Wp/skr/میر عثمان

From Wikimedia Incubator
< Wp‎ | skrWp > skr > میر عثمان
Jump to navigation Jump to search

میر عثمان امجد سرائیکی زبان ءچ نظم دا شاعر ہے، کمپیوٹر سافٹویئر دا انجینئر ہے۔

ڄم پل[edit | edit source]

ضلع دیرہ غازی خان دی تحصیل تونسہ شریف دے ہک چھوٹے دیہات وستی بزدار ءچ ١٢ اپریل ١٩٩٧ء کوں ڄمین۔

تعلیم[edit | edit source]

میٹرک تک دی تعلیم اپڑے دیہات ءچو کیتی نے اور ایف ایس سی اپنی تحصیل تونسہ دے ڈگری کالج ءچ مکمل کیتی نے. اوندے بعد لاھور ءچ بی ایس سوفٹویئر انجینرنگ کریندے پئین.

پیشہ[edit | edit source]

نمونہ کلام[edit | edit source]

آزاد نظم

ساڈا رُوآں رُوآں کَن

ساڈا رُوآں رُوآں اَکھّ

ساڈیاں نظماں ساڈا لَکھّ

ساڈیاں سمتاں ساڈا ساہ

ساڈے رستے ساڈا پریم

ساکوں کہیں دے نال کیا

کیا راما، کرشنا، بُدھّ؟؟

ساکوں اپنے یار دی سُدھ

میر عثمان

.

نثری نظم[edit | edit source]

شکوہ کیھری گاہل دا

جسم آزاد کائینی؟؟؟

جیھرلے ساڈی جھوک تیں

اندھارا بَل پوندے

جیھرے ویھلے

پوری جھوک ءچ نندر جاگ پوندی ہے

میں کہیں نال، کہیں لٹھ تیں

کہیں ونڑ دے ساہمنڑے

چاندنی ہیٹ کئ گاہلیں کرینداں

میں جھئیں بہوں سارے لوگ ایویں کریندن

کیا تیکوں ایویں خیال کائینی آندے؟

ول شکوہ کہیاں؟

آ شکر کروں

'خیال آزاد ہن'...

میر عثمان

.

غزل[edit | edit source]

اُتنے تانڑیں سارے لوکی سُکھیے رہ ونجڑیے ہن

جتنے تانڑیں سارے پکھی وسدے رہ ونجنڑیے ہن

.

ساڈے بعد وی پیار محبت بیٹھکاں تھینداں رہسن

پاندھی توڑے نہ ووی ہوسن، رستے رہ ونجڑیے ہن

.

کیھرا بندہ آھدے ساڈی تانگھ کڈھائیں نہ بُجھسی

کیہڑا دعویدار اے ڈیووے بلدے رہ ونجنڑیے ہن

.

توں بس من دے اندرو پریت دا گوتم زندہ رکھیں

سادھو تیڈی وستی دے وچ آندے رہ ونجنڑیے ہن

میر عثمان

.

شعر[edit | edit source]

ساڈو نیناں دی "نائیں" نسی چھوڑی

من تیں حسرت دی بھِک کھڑی رہسی

.

ایجھیں سک ہے رویجے جے جتنا

وت وی روون دی سک کھڑی رہسی

.

ساکوں توں ووی جو مل ونجیں توڑے

اپنڑے ویڑھے دی چھک کھڑی رہسی

.

توڑے قربت دے سُر سریلے ہن

ہجر گاونڑ دی سک کھڑی رہسی

.

پل پچھانویں تیں پل دے پلکیں تیں

کئ زمانیں دی چھک کھڑی رہسی

میر عثمان

.

نثری نظم[edit | edit source]

پوھ دی پچھلی پندھری

اچ کوھیڑ راتیں کوں بگا کر ڈتا ہا

راتیں دے آخری پہر اچ

محسوس تھیندا ہا آوازیں کوں

ہتھ کڑیاں لگ گئین

ویران گلیاں

بس چار اکھیں جاگدیاں ہَن

میں اپنڑے ٹَھڈے ہتھ

تیڈے ملوک ہتھیں اچ ان سکیندا ہم

تیڈے میڈے درمیان چپ چپاتے لحظے،

لفظ بیان کر سگن ہا......

میر عثمان

نثری نظم[edit | edit source]

۔ کڈھائیں کڈھائیں

ناخوشگوار موڈ ءچ

جیھرلے انسان اپڑی سوچ دے

ولیئے ہوئے دَر وی نئ کھولنڑ چاہنا

اَکھیں بے اختیار

دیوار نال لگی گھڑی

کِلی نال ٹنگیئے ہوئے مُسلّے

یا پاووے نال لڑکدی تسبیح تیں وینیاں پیاں رہنن..

انھ دوران کوئی اگر تیڈا ناں چاووے

تاں محسوس تھیندے

تیڈا ناں میڈی کھل دا پاسورڈ ہے ۔ میر عثمان

نثری نظم[edit | edit source]

تیڈے ناں دے "لا" کنو گھن کرائیں

کہیں جمیل "ہا" تک

شاید ہی توں سمجھیں

کویلی دی ٹور ٹردے لحظیں نال

ساڈی روانی تیڈے شور کنو ہئ

تیڈے لبیں تیں نچدے ہوئے لفظیں دے مور

دریھ ہن روہی کو ساوا کرنڑ واسطے

تائیں قربت دے رستے دان کر کے

ساڈے وجود تیں دید دے چکور آزاد کیتن

میڈی ڈوجھی محبت واسطے

پہلی نظم ہک اعتراف ہے

میر عثمان .

نثری نظم[edit | edit source]

کہیں نظم دا موضوع

نفرت نئ تھی سگدا

کیونکہ

اکھیں صرف ڈیکھ سگدین....

کہیں نظم دا موضوع

محبت کنو ہٹ کے وی تھی سگدے

کیونکہ

اکھیں سمجھ ووی سگدین

میر عثمان .

آزاد نظم[edit | edit source]

جتھاں مرلیاں مشرک ہوون

جتھاں ٹُٹڑیں کمو رانڑیاں

جتھاں دریا رستہ بھُلن

جتھاں سادھو نفرت کرن

جتھاں صندل بالی ونجے

جتھاں اللہ صرف ڈراوے

جتھاں شرطیں نال محبت

جتھاں سایہ ووی مترایہ

جتھاں ساریاں پلکاں کنڈے

اُتھاں نظماں! ویڑھے، وسوں

اُتھاں نظماں چٹے جھنڈے

میر عثمان .

نثری نظم[edit | edit source]

پپلیں دی تنڑاں تیں

خوبیں کوں حسرت دی راکھی بدھیساں

خیر خوش دعا سلام دے مچ وسمیساں

سوچ دی سلیٹ اتنی صاف کریساں

کہیں چہرے دا کوئ ناں کائینا رہسی

بے شک کہیں تیں گاہل نہ کھلے

ساریں چابیں تیں جندرہ لیساں

سوچ دا گھڑا وجسی

"قصہ" وسریا تاں نمی ویندا

مڑ کے وہانڑی کوں سجدہ ڈیساں

ڈھلدی دیغر دے متھے تیں پیرے دا تلک لیساں

نین نظارے دے سپرد تھیسن

سُنّ چپاتے ساہ سرخی اچ گھلسن

تِکھیں تِکھیں ٹر پوساں

ساریں کو پتے

ٹرین انتظار نئ کریندی.....

میر عثمان .

نثری نظم[edit | edit source]

اکثر خوشاں کہیں خاص جاہ تیں

انسان واسطے منتظر ہوندن

جیویں ہک عرصے بعد

وطن ولنڑ تیں ہک خوشی

سڑک دے کنارے میڈے انتظار اچ ہوندی ہے

""تونسہ شریف 1 کلو میٹر""

میر عثمان .

نثری نظم[edit | edit source]

شاید میں "مس مرزم" تیں یقین رکھداں

کیوں جو

میڈے کمرے دی ٹیوب تین رہونڑ آلا

چیڑا

کئ روز کنو مسلسل میکوں

ڈسیندے کہ اوندی چیڑی

پکھے نال کیویں لگی ہےے

میر عثمان .

Trace ٹریس[edit | edit source]

کمرے وچ خاموشی دی تلاوت ختم تھی گئ ہے

سوجھلا ووی ناشتے دی ٹیبل تیں بہہ گئے

تیڈیاں بے مقصد گاہلیں ووی ختم تھی گئین

یقیناً تیڈی نندر ہی

گھڑی دے مُنہ کنو ہتھ چاتے

میں ٹک ٹک واضح سنڑدا پیاں

میں کیوں اِنھ رات ءچ راہونڑ چاہنداں

جیھری ہولیں ہولیں فجر دے سینے ءچ لہندی پئ ہے

وت اُویں سوجھلے دے نال نال

دھیان وچ ڈر دی دستک تیز تھیندی ویندی ہے...............

کیا مصیبت ہے یار

وت اینھ دفع

اکتاہٹ ،محبت کوں trace کر گھدے