Wp/skr/سعید ثروت

From Wikimedia Incubator
< Wp‎ | skrWp > skr > سعید ثروت
Jump to navigation Jump to search

سعید ثروت سرائیکی زبان دا شاعر ہے۔

ڄم پل[edit]

٨ اپریل ١٩٨٧ء کوں ڄمے۔

نمونہ کلام[edit]

ݙر تھیندے خیر دا مینہ ہووے جیڑھا ٻہوں رفتار ئچ پاݨی ہے

ایݙو بݙ ڳن فصلاں پاݨی توں اوݙوں شھر بزار ئچ پاݨی ہے

کیا سوچوں سوچ نی امدی کئ ساݙی سوچ وچار ئچ پاݨی ہے

ساݙے گھر نہ ثروت ڈھہہ پوون ساݙے در دیوار ئچ پاݨی ہے

سعیدثروت
ـ دل مونجھا تھی تے پچھدا پئے دلدار تاں ڈھیر ئن کیوں نی آئے

جݙاں خوشیاں تیں تےعاشق ھن چودھار تاں ڈھیر ئن کیوں نی آئے

ایں تھیسے سوچ نہ سگدا ھم اعتبار تاں ڈھیر ئن کیوں نی آئے

تیݙے غم وچ ثروت رب جاݨیں تیݙے یار تاں ڈھیر ئن کیوں نی آئے

سعیدثروت

ݙوہڑہ[edit]

ﺍِﯾﮟ ﺩٙﺭ ﺩﯼ ﺑٙﮭﻞ ﺑٙﮭﻞ ﮐﯿﺘﯽ ﮐﺮ ، ﺟﯿﺌﮟ ﮐﯿﺘﯽ ﺍﮮ ﺍﻭ ﺑٙﮭﻞ ﺑٙﮭﻞ ﺗﮭﯽ ﮔِﻦ

ﺣُﺮ ﺟﯿﺌﮟ ﭘٙﻞ ﭘﺎﮎ ﺣُﺴﯿﻦ ؑ ڈﻭ ﺁﺋﮯ ، ﺍُﻭﻧﺪﮮ ﺍﻭ ﭘٙﻞ ﻗﯿﻤﺘﯽ ﭘٙﻞ ﺗﮭﯽ ﮔِﻦ

ﮬﺎ ﺩُﻭﺭ ﺗﺎﮞ ﺩﺭﺩُﻭ ﺯﻧﺪﮔﯽ ﮬﺊ ، ﺍﺋﮯ ﻧﺎﻝ ﺗﺎﮞ ﻧﯿﮏ ﻋﻤﻞ ﺗﮭﯽ ﮔِﻦ

ﺟﻮ "ﺛﺮﻭﺕ" ﭘﺎﮎ ﺣُﺴﯿﻦؑ ﺩﺍ ﺗﮭﺌﮯ ، ﺍُﻭﻧﺪﮮ ﺳﺎﺭﮮ ﻣﺴﻠﮯ ﺣﻞ ﺗﮭﯽ ﮔِﻦ

(ﺳﻌﯿﺪﺛﺮﻭﺕ

غزل[edit]

کلہی جھوک تے کلہا آنوݨ چنگاں لگدے 

سارے جگ دی تات بھلاوݨ چنگاں لگدے

دل توں نیں الویندے لوک تاں کیوں الواوں 

اپݨیں نال ھݨ آپ الاوݨ چنگاں لگدے 

کئ ݙینہ بھل تے جھوک تے پھیرا توں وی پا ونج 

روز دا جانی تیں ݙو آنوݨ چنگاں لگدے

کجھ وی کینی ھے وی سہی تاں میکوں آکھو 

سارے شہر ئچ شور مچاوݨ چنگاں لگدے 

کون اے کہیں دا کیں کوں آکھوں ۔گھر دیاں گالھیں

گھر وچ بہہ تے آپ مکاوݨ چنگاں لگدے 

غیر کوں ثروت منہ نم لیندا یاریں کولوں 

دوکھے کھا تے پیار ونڈاوݨ چنگاں لگدے 

سعیدثروت

غزل[edit]

جیندا نکھیڑا میں کیتے ھݨ تیئں یکا مسئلہ بݨیے

مل پئے ولا اج دلربا دل دا ولا مسئلہ بݨیے

گالھیں وانگوں ڈیہدا وداں رستے تیڈے عرصے کنوں

تیڈی زیارت میں کیتے جی موت دا مسئلہ بݨیے

ماڑیں دے سکھ وی ڈیکھ گھن میں وی غریب آں سوچ گھن

کل کوں متاں روویں ودا آکھیں ودا مسئلہ بݨیے

بے وقت گر آیا کھڑاں مجبور ھاں مرضی تیڈی

ڈاڈھا جو ھیں ھیݨیں دی اے چھوٹی خطا مسئلہ بݨیے

تیڈی مونجھ توں بدلیا ھویا کہیں نال وی بولیا نمھی

کئ شئے جیلے کھادی نمھی گھر وچ وڈا مسئلہ بݨیے

خلق- خدا لڑدی پئی اے مردی پئی اے ھیں گال تے

کہیں دا بݨیے بھگوان تاں کہیں دا خدا مسئلہ بݨیے

ثروت میں اکثر ڈیکھداں چن وچ تیڈی تصویر کوں

اے ھک دفعہ تاں نیں تھیا اے کئی دفعہ مسئلہ بݨیے

سعید ثروت

غزل[edit]

عشق بیماری چٙلدی پئی اے

توبہ زاری چٙلدی پئی اے

عرصہ تھی گئے رابطہ کینی

مُونجھ مُنجھاری چٙلدی پئ اے

ذھن ءچ اُوندی کیسٹ وانگُوں

صُورت پیاری چٙلدی پئ اے

کون پیا آندے فجریں ویلے

جان ! بُہاری چٙلدی پئ اے

مینہہ ہے ، وا ہے ، اُوندی نوکری

ھے سرکاری چٙلدی پئ اے

وڈا ویڑھا اے ، چاہ دی چُسکی

واری واری چٙلدی پئ اے

غم ھِک ویندے بیا وٙل آندے

دیرے داری چٙلدی پئ اے

کلہیں کُجھ ہٙوُں یار دے مُنہ تے

تابعداری چٙلدی پئ اے

کون اے کہیں دا "ثروت" سئیں آں

دُنیا داری چٙلدی پئ اے

(سعید ثروت)

غزل [edit]

کر کئ حیلہ ݙیکھݨ چہنداں 

پیار دا رستہ ݙیکھݨ چہنداں 

تیݙی شال کوں ݙیکھݨ کیتے 

زور سیالہ ݙیکھݨ چہنداں

مونجھ ھنڈیندیں مد گزری ہے 

یار دا چہرہ ݙیکھݨ چہنداں

کھل الوا تے ݙیکھ تاں سہی میں

اپݨاں حوصلہ ݙیکھݨ چہنداں

میں وی کتنا پاڳل تھی ڳیاں 

میں وی کیا کیا ݙیکھݨ چہنداں 

میکوں نہ مل تیݙا گھر میں 

ھسدا وسدا ݙیکھݨ چہنداں 

دنیا ساری دشمن ھووے 

تیکوں اپݨا ݙیکھݨ چہنداں 

تیکوں ثروت کئ نہ ݙیکھے 

تیکوں کلہا ݙیکھݨ چہنداں 

سعیدثروت

نعت[edit]

ادب دے نال بہہ کرھیں ولا کلام کیتا ڳئے 

میڈے نبی دا ھر جگہ تے احترام کیتا ڳئے 

ھے دل دے نال جیں پڑھیا درودپاک سیئں کیتے 

چدھار اوں تے رحمتیں دا اہتمام کیتا ڳئے 

حسین توں حسین تر ڈوھیں جہاں بݨا کرھیں 

ڈوھیں جہاں کوں ول میڈے نبی دے نام کیتا ڳئے 

اتھاں غلام ناں دا ھا اتھاں میڈے بلال دی 

ھے جند غلام کیتی ڳئ تے دل غلام کیتا ڳئے 

کمال اے سیئں دا معجزہ،جماعت رج تے پی گھدے 

توݨیں جو ھک پیالے دا وی انتظام کیتا ڳئے 

میڈے نبی دیاں رحمتاں تے برکتاں قدم قدم 

جتھوں جتھوں گزر تے ڳن اتھئوں سلام کیتا ڳئے 

ھے شان کتھ حضور دی توں اے ڈسا وے ثروت آ 

اوں جاہ دا کیا مقام ھے جتھاں قیام کیتا ڳئے 

سعیدثروت