Wp/skr/نذیر ڈھالا خیلوی

From Wikimedia Incubator
< Wp‎ | skrWp > skr > نذیر ڈھالا خیلوی
Jump to navigation Jump to search

نذیر ڈھالا خیلوی سرائیکی شاعر ہے۔

ڄم پل[edit | edit source]

بکھر نال تعلق ہے۔

انٹرویو[edit | edit source]

تعلیم[edit | edit source]

کتاباں[edit | edit source]

نمونہ کلام[edit | edit source]

غزل[edit | edit source]

بھن غریباں دے بھول گھن سوہنڑاں

ہیٹھ پیراں دے رول گھن سوہنڑاں

ونج کتھاؤں وی خلوص ملدئی تاں

دیر نہ کر توں گول گھن سوہنڑاں

دل وی سینے دے وچ ریہا کائے نی

شک جے ہووی ٹٹول گھن سوہنڑاں

قرب حاصل خدا دا کرنئی تاں

چھوڑ تسبح توں دول گھن سوہنڑاں

خود کوں اساں سنبھال نہ سگدے

توں اساڈی نہ اول گھن سوہنڑاں

درس بہلول دی حقیقت دا

ونج ملنگاں دے کول گھن سوہنڑاں

شاعر۔۔۔نزیر ڈھالا خیلوی۔۔۔۔۔بھکر

او ویلا چنگا ویلا ھا[edit | edit source]

او ویلا چنگا ویلا ھا

جڈاں نکے نکے بال ھاسے

ہر کھیڈ دے وچ بھیئوال ھاسے

اونوں ویلے وکھری چس ھائی

نہ گھاٹے ہین نہ کس ھائی

نہ بھوکاں ہین نہ تس ھائی

اونوں ویلے ایویں لگدا ھا

جیویں ہر شے ساڈے وس ہائی

اسان بہون بھیگلاٹے بال ہاسے

ساڈا کم ھا نال شرارتاں دے

ساتوں ڈھیر زیان وی تھیندے ہن

ساڈی امان ساتوں تنگ آ کے

ساکون روز پلوتے ڈیئندی ہائی

میکوں اماں اکثر آھدی ھائی

تپ تھیوی شالا مر پونویں

شالا مشکی اوتے لت آوی

میں ہک ڈہہنیہ پوچھا اماں کولوں

توں روز پلوتے ڈیئندی ہیں

ول میکون کجھ وی نی تھیندا

کیا راز ھے اماں راز ڈسا

امان پہلے تاں مسکانڑی ہائی

وت میڈے نال آلانڑی ہائئ

میکوں سڈ کے کول بہایا ھس

ہتھ پھیر کے سر توں شفقت دا

میڈی اماں میکوں آکھیا ہا

جہیڑی دل چوں گال نکلدی ھے

او اوڈ کے عرش تے ویندی ھے

ونج کے رب دا عرش ہلیندی ھے

میڈا دل جو ماں دا دل بچڑا

میں نال زبان دے لال تیکوں

ھک وار پلوتا ڈیندی ہم

دل سہہ سہہ واری آھدا ہا

جتھ پیر ہووی اوتھ خیر ہووی

جتھ پیر ہووی اوتھ خیر ہووی

محترم نذیر ڈھالہ خیلوی صاحب دی نظم ھ