Wp/skr/طیب رضوان زرش

From Wikimedia Incubator
< Wp‎ | skrWp > skr > طیب رضوان زرش
Jump to navigation Jump to search

طیب رضوان زرش سرائیکی زبان دا شاعر ہے۔

ڄم پل[edit | edit source]

دیرہ غازی خان نال تعلق ہے۔

نمونہ کلام[edit | edit source]

مَیݙے سِکدیں سَہکدئیں اَکھیں کُوں پَئی مُونجھ نَہ خَرچے ݙَیکھن ݙَے

تَیݙے زُلــف دَراز تُوں پِیریں تَئیں چُودَھار ہِن چَرچے ݙَیکھن ݙے

مَیں ݙِیونڑے پَاند مــحبت دَا مَیں لِکھݨن پَرچے ݙَیکھن ݙَے

تَھئن زَرِش ؔ تَیݙے چَہرے تے کَئی خُدا دَے خَرچے ݙَیکھن ݙَے

زَرِش ؔ

ݙوہڑہ[edit | edit source]

اے تَسبیاں ڳکڑیں دَاݨے سَبھ جَہڑے ہِن مَعجُود پَڑھیسن پَئے

اساں نَال نِیاز دے نَاں ہوسوں نَاں ہوسی وَجود پَڑھیسن پَئے

سَاکوں پَڑھسِن پَیارے لَحظہ کَھن کَئی لا مَحدُود پَڑھیسن پئے

آ زَرِشــــّ آخـری زَیـارت ݙے پِچھیں دَم دَرُود پَڑھیسن پَئے

ݙوہڑہ[edit | edit source]

مُکلاوئے جَـان کَݙھیندے ہَن .. رُو رُکدا ہا ہاں ݙکھدا ہا

ول کَلہا ݙیکھ کے رَاتیں کُوں ݙکھ ݙُھکدا ہا ہاں ݙُکھدا ہا

میکوں ڳل لا زَرِش مَال اُوندا جَاں جُھکدا ہا ہاں ݙُکھدا ہا

اُوندے بعد ہَمبھاہ پیا ماندا ہا دُھوں دُکھدا ہا ہاں ݙُکھدا ہا

ݙوہڑہ[edit | edit source]

تَیݙا قُول ہا سَنگتی سَــــاہ تئیں ہیں تئیں اپݨاں ظَرف ݙِیکھال گِھدے

مَیـݙا مـَـہݨا نئـیں ھِ ڳال سِــدھی تَیݙیں ڳالہیں خَــــان ٹِھڳال گِھدے

پَر سُوچیں سَـہی میݙی زِندگی دَے تَئـیں ݙھینہ کَھادن تئیں سَـال گِھدے

کَل رات تاں زَرِش کِلـھے تِھئـیوں دِل رُوندِی ہئی مَیں حــَال گِھدے

ݙوہڑہ[edit | edit source]

تَئـیں خِیال چَاتِے تُوں چُور ہِیویں بَݨ آپ اَدِیب نِکھڑدے ڳِئیوں

ہِک بِئے کُوں مَہݨے مُنہ تےِ ݙے ہَئی سوچ عَجیب نِکھڑدے ڳِئیوں

ھَاسے دُور تَاں سِک وِی تِھیندی ہَئی تِھیُوں ڈَھیر قَریب نِکھڑدے ڳِئیوں

سَاکوں زرِشؔ مَیں ہِئیں مَار سَٹیے تَہوں بےِ تَرتیب نِکھڑدے ڳِئیوں

زَرِش ؔ

ݙوہڑہ[edit | edit source]

سَاکُوں رِزق دِی ڳول اِچ ڳال ݙتی ھِ ہُݨ دا شَام سَبھائیں دا نئیں

سَاکوں وَہم دَے وَپرے آن ݙَسائے سِک سئیں دی ھِ سَاہ سائیں دَا نئیں

سُکھ آپو ڄَاݨ کِیوں آ بَہندے مَہمَان تَـــاں سَاݙے جَاہیں دا نئیں

سَاکوں زَرِش تَیݙے آســرے ہِن بِیا ݙسدا پَئے کُوئی کَہیں دَا نَئیں

زَرِشــــّ ,,

ݙوہڑہ[edit | edit source]

کَل خَواب ݙِٹھے تَیــݙے جَھیڑے ہَن تَیــݙی کَاوڑ دِید بݨائی پَئی ہَئی

سَاہ سَاہ دِی وِیل وَتیندیں ہُونویں سِک سَخت اُمـید بَݨائی پَئی ہَئی

بݨائی پِیاں ہَن اَکھـــیاں جَــالے کَائی ھَنج ھَنج تَنقید بݨائی پَئی ہَئی

اَساں ہَاسے زَرِش ؔ پِیــریں وِچ تَیــــݙی مُونجھ مُرید بݨائی پَئی ہَئی

زَرِش

تیڈی مُونجھ دِے بُھوگ[edit | edit source]

ڈِھینہ ڈُکھڑے ہَن مَیڈے پُکھڑے ہَن

تَیڈے لَہجے سَخت تِ رُکھڑے ہَن

تِھیاں اَکھیں رُو رُو ٹُکڑے ہَن

تَیڈی ضِد تُوں سئیاں ہِینڑی تَھئی

کَہیں جَاہ دا جَیکر ڈَس مِل پئے..!

کَہیں بِی بِی دِی مَیں واگ مَنی..! 

کِہیں بُھوپے توں وَنج پُھل لِکھوائے...!

رُل رُل لِکھوائے آ ڈیکھیں ہا.....؟

آ ڈیکھیں ہا.....؟

پِن مَنگ تِے وَالیاں وَسبے تُوں 

میں رَتول کِیتی ڈِیڈھی تِے

کُجھ خَتم تِ خَتم پَڑھائے ھن مَیں 

کَئی کالے کُکڑ کُہائے ھن مَیں

ڈَس اِتنا رُوگ اِے کَئیں بُھوگئین

تیڈی مُونجھ دِے بُھوگ تَاں مَیں بُھوگئین

زَرِشــ

غزل[edit | edit source]

تُوڑے بُھولے بَھالے لُوک ہیں 

تَیݙے نَاں تُوں ڳَالھے لُوک ہیں

جَہڑے مِـلدن ݙُکھ ݙے وِیندن

لڳـــدے اللہ وَالے لُوک ہیں

نَال بِھرانویں بُغض رَکھیندوں

کـتنے اَندرُوں کَالے لُوک ہَیں

تیݙی جُھوک دے رَاکھے رہوؤں

وَل نَصیبیں وَالے لُوک ہیں

لُوک ھِن اَپݨے ݙُکھ سُݨویندن

اَساں تَاں مَتوالے لُوک ہیں

ݙُوھ مَنجھیں دے پَاندے ݙَیسوں 

کِھیر پلاوݨ وُالے لُوک ہیں

تَیݙے پیر دی دُھوڑ ہَیں زَرِش 

تَیݙے شَہر نِکالے لُوک ہَیں

زَرِشــّـ ,,,

ہُݨ تاں جَندرا کُھولوں[edit | edit source]

ہَائے ہَائے مَیݙے دِل دی کُنجی

ہَائے ہَائے تیݙے ھَتھ وِچ رہ ڳئی 

ہَائے ہَائے مَیں کَملی 

مَٹھی 

عَقلوں مَٹھی"

مَیں بُھلکڑ " 

رُوح دے رَنگ وچ رَنگ نہ سَڳی 

کُنجی تئیں توں مَنگ نہ سَڳی

آ ݙیکھ

وَھم دِی سِوی 

ھُولے ھُولے 

بَھندی پئی ء 

کَھندی پئی ء

آ ݙیکھ

بَھالے پَالے تھی ڳئین 

مُونجھ دے دَر ت جَالے تھی ڳئین 

ݙُوہیں پَھالے کَالے تھی ڳئین

وَل آ 

رَل آ

چُھوڑ اَنا کُوں

کُجھ تاں بُولوں

آ وَئے سَانول

آ وَئے سَانول

ھُن تاں جَندرا کُھولوں

زَرِشــّـ,,

غزل[edit | edit source]

مُسافر ہیں سَفَر کرݨے نِسے گئے گَھر مُدامیں تُوں

مُقدّر وِی غَریبیں دا وَلا گئے دَر مُدامیں تُوں

مَیڈا مَالک جَہاں تَیڈے اَساں جِیوُوں تاں کِتھ جیوُوں

اَساں بے وَس اَساں بے تِڑ اَساں اݨ پَھر مُدامیں تُوں

گِلے شِکوے بَھلا کِیویں اَگُو کِیندے کَریجِن وَنج

تَماشائی وَدھاوَݨ دَے گُولیندِن شَر مُدامیں تُوں

وَڈیں سَاکوں ڈرایا ہا جُو جھیڑیں تُوں پریں رَہ گئے

نَصیحَت تے عَمل کِیتے نَہ نِختے ڈَر مُدامیں تُوں

بَھلے سَاڈے تَماشے کَر لَہا پِٹکی کَچاریں وِچ

ضَرُوری ہے اَدب تَیڈا ہِسے نوکَر مُدامیں تُوں

طَبیعَت ہُݨ زَرِش تَیڈے مَزاجِیں نَال نئیں مِلدی

اُنویں کَہڑی خَبر لَہندیں ڈَسا دِلبر مُدامیں تُوں

زَرِشــّـ