Wp/skr/سلیم طاہر قیصراݨی

From Wikimedia Incubator
< Wp‎ | skrWp > skr > سلیم طاہر قیصراݨی
Jump to navigation Jump to search

سلیم طاہر قیصراݨی تونسہ دا رہوݨ آلا ہے۔ سرائیکی دا ٻہوں چنگا شاعر ہے۔

کتاباں[edit | edit source]

  • کُن توں اَڄ تائیں

نمونہ کلام[edit | edit source]

کن توں اج تئیں دے کئی قصے ایں قصے توں کھلدن 

ایں قصے دا ورقہ ورقہ کہیں وسوں دا قصے ۔۔

اے کوئی اصلی سرشت نئیں میݙی 

تیݙے بک اچ پگھر کے آیاں میں ۔

آپ بیتی نمہی سنیندا کوئی 

اپنیں نسلیں کوں ݙر نمہی ݙیندا ۔۔۔

عشق ان سوچ دی علامت ہے 

عقل اتلا ذہین ہے کیویں ۔

آسماں دے اگوں کئی اݙانا تاں ہے 

ہک ذمیں ذاد ونج کے الانا تاں ہے

میں سمجھدا ھاں توں نہ ݙس میکوں 

کن تیں قم دے وچوں نہ ݙس میکوں ۔

ہن اتھو تے اگوں نہ راہ ویندے ۔۔

ہن پچھو تیں ولوں نہ ݙس میکوں

ݙیوے بال کیں وا تیں رکھدا ویندا ہے 

اگلی گال خدا تیں رکھدا ویندا ہے

دل نہ دھڑکن ہے شور چپ کر ڳئے 

بھاونویں اندر دا چور چپ کر ڳئے 

اپنے بت ءچ جو میں نہ لبھدا ہم 

درد چنݙ چنݙ پھلور چپ کر ڳئے 

کلام[edit | edit source]

نہ پتݨی دیں لئیں کجھ کرݨیں..

اندر اتلے،دریا واہندن.........

نینوں آندی، نئیں کجھ کرݨیں..؟

میں ہاں تیݙا ݙیٹھا بھالیا....

کجھ تھیندی تاں،تئیں کجھ کرݨیں..

آۓ ھن اپڑی عید مناوݨ...

اپڑیں لو نہ آئیں کجھ کرݨیں..

مونجھ ڑی!توں ھݨ ویندی پئی؟

اجاں وی تئیں،ہیں! کجھ کرݨیں؟

بھاگیں والا خوابیں لبھدے..

میں تاں ستیں پئیں کجھ کرݨیں..

سلیم طاھر..

کھل گذاری میں رو گذاری اے[edit | edit source]

کھل گذاری میں رو گذاری اے..

جو گذاری اے سو گذاری اے..

کیویں گذری اے یاد نئیں آندی..

جیرھی اکھیں اگو گذاری اے...

تیݙیں یادیں دی ترٹ پئی مالا..

رات ہنج ہنج میں پو گذاری اے..

اپڑیں اوھرو دا حال پچھدیں توں..

میں تاں تیݙے پرو گذاری اے..

او تاں نئیں کہیں شمار وچ آندی..

بن تیݙے جان جو گذاری اے..

میکوں لگدا ھے کہیں گذاری نئیں ..

ہک گھڑی میں تاں او گذاری اے..

ہݨ گذر گئی تاں ویݨ کت دا ہے..

ہاۓ گذاری اے،ھو گذاری اے..

اپڑیں پیریں دے پیریں پیاں میں..

کہیں دے پیریں نہ پو گذاری اے..

سلیم طاھر.

غزل[edit | edit source]

نال ھے میݙے دور دی دنیا..

آپ کے رکھ غرور دی دنیا..

واہندے دریا دے وانگ واہندی اے..

وچ اندھارے دے نور دی دنیا..

ݙر اے پتھر کݙاؤں نہ آ پووے..

میݙے وچ ھے کرور دی دنیا..

سئی سلامت ہے چور دنیا وچ..

درد تو چور چور دی دنیا..

سوکھ دے وچ سرور دے گھر ھن..

اوکھ وچ ھے سرور دی دنیا...

اوندے رنگیں کھڑا ݙتے میکوں..

ونج کھڑاں میں اسور دی دنیا ..

سلیم طاھر..

غزل[edit | edit source]

ایں کریندے بھلا کوئی،جند میݙی..

چھوڑ ویندے کلہا کوئی،جند میݙی..

ھݨ پتہ نئیں میں ہاں یا ناں شاید..

ھوندا ھامی میں،ھا کوئی، جند میݙی..

نال تیݙے تاں ݙس نئیں سگدا میں ..

پیار ھے ایتلا ،کوئی جند میݙی..

توں ذرہ میݙے نال تھیویں ھا..

رنگ تاں لیسی خدا، کوئی، جند میݙی..

اج تاں دریا میکوں پلاویں ھا..

تس ھے اتلی بلا کوئی جند میݙی..

اڑی تصویر بول پو ھݨ تاں..

اج کرشمہ ݙیکھا کوئی، جند میݙی..

تیݙے کن بے حساب خوشبو ھے..

قافلہ تاں لہا کوئی،جند میݙی..

تیݙے باجھوں تاں جیوݨا پۓ گئے..

ھے تاں جیوݨ سزا کوئی، جند میݙی..

گال میکوں الاوݨی آوے..

گال توں وی الا کوئی جند میݙی..

جان تیکوں میں ݙے ݙتی طاھر..

بیا حکم، ݙسا کوئی،جند میݙی..

سلیم طاھر..

دوروں آندے ہنس اساں سئیں[edit | edit source]

دوروں آندے ہنس اساں سئیں..

دریا، پاݨی، جھیل تساں او....

جسم ءن نیلو نیل اساݙے..

جیویں رنگو نیل تساں او..

اساں رلدے راہی دے وانگوں..

ساݙا سنگ_میل تساں او..

اساں تاں اکرس بدروں ماہ دی..

ٹھڈی وا دی ہیل تساں او..

آپ تساں او مینہہ دے چھاٹے..

ساݙی چھت،فصیل تساں او..

اساں تاں خالی خت کوٹھا ھیں..

وچ ستری سفیل تساں او..

اساݙے ھووݨ نا ھووݨ وچ..

ھووݨ والی ھیل تساں او..

اساں تاں ھیں ھک ٹیپ پراݨں 

من وچ چلدی ریل تساں او..

بن تہاݙے اساں کیا ہیں..

بن تہاݙے ساݙا کیا ھے...

سلیم طاھر.

غزل[edit | edit source]

جگارے تو گناہ تھیوے تاں سمہوں..

کتھائیں بئی جاء پناہ تھیوے تاں سمہوں..

سکن اوندے ھتھیں وینڑیں دیاں میندیاں..

ساڈے سمہنڑ دی جاہ تھیوے تاں سمہوں..

کہیں ھک پل لو گدا کولوں تاں ہینڑاں..

قصے وچ بادشاہ تھیوے تاں سمہوں..

اوکوں ڈیٹھے بناں نئیں نین سمہدے..

انہاں نیناں دا راہ تھیوے تاں سمہوں..

کوئی سوھنڑاں خواب آپو وی تاں ساڈا..

کڈائیں جے خیر خواہ تھیوے تاں سمہوں..

غزل[edit | edit source]

دل کوں بھانڑی بھوئیں وو..

بھوئیں نمانڑی بھوئیں وو...

رب سوھنڑیں دے رنگلے...

رنگیں ہانڑی بھوئیں وو..

توں نئیں لبھیا ساکوں..

اساں چھانڑی بھوئیں وو..

چنگے لوکی پئے ہن..

اتیں تانڑی بھوئیں وو..

سجھ سئیں دی تاں ازلی..

ھے نکرانڑی بھوئیں وو..

تیڈے اتیں لبھدے..

دانڑاں پانڑی بھوئیں وو..

اللہ سئیں دے ترکیں..

دی ہیمانڑی بھوئیں وو..

بھوئیں نئیں سہندی چھمکاں..

کنڈو رانڑی بھوئیں وو..

سلیم طاھر..

کون گھن آۓ لہا کنوں ساکوں[edit | edit source]

بے خودی دے خلا کنوں ساکوں..

کون گھن آۓ لہا کنوں ساکوں..؟

تیڈے در تانڑی آ ناسے سگدے..

تیڈی سک آئی اے چا کنوں ساکوں..

نندر،جھٹ تئیں اٹھال چھوڑیں توں..

بھل نہ ونجیں سمہا کنوں ساکوں..

وقت وی پی عجب پلیندا ھے..

تسا رکھدے، پلا کنوں ساکوں..

اساں رب کولوں چیو منگڑاں ھا..

او جے منگدا خدا کنوں ساکوں..

ھجر کھاندا ھے،کھا چھڑیندا نئیں..

ھجر کھاندے،بچا کنوں ساکوں..

چندر ،سجھ تانڑی نال جل ساڈے..

ول پھریں توں پچا کنوں ساکوں..

اوندی خوشبو کڈائیں نسی آندی ..

ھک گلہ ھے ہوا کنوں ساکوں..

نال بیٹھیں ھوئیں نال نئیں بہندا..

کنتیں ویندے بلہا کنوں ساکوں..

رکھنڑاں پوندا ہے آپ کوں آپیں..

آپ تو وی لکا کنوں ساکوں..

جئیں ونجایا ھے گول کے طاھر..

او گولیسی ونجا کنوں ساکوں..

سلیم طاھر..