Wp/skr/ شمیم عارف قُریشی

From Wikimedia Incubator
< Wp‎ | skrWp > skr > شمیم عارف قُریشی
Jump to: navigation, search

شمیم عارف قریشی سرائیکی زبان دا ٻہوں وݙا شاعر ہے

کتاباں[edit]

  • نیل کتھا

نمونہ کلام[edit]

نظم[edit]

اَساں خلق کوں روز سلام کیتے

اَساں رب دے نال کلام کیتے

رب ڳوٹھیں وچ رب سالھیں وچ

رب گھوٹ کنّوار دیاں ڳالھیں وچ

رب کانیں کاہیں ٹالھیں وچ

رب کُل فقیری حالیں وچ

رب ساݙے وݨ وِسرام کیتے

اَساں رب دے نال کلام کیتے

رب مکھݨ ماکھیوں مِٹھا ہے

اساں رڄ خلقت وچ ݙٹھا ہے

او جھوک اساݙی وٹھا ہے

او پہلے ݙینہوں کٹھا ہے

اساں اوندے نال آرام کیتے

اساں رب دے نال کلام کیتے

رب کل دی ڄئی دے میلے وچ

رب لُہندیاں دے پُتریلے وچ

رب روہی وچ رب بیلے وچ

رب بھوئیں تے شام سویلے وچ

اوں ہر جاء درشن عام کیتے

اساں رب دے نال کلام کیتے

رب کٌل وستی دے ٻالیں وچ

رب اُڄڑی ماء دے حالیں وچ

او جمھر کھݙ دھمالیں وچ

او خلق دے کل سوالیں وچ

اوکوں ہر ہر جاہ پرنام کیتے

اساں رب دے نال کلام کیتے

شاعر: پروفیسر شمیم عارف قریشی

غزل[edit]

ساہ تاں ساہ ہِن ٹُردے راہسِن راہ دے وانگوں

توں ولسیں تاں اکھیں ہوسِن گھاہ دے وانگوں

کینجھے ہِن مقسُوم اکھیں توں لُڑھدے ویندِن

دریاویں دی بھَر دی لگڑی ڈھاہ دے وانگوں

کافی بِن تے کنیں دے وِچ گُھلدی ویندی

بولی او جیڑھی لگے اپنی ما دے وانگوں

نیل فلک تُوں اپنا نیلم ول پئی منگے

شہر قدیم دی ڈٹھی ہوئی کہیں جاہ دے وانگوں

ݙوہڑہ[edit]

ڈینہاں کہیں دیاں راہیں دے وِچ راتیں سُفناں لبھِن

اکھیں روز حیاتی منگن

جیندے در تے روز ویہاون اوں درشن کوں سنگن 

اکھیں روز حیاتی منگن

تسے کوئی پکھیاں دے وانگوں گھُٹ پانی دا منگن

اکھیں روز حیاتی منگن

اپنی اپنی جا تے نظرِن دِل دے وچوں لنگھن

اکھیں روز حیاتی منگن