Wp/smn/Sämicissááš

From Wikimedia Incubator
< Wp‎ | smnWp > smn > Sämicissááš
Jump to navigation Jump to search
Sämicissááš
Poecile cinctus
(Boddaert, 1783)
Poecile Cinctus Kittila 20120306.JPG
Tile LC (eellimvyeimilâš)
Tile Suomâst NT (čalmeestanneem)
Tieđâlâš luokittâllâm
Doomeen Sellâvááimusliih Eucarya
Kodde Elleekodde Animalia
Uáiviráiđu Savosuonâsiih Chordata
Vyeliráiđu Čielgitávtáliih Vertebrata
Pajeluokka
Luokka Lodeh Aves
Vyeliluokka
Uásiluokka
Lahko Varbuslodeh Passeriformes
Vyelilahko Passeri
Paječerdâ
Čerdâ Cissááh Paridae
Vyeličerdâ
Suuhâ Vyevdicissááh Poecile
Šlaajâ cinctus
Vyelišlaajâ

Sämicissááš lii loddešlaajâ, mii kulá cissái čeerdân já varbusluudij lahkon.

Stuárudâh já tobdomeerhah[edit | edit source]

Sämicissááš lii 12,5–14 cm kukke já tiäddá 11–14 g. Tot sulâstit vyevdicissáá, mut sämicissááš lii ruškâd já vyevdicissááš vielgâd. Sämicissáá uáivi lii tevkisruškâd, naamar čappâd já čeve vielgâd. Čuávji sehe selgi láá ruškâdeh já suájáh sehe poođâš ránáseh.[1]

Sämicissáá koččomjienâ lii vyevdicissáálágán "tsi-tsi-tshää-tshää". Laavlâ lii šurijdeijee já paimâtteijee "tsi-yrr tsi-yrr..." sehe oovtâkiärdánis "tse-tse-tse..."

Puárásumos syemmilâš riegistum sämicissááš lii lamaš 9 ihheed já 4 peeivi puáris. Tot lii meid [[[wp/smn/Euroop|Euroop]] puárásumos sämicissááš.

Lavdâm já eellimpiirâs[edit | edit source]

Sämicissááš iälá puáris kuácceevuovdijn Fennoskandiast, RuošâstAlaskast. Suomâst sämicissááš pessee Tave-Suomâ kuácceevuovdijn. Parâmeeri lii suulân 40 000. Sämicissááš lii päikkilodde, mut nuorâ ohtâgâsah sättih varriđ Maadâ-Suomân.

Sämicissáá eellimpirâsin láá siähálâsvyevdih já kuácceevyevdih, meid laajišvyevdih. Sämicissáá revirist kolgâččii leđe suárvih teikkâ vuággumuorah, mut tot puáhtá peessiđ meid nuorâ vuovdijn, jis tobbeen láá loddevuovdah. Sämicissáá reeviir lii táválávt suulân neljihâškilomeetter.

Lasanem[edit | edit source]

Niŋálâs ráhtá piervâl puáris čäšnivuágun teikkâ loddevuovdân. Tot sáttá kuásnii jieš rähtiđ vuágu. Niŋálâs mannee vyesimáánust koskâmiärálávt 7,4 manneed já láálá taid kyehti oho. Kuábbááh-uv vaanhimeh tipšoh uđâgáid. Toh vyelgih peesist kuulmâ oho ahasâžžân.

Raavâd[edit | edit source]

Sämicissááš porá enâmustáá čielgitävtittemes elleid. Algâkeesist tot lii táválávt ucâmin enâmist ovdâmerkkân evnijd. Keessiv tot sirdâšuvá muoráid puurrâđ kiivsâid. Čohčuv já tälviv tot porá muorjijd já loddelyevdi siemânijd já vuojâ.

Käldeeh[edit | edit source]

Taan siijđo uási lii jurgâlum suomâkielâlâš Wikipediast.