ seervâi Euroop union jesânin.[4] Suomâst láá suulân 5,5 miljovn ässed.
Aalmuglâškielah já eres kielah
Suomâ vuáđulaavâ mield Suomâ aalmuglâškielah láá suomâ- já ruotâkielâ. Kuittâg vuáđulaavâ 17 § 3 moomeent mield sämmilijn algâaalmugijn, romanijn já eres ucceeblovoin lii vuoigâdvuotâ paijeentoollâđ já ovdediđ jieijâs kielâ já kulttuur.[5]
Haldâttâh já politiik
.JPG)
Suomâ staatâhäämi lii täsiväldi.[4] Suomâ staatâhovdâ lii täsivääldi president, kiän virgepaje pištá kuttâ ive, kuittâg enâmustáá kyehti virgepaje maŋaluvâi.[6] Aalmug väljee president njuolgâ valjâiguin.[6]
Presidentist lii vala-uv formaallâš kieldimvuoigâdvuotâ vuáđulaavâ mield ađai ko ovdâskodde lii tuhhiittâm laavâ já adelâm tom presidentân nanodemnáál, te president puáhtá kyeđđiđ laavâ naanoodhánnáá teikâ piettâl naanoodmist tom. Jis taat tábáhtuvá, te laahâ máccá ovdâskoodán, mii puáhtá val nanodiđ laavâ president naanoodhánnáá-uv. President noomât alemus virgealmaid ja joođeet oovtâst staatâraađijn Suomâ olgopolitiik.[7][8] Táválávt Euroop union kyeskee aašijd hoittáá uáiviminister.[9]
Presidentin väljejui ive 2012 Sauli Niinistö, kii väljejui uđđâsist presidentin ive 2024 räi ive 2018 presidentvaaljâin.[10]
Virgálávt uáiviminister, eres ministereh já riehtikansler taheh staatârääđi. Taat kočoduvvoo távjá meid haldâttâssân.[11] Tááláš uáiviminister lii Sanna Marin já staatâvarijminister Matti Vanhanen.[12]
Haldâttâh
Suomâ vuáđulaavâ mield Suomâst staatâväldi kulá aalmugân já haldâttâsvääldi kevttih täsivääldi president já staatârääđi, mon jesâneh kalgeh navdâšiđ ovdâskode luáttámuš.[13] Suomâ ovdâskode lii oovtkáámmársâš parlament. Ovdâskoddeest láá 200 aalmugovdâsteijed, kiäh väljejuvvojeh koskâvuođâlâš ovdâskoddevaaljâin. Taah vaaljah tuállojeh neelji ive kooskâi.
Kuávlujuáhu
Ive 2009 rääjist Suomâst láá lamaš 19 eennâmkodded, main ohtâ ađai Åland lii jiešhaaldâtlâš.[14] Historjáliih eennâmkodeh Suomâst láá 9.
Käldeeh
- ↑ pxnet2.stat.fi - Ässeeloho Čujottum 8.7.2020 (suomâkielân)
- ↑ www.cia.gov - Aalmugstuárrum Čujottum 8.7.2020 (eŋgâlâskielân)
- ↑ 3.0 3.1 www.imf.org - Bruttoaalmugpyevtittâs Čujottum 8.7.2020 (eŋgâlâskielân)
- ↑ 4.0 4.1 Suomâ vuáđulaavâ algâttâs
- ↑ Suomâ vuáđulaavâ 17. loho
- ↑ 6.0 6.1 Suomâ vuáđulaavâ 5. loho
- ↑ Suomâ vuáđulaavâ 7. loho
- ↑ Suomâ vuáđulaavâ 8. loho
- ↑ EU-asioiden käsittely valtioneuvostossa. Staatârääđi. Čujottum 26.7.2020 (suomâkielân)
- ↑ Hara, Jyrki. Näin sujui Sauli Niinistön ensimmäinen kausi: Vaikeat ajat siivittivät presidentin suosiota. yle.fi, 1.2.2018. Čujottum 26.7.2020 (suomâkielân)
- ↑ Valtioneuvoston toiminta Staatârääđi. Čujottum 26.7.2020 (suomâkielân)
- ↑ Pääministeri Sanna Marinin hallitus. Staatârääđi. Čujottum 26.7.2020 (suomâkielân)
- ↑ Suomâ vuáđulaavâ 1. loho
- ↑ Suomâ vuáđulaavâ 11. loho
Uási taan siijđost lii jurgâlum suomâkielâlâš Wikipediast
| Euroop staatah | |
|---|---|
|
Albania • Andorra • Armenia • Azerbaidžan • Belgia • Bosnia-Hertsegovina • Bulgaria • Eestieennâm • Espanja • Irland • Island • Italia • Kazakstan • Kosovo • Kroatia • Georgia • Kreikka • Kypros • Latvia • Liechtenstein • Liettua • Luxemburg • Malta • Moldova • Monaco • Montenegro • Nuorttâriijkâ • Ovtâstum kunâgâskodde • Portugali • Puola • Ranska • Romania • Ruotâ • Ruoššâ • Saksa • San Marino • Serbia • Slovakia • Slovenia • Suomâ • Sveicci • Taažâ • Tanska • Tave-Makedonia • Tšekki • Turkki • Ukraina • Uŋgar • Vatikaaniväldikodde • Vielgis-Ruoššâ • Vuáládâhenâmeh |
| Euroop union | |
|---|---|
|
Belgia • Bulgaria • Eestieennâm • Espanja • Irland • Italia • Kroatia • Kreikka • Kypros • Latvia • Liettua • Luxemburg • Malta • Nuorttâriijkâ • Portugali • Puola • Ranska • Romania • Ruotâ • Saksa • Slovakia • Slovenia • Suomâ • Tanska • Tšekki • Uŋgar • Vuáládâhenâmeh |