Wp/skr/عمران احمد خان نیازی

From Wikimedia Incubator
< Wp‎ | skrWp > skr > عمران احمد خان نیازی
Jump to navigation Jump to search

عمران احمد خان نیازی پاکستانی سیاست دان تے سابقہ کرکٹ کھلاڑی ہن جیہڑے پاکستان دے ٻاویہویں وزیر اعظم ہن تے نال ہی اوہ پاکستان دے موجودہ وزیر داخلہ [1] تے وزیر توانائی وی ہن۔ اوہ پاکستان تحریک انصاف دے سربراہ وی ہن۔ اس توں پہلے اوہ 2002ء تا 2007ء اور 2008ء تا 2013ء تک پاکستان قومی اسمبلی دے رکن وی رہ چکے ہن۔ سیاست وچ قدم رکھݨ توں قبل عمران خان ہک کرکٹر تے مخیر ہن۔ انہاں نے ݙو ݙہاکیاں تک بین الاقوامی کرکٹ کھیݙی تے بعد وچ خدمت خلق دے منصوبے بݨائے جیویں کہ شوکت خانم میموریل کینسر ہسپتال تے ریسرچ سینٹر تے نمل کالج۔[2][3]

ذاتی زندگی تے تعلیم[edit | edit source]

عمران دی پیدائش 25 نومبر، 1952ء کوں لاہور، پاکستان وچ تھئی۔ اوہ میانوالی نال تعلق رکھݨ والے سرائیکی پٹھاݨاں دے مشہور قبیلے نیازی نال تعلق رکھدے ہن، انہاں دی والدہ شوکت خانم صاحبہ زیادہ تر میانوالی وچ سکونت پزیر رہیاں۔ اوہ اکرام اللہ خان نیازی دے کلہے پتر ہن۔ عمران خان نے ابتدائی تعلیم لاہور وچ کیتھیڈرل اسکول تے ایچیسن کالج، لاہور توں حاصل کیتی، اس دے بعد اعلیٰ تعلیم کیتے برطانیہ چلے گئے۔ اتھاں رائل گرائمر اسکول وچ تعلیم حاصل کیتی تے ول اوکسفرڈ یونیورسٹی سے توں میں ایم اے دی ڈگری حاصل کیتی۔ اوہ 1974ء وچ اوکسفرڈ یونیورسٹی کرکٹ ٹیم دے کپتان وی رہے۔

کرکٹ دا دور[edit | edit source]

عمران خان نے کرکٹ دے جہان وچ وی اپݨا ہک اعلیٰ مقام بݨایا ہے تے بین الاقوامی سطح تے ماضی وچ اوہ سیاست دی بجائے کرکٹ دے حوالے نال زیادہ مشہور رہے ہن۔ انہاں ہی دی قیادت وچ پاکستان نے 1992 کرکٹ عالمی کپ جیتا ہئی۔ فرسٹ کلاس کرکٹ دا آغاز 1969ء - 1970ء وچ لاہور دی طرف توں سرگودھا دے خلاف کھیݙدے ہوئے کیتا۔ 1971ء وچ انگلستان دے خلاف پہلا ٹیسٹ میچ کھیݙا۔

سیاست[edit | edit source]

25 اپریل، 1996ء کوں تحریک انصاف قائم کر کے سیاسی میدان وچ قدم رکھا۔ ابتدائی طور تے انہاں کوں کامیابی نہ مل سڳی۔ لیکن حالیہ ݙینہاں وچ اوہ اپݨی جدوجہد تے اصول پرستی دی بدولت پاکستانی عوام، خصوصاً نوجواناں وچ تیزی نال مقبولیت حاصل کریندے پن۔ اس وقت انہاں دی سیاسی جماعت کوں پاکستان پارلیمنٹ دے ایوان زیریں وچ 32، ایوان بالا میں 7، صوبائی اسمبلی سندھ وچ 4، صوبائی سمبلی پنجاب وچ 30 تے صوبائی اسمبلی خیبر پختونخوا وچ 59 نشستیں حاصل ہن۔

وزیر اعظم پاکستان[edit | edit source]

17 اگست 2018ء کوں عمران خان 176 ووٹ حاصل کر کے پاکستان دے ٻاویہویں وزیر اعظم پاکستان بݨ گئے جبکہ انہاں دے مد مقابل تے قائد حزب اختلاف شہباز شریف نے 96 ووٹ حاصل کیتے۔[4] انہوں نے 18 اگست 2018ء کو حلف لیا۔[5] 18 اگست، کوں انہاں نے ویہہ رکنی کابینہ دا اعلان کیتا تے وزیر داخلہ تے وزارت توانائی دا قلمدان خود کیتے منتخب کیتا۔[6]

کابینہ[edit | edit source]

عمران خان نے حلف چاوݨ دے بعد اپݨی کابینہ دا اعلان کر ݙتا ہئی۔ انہاں دے زیادہ تر مقرر کردہ وزراء پہلے وی مشرف دے دور وچ تے پاکستان پیپلز پارٹی دی حکومت دے دور وچ خدمات سر انجام ݙے چکے ہن۔[7][8]

حوالے[edit | edit source]

  1. web|author=بریکنگ نیوز |url=https://www.24newshd.tv/18-Aug-2018/15343 |title=وزیراعظم عمران خان دے متوقع وزرا دے ناں سامݨے آگئے |publisher=24newshd.tv |date= |accessdate=2018-08-18
  2. book |title=Sports Around the World: History, Culture, and Practice|publisher=ABC-CLIO|isbn=978-1-59884-300-2|page=231|url=https://books.google.com/books?id=IkLYDgTnMxEC&pg=PA231%7Cauthor=تھامس فلیچر|editor1=جان نورائٹ|editor2=چارلس پیرش|accessdate=30 اگست 2013|chapter=عمران خان|date=6 اپریل 2012|deadurl=no|archiveurl=https://web.archive.org/web/20170912104531/https://books.google.com/books?id=IkLYDgTnMxEC&pg=PA231%7Carchivedate=12 ستمبر 2017|df=dmy-all
  3. book|title=The Oxford Companion to Pakistani History |year=2012 |url=https://books.google.com/?id=-b0nLgEACAAJ |publisher=مینہ سید، اوکسفرڈ یونیورسٹی پریس |location=کراچی |isbn=978-0-19-547578-4 |page=282|author=کاملہ حیات|authorlink=عمران خان|editor=عائشہ جلال|language=پاکستان انگریزی|chapter=خان
  4. news|url=https://www.geo.tv/latest/207654-imran-khan-elected-prime-minister-pakistan%7Ctitle=PTI chief Imran Khan elected prime minister of Pakistan|work=جیو نیوز|date=17 اگست 2018|accessdate=17 اگست 2018
  5. {{cite web|url=https://www.dawn.com/news/amp/1427560%7Ctitle=Prime Minister Imran Khan: PTI chairman sworn in as 22nd premier of Pakistan|first=نادر|last=گرامانی|date=18 اگست 2018|website=dawn.com|accessdate=18 اگست 2018
  6. web |url=https://dailypakistan.com.pk/18-Aug-2018/833212 |title=عمران خان دی وفاقی کابینہ کل حلف چیسی ، اسد عمر |publisher=Dailypakistan.com.pk |date=18 اگست 2018 |accessdate=2018-08-18
  7. web|url=https://www.pakistantoday.com.pk/2018/08/18/pm-imran-khans-first-cabinet-anything-but-naya-pakistan/amp/%7Ctitle=PM Imran Khan’s first cabinet anything but ‘Naya Pakistan’ - Pakistan Today|author=|date=|website=www.pakistantoday.com.pk|accessdate=18 اگست 2018
  8. web|url=https://www.dawn.com/news/amp/1427792%7Ctitle=PM Imran Khan finalises names of 21-member cabinet|first=|last=ڈان|date=18 اگست 2018|website=dawn.com|accessdate=18 اگست 2018