Wp/skr/عشرت لغاری

From Wikimedia Incubator
< Wp‎ | skrWp > skr > عشرت لغاری
Jump to: navigation, search

سرائیکی زبان دا ٻہوں وݙا شاعر ہے۔

نمونہ کلام[edit]

سونے کوں جے لڳدا نئیں زنگ لُوہے کوں زنگ لڳدا تاں ہے 

اَپڑاں ہووے یا اُوپرا مارے کُوئی سنگ لگدا تاں ہے

شام و سحر کہیں دے قہر سب سہہ ڳئیوں چُپ رہ ڳئیوں 

اے بی ڳال ہے رُنے نِسے ݙینبھُوں دا ݙنگ لَڳدا تاں ہے

پائل دے گھنگرو جوڑ چا ؛ پیریں چا پاوں نچدے جلوں[1][edit]

پائل دے گھنگرو جوڑ چا ؛ پیریں چا پاوں نچدے جلوں 

نفرت بھرے بازار وچ نچ کے ڈکھاؤں  نچدے جلوں 

نچڑیں تاں پچھ ناں جھا ول ، بھوییں ہے بھاویں بھا ول 

لا ڈے جے لگدن ساہ ول ، سر دی نہ کر پرواہ ول 

رل گیے ہیں راہ دی دھوڑ وچ ، سنگتاں نبھاوں نچدے جلوں  

نفرت بھرے بازار وچ نچ کے ڈکھاؤں  نچدے جلوں

نفرت دے ہن وا جھولڑیں، سچ کوڑ اتھ کیا پهولڑیں

ساہ ساہ کو سک وچ رولڑیں ، رلدے کہیں کوں گولڑیں 

ہنڑ تاں انا بچدی نیں ، کیا کیا بچاؤں نچدے جلوں

نفرت بھرے بازار وچ نچ کے ڈکھاؤں  نچدے جلوں

کیں کیں دا ہنڑ اتھ غم کروں،  کھ تائیں اکھیں پرنم کروں 

زخمیں دا کیا مرہم کروں، ول آ ہنر حک بیا  کم  کروں 

پج تاں گیوں مچ میل وچ ، اپنڑی مچاؤں نچدے جلوں

نفرت بھرے بازار وچ نچ کے ڈکھاؤں  نچدے جلوں

کہیں نال کیا بر میچڑیں، کہیں دو ولا کیا ڈیکھڑیں

عشرت انا نیں وچڑیں، بے دی نیں بلڑیں سیکڑیں

بلدی دے بھالو ڈھیر ہن، اپنڑی دکھاؤں ، نچدے جلوں

نفرت بھرے بازار وچ نچ کے ڈکھاؤں  نچدے جلوں

حوالے[edit]

  1. http://khudnawisht.blogspot.com/2015/04/blog-post_6.html