Wp/slr/Dünyada heme Türkmen taypalar ve adamları
Dünyada heme Türkmen taypalar ve adamları
Türkmenistanda türkmen taypaları 24 varya.
Türkmenistanda türkmenler sakıs ulu taypalar ve on altı kiççi qaraşsız taypalar ölişbur，ular:
- Gündoğgan türkmen taypaları uş vardı：Salırlar，Teğiler ve Sarıklar.
- Günbatar türkmen taypaları uş vardı：Çodorlur，Yomudlar ve Göklenler.
- Demirgazık türkmen taypaları işgi vardı：Ersariler ve Aririler.
- Qaraşsız türkmen taypalar on bir vardı ：
- Yazırlar(başgı adı Qaradaşlı).
- Arabaçisler.
- Noqurliler ve Noxurliler.
- Anauliler.
- Qasarlikler.
- Nerezimler.
- Yemreliler.
- Murçaliler.
- Sakarlar.
- Xıdır ililer.
- Şix ayiler.
Gan qarmulıgan türkmen taypalar dört vardı：Abdal Atalar，Şiqler，Xocalar ve Magtımlar.
Nesuara türkmen taypa bir vardı：Ovlatlar.
Teği taypa Türkmenistanda en ulu türkmen taypadır. Teği taypa işgi pudax var，bu işgi pudax Axal Teği ve Mary Teğidir，Axal Teği otgen yeri Axalda，başgı Axal Teğileri Aşgabat'dı var，Mary Teğidir otgen yeri Marydır，Axal Teği ve Mary Teğidir öz otgen yerile ad daxci.
Salır taypa ve Sarık taypa：Salır taypalar Türkmenistanda türkmenlerniği özeh taypadır. Salır taypa ve Sarık taypa otgen yeri Mary ve Labapdır，başgı Salırlar Salıxısdır öturburya.
Yomud taypa Türkmenistanda işginci ulu taypadır. Yomudlarğı pudax taypa köpdür，emma Yomudlar esası günbatar Yomud ve demirgazık Yomud işgi bölüm ulişbur. günbatar Yomudlar otgen yeri Barkandı var，demirgazık Yomudlar otgen yeri Daşaguzdı var.Yomudlar doqus pudax taypa var：Göklan，Caferbey，Oğurcali，İmreli，İğdirs，Atabey，Abdal，Derviş ve Atalar.
Ersari taypa otgen yeri Türkmenistan demirgazık -gündoğgan yeridiği Labapdır.Ersari taypa dört pudax taypa var：Gızılayak，Çob-Baş，Beşir ve Kerkiler.
Çodor taypa otgen yeri Türkmenistan günbatar ve demirgazık yeridir.
Çoxorği türkmenlerniği ata-babalar gadımda işiñci Salır，daşiñci Salır ve Çodor ulişbur. işiñci Salır türkmenlerniği özeh taypadır，çoxorği Salır ve Göklenlerniği ata-babasdırya. daşiñci Salır işiñci Salırlar tesirlek başgı Oğuz türkmenlerdir，daşiñci Salır dört taypa var：Teği，Yomud，Sarık ve Ersarilerdir.
Türkmenler Afganisitanda ilat 470,000 kiş vardı.otgan yeri Afganisitan demirgazıkdır，bu yeri Türkmenistannı yaxenbur.
Afganisitanda türkmenler sakıs taypa ver：Salır，Teği，Sarık，Yomud，Ersari，Alieri，Tarik ve Mavriler.
3. İrañ
İrañ gündoğgan yeride 750,000 türkmen adam var，ular otgan yeri Gorgan çupdüz ve Xuroxandır. türkmenler İrañda on uş taypa ver：Salır，Teği，Yomud，Sarık，Ersari，Göklen，Anauli，Qasarli，Nerezim，Noxur，Çodor ve Xuroxantürkler.
İrañ günbatar yeride 70,000 türkmen adam var，ular Axqoyunlu ve Qaraqoyunlu işgıtaypa vardı. Axqoyunlular otgan yeri günbatar Azarbeycañda，Qaraqoyunlular otgan yeri Qurdistanda.
Özbekstanda öturğanı türkmenler adı Nurta türkmendir，ular 55,000 var. Nurtalarnığı oziği Qaramañ ve Axmañ türkmenlerdir. Qaramañ ve Axmañ türkmenler Salır türkmen işiñdiği ulu taypadır.
Qazakstan günorta türkistanda öturğanı türkmenler adı Qaramañ türkmendir，ular kiş azdır，1,000 kiş var.
6.Çin
Çin'de türkmenler ilat 140,000 kiş var,ular adı Salırdır.Salır mekan yeri Çin Gökdeñiz(çiñxey) velayat şünxua Salır özbaşdak yurtdir，başgı mekan yeri Çin Gansu velayat Dunşañ,Bo'an ve Salır özbaşdak yurt ve Şincañ Uyğur özbaşdak yurtdiği İli yeridir.
Çin'de Salır beyik Oğuz han atababanığı oğul-balasdır，Beyik Dağ han baba ve Salır han babanığı oğul-balasdır. 1255 yılda Salır han babanığı nesili Qaramañ han ve Axmañ han bir Salır taypa adamlarnı başla Mongollarığı iraş Türkmenistan Marydan Çin'ni cilen gelci. “Salır”la ad daxgen millet bu dünyada Çin Salır daşi başgı yoxdur.