Wp/skr/سعید اختر سیال

From Wikimedia Incubator
< Wp‎ | skrWp > skr > سعید اختر سیال
Jump to navigation Jump to search

سرائیکی زبان دا ٻہوں وݙا شاعر ہے.دیرہ اسماعیل خان نال تعلق ہے.انہاں سرائیکی لغت دا کم وی کیتا ہے.

تعلیم[edit]

ایم بی اے کیتا ہے۔

پیشہ[edit]

نیشنل بنک وچ افسر ہے۔

کتاباں[edit]

  1. دیرا سندھ کنارے1991.
  2. وساکھ۔۔2000
  3. نوکھ۔2015
  4. رنگولی۔2017

نمونہ کلام[edit]

کھوہ کھٹِیندا رہ ڳیا[edit]

کھوہ کھٹِیندا رہ ڳیا

اکھیں رہیاں سب سجاک

خاب ہتھاں کوں کھٹئی دے پورھے اُتے لئی رہیا

مٹی کوں وِندلئی رہیا

پاݨیاں دے جھانولے دا روہ پَٹِیندا رہ ڳیا

کھوہ کھٹِیندا رہ ڳیا

ساولیں دی سب تریڑ

چویا چویا تھی کے سِجھ دی بھا دا منہ کڄیندی رہئی

ڄڑھ تسلی ݙیندی رہئی

نویاں نویاں پونبلیں دا رنگ وَٹِیندا رہ ڳیا

کھوہ کھٹِیندا رہ ڳیا

پاݨی سارے ݙیکھݨ ہار

پاݨیاں دا ورد چارھے پاسے ہک ہک تھوݙ تے

تریہہ وی اپݨے ھوݙ تے

آس دا ہک سِیوݨ ہار اکھیں سِیندا رہ ڳیا

کھوہ کھٹِیندا رہ ڳیا

(سعیداختر)

سلام[edit]

حق جِویندا ویندا ہے حُسین شاہ حُسین

شک بھنیندا ویندا ہے حُسین شاہ حُسین

سَے ورھیں دے کچ کنڈیر کوں لتاڑ کــے

راہ بنڑیندا ویندا ہے حُسین شاہ حُسین

چیتے دی ٻناڑی کـولوں دل دی مݨ تلک

پُل جُڑیندا ویندا ہے حُسین شاہ حُسین

ہیݨے تھی کے جگ دا کھاڑا کیویں جیتݨئے

گُر ݙَسیندا ویندا ہے حُسین شاہ حُسین

دُھپ دے تھل تـے اپݨا پِچھــاواں ٹور کـے

چھاں کریندا ویندا ہے حُسین شاہ حُسین

ویلے دے اندھارے اڳوں سچی مُچی دا

مچ ٻلیندا ویندا ہے حُسین شاہ حُسین

ہجرتاں دی تختی تـے غریب پوچ دا 

غم لکھیندا ویندا ہے حُسین شاہ حُسین 

تساں ماری اؤ[edit]

تساں ماری اؤ

ساݙے جھڑ بدلاں تے مینہاں کوں

ساݙے سِجھ کوں، چن تے تاریاں کوں

ساݙے ݙینہاں کوں

ساݙے ہفتے، مانھ، تے سالاں کوں

تساں ماری اؤ ساݙے ٻالاں کوں

ساݙیاں کونجاں کوں

ساݙیاں گھائیں، کندراں، کاہیں، کوں

نہ پُرسا ݙیو ساݙیاں مونجھاں کوں

تساں ماری اؤ ساݙیاں منجھیں کوں

ساݙیاں ڳاہیں کوں

درگاہیں کوں

ساݙے موسماں کوں، ساݙے پاݨیاں کوں

ساݙے پُھلاں کوں

تساں ڈھائی اؤ ساݙیاں جھوکاں کوں

تساں تروڑی اؤ ساݙیاں پُلاں کوں

تساں نال کھڑاؤ وݙے ڈِھڈھاں کوں

چنگے ٹُھلاں کوں

ٻس پالی اؤ تساں مُلاں کوں

سعیداختر

سعید اختر دی ہک لکھت[edit]

شہزاد عرفان تے میں شاگرد سانجھ دے سنگتی ہیں. سرائیکی لوک سانجھ 2006 اچ مک گئی. ادھا حصہ سویل دے ناں دی نویں تنظیم اچ رل گیا. تے باقی ادھا سرائیکی لوک پارٹی بݨا کے سیاسی عمل کو ودھاوݨ دا اہر کیتا. ایں وچالے شاکا صاحب ہک واری ولا لوک سانجھ دا جھنڈا چاکھڑے. ڈیرہ اسماعیل خان، ملتان، تے بہاولپور لوک سانجھ دے گڑھ ہین. ڄتھاں ہُݨ لوک سانجھ لبھدی نئیں. صرف ڈی جی خان دے اسلام آباد بیسڈ سرائیکی اڄوکی لوک سانجھ دے کرتا دھرتا ہِن. انھاں کوں پچھلے ݙوں گروپ سرائیکی لوک پارٹی تے سویل دے پاسوں قیادت نئیں ݙتی ڳئی. ہک گھر ھے ڄیندے ارکان لوک سانجھ بݨ کھڑن. ڳالھ لوک سانجھ دے بݨݨ دی نئیں. ڳالھ جنوبی پنجاب صوبے دی ھے ڄیکوں اساں جملہ پراݨے سرائیکی وسیب زادے ریجیکٹ کریندے ہیں. تے ساری وسوں کوں سنیہا ڈیندے پئے ہیں ڄو 23 ضلعیاں دے سرائیکی صوبے توں علاوہ کوئی ݙوجھا ناں قبول نہ کیتا ویسی. توݨے ڄو ساݙی جدجہد کوں سو سال ٻیا لڳ ونڄے. (سعیداختر) سعید اختر دیاں کتاباں 1۔دیرا سندھ کنارے1991. وساکھ۔۔2000 نوکھ۔2015 رنگولی۔2017