Wp/skr/ڈسکورس

From Wikimedia Incubator
< Wp‎ | skrWp > skr > ڈسکورس
Jump to navigation Jump to search

زبان دے جملیاں دے وݙے حصے کوں ڈِسکورس آہدے ہن، ڈسکورس دی حد کائنی ہوندی۔ جو ہک لائن یا ہک پیرے تے مشتمل ہووے۔ ݙو بندیاں دی درمیان جہڑی ڳالھ نال رابطہ ہے۔ او ڈسکورس ہے۔ جینویں مثال دے طور تے ݙو بندے آپت وچ کہیں وی موضوع تے ڳالھیں کریندے پئے ہوون جیندے بارے صرف او خود ڄاݨدے ہوون۔ جے کوئی تریجھا بندہ آوے تاں اوں کوں کجھ دیر کیتے اندازہ کائناں تھیسی جو انہاں دے درمیان کہڑے موضوع تے مواد تے ڳالھ تھیندی پئی ہے۔ کیونکہ ڈسکورس ݙو بندیاں دے درمیان ہے۔ انھاں ݙو دے درمیان دی ڳالھ مہاڑ ڈسکورس ہے۔ ڈسکورس دیاں ݙو صورتاں ہن۔ پہلے ڈسکورس دی صرف ہک صورت ہائی تے او تحریر دی صورت ہائی۔

ٻولی ہوئی صورت:[edit]

لیکن ہُݨ آپت وچ آمݨے سامݨے دی تے کتاب پڑھ کے وی جہڑا رابطہ ݙو انساناں دے درمہان بݨدے اوں کوں ڈسکورس آہدے ہن۔ ڈسکورس وچ ٻولݨ آلے دیاں یکیاں اظہاریات ڳݨی تے شامل کیتیاں ویندیاں ہن، جینویں لفظ، جسمانی حرکات تے سکنات وغیرہ۔ این٘ویں مصنف دے بارے وی اون٘دی سوچ، جذبات، خیالات عغیرہ سب ڈسکورس وچ شمار کیتے ویندن۔

لفظ+جملہ+ مضمون+ کتاب

گرامر دے مطابق لفظاں نال جملے تے جملیاں نال کتاب بݨدی ہے۔ لیکن ڈسکورس وچ جملے تے مضمون تے توجہ ݙتی وین٘دی ہے۔

گرامر: جملے دا ساخت دا مطالعہ

ڈسکورس: کلام دی ساخت دا مطالعہ

ڈسکورس دے مطالعے دی بنیاد گرامر ہی فراہم کریندی ہے تے ڈسکورس جملے دی ترتیب نال ہی سمجھ آن٘دے۔

تحریری صورت وچ ڈسکورس[edit]

تحریر ساکت لفظاں دا مجموعہ ہے۔ ایندے ذریعے وی ڈسکورس تھیندے۔ کجھ ماہریں لسانیات نے ایندے اتے بحث کیتی ہے جو بھلا لکھی ہوئی تحریر ساکت ہوندی ہے؟ پڑھݨ آلا متحرک ہوندے؟ تاں ایہ ڳالھ سامھݨے آئی ہے جو جہڑے ویلے نبدہ پڑھدا پیا ہوندے تاں لکھاری دی لکھت دے مطابق ذہن وچ خاکہ وی بݨ ویندے تے انھاں چیزاں تے ڳالھیں کوں محسوس کریندے تے پڑھݨ آلا ایں کوں سمجھدے۔ ایں طرحاں ہک تعلق قائم تھی ویندا ہے۔ ایہ تحریری ڈسکورس ہے۔