Wp/skr/عباس یوسف

From Wikimedia Incubator
< Wp‎ | skrWp > skr > عباس یوسف
Jump to navigation Jump to search

عباس یوسف سرائیکی زبان دا شاعر ہے۔

ڄم پل[edit | edit source]

ڄام پور نال تعلق ہے، ملتان وچ ڄمے،

تعلیم[edit | edit source]

کتاباں[edit | edit source]

  • سک دا سیک
  • اساں لوک ہیں ککھ

نمونہ کلام[edit | edit source]

ݙوہڑہ[edit | edit source]

اساں موجی مونجھ دے صدمیاں دے نت مونجھ تیݙی دے لب چمدوں

تیݙے ݙتڑے سول ستم سارے اساں خوش تھی نال ادب چمدوں

تیݙے ناں دی نسبت ناں ساݙا تہوں تیݙا نام نسب چمدوں

تیݙے یوسفؔ سنگ سنگریج ڳیوں تیݙے سارے سانڳ سبب چمدوں

غزل[edit | edit source]

تیکوں ما رُخ یار مِٹھل لکھداں

بس ڳالھ ایہا ول ول لکھداں

تیݙی جگ وچ یار مثال جو نئیں

تیکوں ݙیکھ تے روز غزل لکھداں

کݙی لکھداں لب رخسار تیݙے

کݙی اکھ دا مست کجل لکھداں

بن مجنوں یار دیوانہ میں

تیݙی سوچ شعور عقل لکھداں

تیݙی دید عبادت اکھیاں دی

تیݙی سوچ کوں نیک عمل لکھداں

نمہی لکھدا اج تے کل یوسفؔ

میں یاد تیݙی پل پل لکھداں

غزل[edit | edit source]

من گھن میݙی ڳالھ وے سانول

ڳالھیں وچ نہ ٹال وے سانول

بن تیݙے میں جی نہ سڳساں

گھن جل آپنے نال وے سانول

بن تیݙے ہے پل پل اوکھا

کیویں لنگھسی سال وے سانول

جیویں تے لکھ تھیویں شالا

لڳیاں دی لج پال وے سانول

سچ ہے یوسف ؔ تیݙے باجھوں

خوشیاں دا ہے کال وے سانول

کلام۔۔۔۔محمد عباس یوسفؔ